Lukas 4:1 - Mutu (Oov)

^1-2 Avuvu Patabuaŋ izeev Yesu, ve ye ipul ya Yordan, ve imuul ila. Ila ivot ndug balim, ve ineep tonowe irau mboŋ tamoot ru. Sawa tonenen, Avuvu Patabuaŋ igham pooz pani pa laghooŋ toni, ve Ŋgeu Samia ivotvot toni ve itovtoova. Mboŋ tamoot ru tonenen isob, ve Yesu pitool matini. Pasa, sawa isob tonenen, ye ighan aniiŋ eta maau.

Maaron Saveeŋ Tooni Patabuyaaŋ Tuam

^1-2 Avuvu Patabuyaaŋ izeev Yesu, ve i ipul yaa Yordan ve imuul ila. Ila ivot nugh ŋginaaŋa ve ileep ta sewe irau mboŋ tamoot ru. Saawe tana, Avuvu Patabuyaaŋ igham pooz pani pa laghooŋ tooni, ve Ŋeer Saghati ivotvot tooni, ve itovtoova. Mboŋ tamoot ru tana isov, ve Yesu pitoola kat. Pasaa, saawe isov tana, i ighan aniiŋ eta mako.

Lukas 4:1 Iomraidhean Croise

Matayu 3:16

Yesu ipul ya ve iza, ve mala maau sambam ikaak, ve ye ighita Maaron Avuvu izi inim inimale man mbaluuz, ve izala pogho. Yo 1:32

Lukas 2:27

Tovenen Yesu tama ve tina tighami tilooŋ tila sirsiir to Rumai Tiina lolo tighaze tigham ŋgar to tutuuŋ isavia ne pani. Ve sawa kat tonenen, Avuvu Patabuaŋ ipamundigin Simeon paam ve ilooŋ ila sirsiir to Rumai Tiina lolo.

Lukas 3:3

Tovenen imundig ilaagh irau ndug naol to tineep tigharau ya Yordan, ve ivovotia Maaron aliŋa pa tamtoghon ighaze tipul ŋgar todi samsamia, ve titoor ŋgar todi imuul ila pa Maaron ve tigham ya. Leso Maaron ireu sosor todi. 1Pe 3:21

Lukas 3:38

Kenan, ye Enos natu. Enos, ye Set natu. Set, ye Adam natu. Ve Adam, ye Maaron natu. Mbnp 1:27

Lukas 4:14

Yesu imuul ila pa Galilaia, ve Avuvu Patabuaŋ tapiri tiina ineep toni. Tovenen varu ilaan irau taan suruvu tonowen.

Lukas 4:18

“Maaron Avuvu ineep toman ghou. Pasa, ye ighur ghou pa navotia varu poia pa yes mbolaaŋa. Ve imbaaŋ ghou nanim pa nasaav pa yes to tineep ila koiadi nimadi tovene: ‘Avot ala! Yam aneep ila koiamimŋa nimadi muul maau.’ Ve yes to matadi pisi, Maaron ighaze you nasaav padi tovene: ‘Matamim pakia ve aghita ndug.’ Ve yes to koiadi titatan di, ve tighurghur pataŋani padi, Maaron imbaaŋ ghou nanim pa nagham mulin di. Ve ye ighaze navotia saveeŋ pa tamtoghon tovene: Sawa to Ŋgeu Tiina ipatooŋ poia toni ivot ighazooŋ, tauto ivot wa.” Is 61:1+; Yo 3:34; 2Kor 6:2

Yoan 1:32

Yoan ighaze ipariaaŋ di pa tighur ila to Yesu. Tovenen ipaes padi ighaze: “Taug naghita Maaron Avuvu ipul sambam, ve izi inim inimale man mbaluuz, ve ineep izala ŋgeu tonene pogho. Mt 3:16

Yoan 3:34

Ŋgeu to Maaron imbaaŋa izi inim, ye ivovotia Maaron tau aliŋa. Pasa, Avuvu to Maaron ireii pani ne, ye irei alulu pani maau. Ipul suvuni ila pani. Is 42:1; Mbaŋ 10:38

Uraat To Yes Mbaŋooŋa 8:39

Sawa to tipul ya ve tiza muul, Maaron Avuvu indae Pilip, le daba tonenen ighita muul maau. Daba tonenen ipamundigin laghooŋ toni muul, ve ilaagh taghon ataam ila toman lolo poia kat.