Lukas 3:1 - Mutu (Oov)

¹ Tiberius inim kinik to Rom, ve igham pooz irau ndaman saaŋgul ve paaŋ, ve ite inim liim pani, nene Pontius Piladus iŋgin taan suruvu to Yudea, ve Erod iŋgin taan suruvu to Galilaia, ve togha Pilip iŋgin taan suruvu to Iturea ve Trakonitis, ve Lisanius iŋgin taan suruvu to Abilene.

Maaron Saveeŋ Tooni Patabuyaaŋ Tuam

¹ Tiberius imin kinik to Rom, ve igham pooz irau ndaman saŋavul ve paaŋ, ve ite imin liim pani, ene Pontius Piladus iŋgin taan sirivu to Yudea, ve Erod iŋgin taan sirivu to Galilaia, ve toogha Pilip iŋgin taan sirivu to Iturea ve Trakonitis, ve Lisanius iŋgin taan sirivu to Abilene.

Lukas 3:1 Iomraidhean Croise

Matayu 14:1

Sawa tonenen, Erod, daba to iŋgin taan suruvu to Galilaia, ilooŋ Yesu varu pa uraat to ighamghami, le igham ŋgar naol.

Matayu 14:3

Erod isaav tovene pasa, mata iŋgal ŋgar to igham pa Yoan. Ŋgar tovene: Muuŋ, Erod isad togha Pilip azuwa Erodias ve ivaii. Sawa tonenen, Yoan ilala toni, ve inoknok saveeŋ pani ighaze: “Ŋgar to yom ugham pa liva tonanan, nene deŋia pa Maaron tutuuŋ toni maau.” Tauto Erod imbaaŋ tamtoghon pida tila tikis Yoan, tikaui pa ravraav, ve tighuri ilooŋ ila ruum to yabyabuuŋ. Wkp 20:21

Matayu 14:6

Tinepneep le indeeŋ sawa to Erod tina ipoopa, ghoro Erod yesŋa ndita pida tilup di pa ghanghaniiŋ. Sawa tonenen, azuwa Erodias natu liva ilooŋ ila, ve itor ila matadi le isad Erod ate.

Matayu 22:17

Tovenen usaav ghazooŋa payei. Ugham ŋgar vena? Ighaze iit Yuda tapiyaav takes ila pa kinik tiina to Rom, pale deŋia pa tutuuŋ toit, ma maau?”

Matayu 27:2

Tovenen tikau nima, ve tighami tila tighuri ila to Piladus. Piladus, ye gavana to Rom to iŋgin taan suruvu to Yudea.

Markus 6:17

Ye isaav tovene pasa, mata iŋgal ŋgar to ye igham pa Yoan. Ŋgar tovene: Muuŋ, Erod isad togha Pilip azuwa Erodias ve ivaii. Sawa tonenen, Yoan ilala toni, ve inoknok saveeŋ pani ighaze: “Ŋgar to ugham pa togham azuwa, nene deŋia pa tutuuŋ to Maaron maau.” Wkp 18:16 Yoan saveeŋ toni igham Erod azuwa ate yabyab. Tovenen ikalkaal ataam pa irabi imaat. Eemoghon iraua maau. Tauto Erod imbaaŋ tamtoghon pida tila tikis Yoan, ve tikaui pa ravraav, ve tighuri ilooŋ ila ruum to yabyabuuŋ. Leso igham azuwa lolo poia.

Markus 6:21

Tinepneep le sawa poia eez ivot pa Erodias irab Yoan imaat. Tiza pa sawa to Erod tina ipoopa, ghoro Erod igham ghanghaniiŋ tiina, ve ipoi yes daba to tiŋgin uraat toni, ve yes daba to malmal, toman ndiran pida to Galilaia to izadi tintina ne paam tinim, ve yesŋa tilup di pa ghanghaniiŋ.

Lukas 13:31

Sawa kat tonenen, ndiran tutuuŋa pida tila tipaes pa Yesu tighaze: “Ulooŋ. Upul ndug tonene, ve ughau ula pa ndug ite paam! Pasa, Erod ŋgar toni iyaryaaŋ ighaze irab ghom umaat.”

Lukas 2:1

Elisabet ipoop Yoan, ve sawa pida inim ila, ghoro Augustus to kinik tiina to Rom, isaav ariaŋa pa ndug tisob to tineep ila samba, ighaze tila tighur izadi.

Lukas 23:24

Tovenen ye ilooŋ di, ve ipul ŋgeu to ival tiina lolodi pani ne, ivot pa ruum to yabyabuuŋ. Ye ŋgeu to muuŋ ipazaagh tamtoghon ve tigham malmal pa tizurun gavman to Rom tighau, ve irab tamtoghon timaat. Eemoghon Yesu, Piladus itaghon ival tiina ŋgar todi, ve ighuri ila ndaaba pida nimadi.

Lukas 3:19

Muri, Yoan iyaan Erod to daba to taan suruvu to Galilaia. Pasa, Erod isad togha azuwa Erodias ve ivaii, ve igham ŋgar samsamia pida paam.

Lukas 9:7

Erod, ye daba to iŋgin taan suruvu to Galilaia. Ilooŋ Yesu varu pa uraat to ye ighamghami, le igham ŋgar naol. Pasa, tamtoghon pida tisavsaav tighaze Yesu, ye Yoan ŋgeu rughuzaaŋa to imaat ne, ve Maaron ipamundigini pa mateeŋ.

Uraat To Yes Mbaŋooŋa 23:26

“O gavana Feliks, tiina tiou. You Klodias Lisius nagham ndag poia payom.

Uraat To Yes Mbaŋooŋa 24:27

Ndaman ru isob, ghoro Feliks isob pa uraat, ve Porsius Festus igham ina. Feliks ighaze igham yes Yuda lolodi poia, tovenen ipul Paulus ineep ila ruum to yabyabuuŋ lolo.

Uraat To Yes Mbaŋooŋa 26:30

Paulus isavsaav le isob, ghoro kinik Agripa toman gavana Festus, Benis, ve tamtoghon tisob to tineep toman di, timundig tivot tila pumuri, ve tiwasavon di tighaze: “Ŋgeu tonowen igham sosor eta irau to tarabi imaat, ma taghuri ilooŋ ila ruum to yabyabuuŋ ne maau.” Lu 23:14+; Mbaŋ 23:9, 25:25

Uraat To Yes Mbaŋooŋa 4:27

“Saveeŋ tonene, aazne anoŋa ivot wa. Pasa, yom taum ughur Yesu, to mbesooŋa tiom patabuaŋ, inim Mesia. Eemoghon Erod yesuru Piladus toman yes to Yuda maau ne, ve ival tiina to Israel paam, tilup di izi ndug tiina tonene, ve tikaal ataam pa tizoor saveeŋ toni ve titatani. Tauto tirabi imaat. Lu 23:7+