Lukas 23:13 - Mutu (Oov)

¹³ Tovenen tigham Yesu imuul ila to Piladus, ve Piladus ipoi yes daba to watooŋrau ve daba pida toman ival tiina tinim tilup di,

Maaron Saveeŋ Tooni Patabuyaaŋ Tuam

¹³ Tauvene tigham Yesu imuul ila to Piladus, ve Piladus ipoi yes daaba to watooŋrau ve daaba siriv tomania eval tiina tilam tilup zi,

Lukas 23:13 Iomraidhean Croise

Markus 15:14

Tovenen Piladus ighason di muul ighaze: “Pasa? Ye igham sa sosor?” Eemoghon azedi iyaryaaŋ pa bobaaŋ tighaze: “Urabi izala ai pambarooŋ!”

Lukas 23:35

Ival tiina tiyondyood, ve timarar mbeb to ivotvot. Ve yes daba to Yuda paam tiyondyood, ve tipiyaav saveeŋ velegiiŋ pa Yesu tighaze: “Ye iuul tamtoghon naol. Ighaze onoon ye Mesia, ve Maaron ighuri pa uraat toni, ghoro iuul tau!” Mbo 22:7

Lukas 24:20

Tovenen nighaze pa ye Volaaŋa to pale igham mulin iit Israela pa pataŋani toit. Eemoghon maau. Yes daba to watooŋrau toman pooza toit tighuri ila yes Roma nimadi leso tirabi imaat. Tauto Roma tirabi izala ai pambarooŋ ve imaat. Mbeb tonene ivot pani mboŋ tol ila wa. Lu 1:68, 19:11; Mbaŋ 1:6

Yoan 12:42

Onoon, pooza katindi to yes Yuda tighur ila to Yesu. Eemoghon tivotia ghurla todi ivot ighazooŋ maau. Pasa, timatughez tighaze ndiran tutuuŋa pale tizurun di pa lupuuŋ todi, ve irau yesŋa tilup di pa suŋuuŋ muul maau.

Yoan 18:38

Tauto Piladus ighasoni muul ighaze: “Saveeŋ onoon, nene sa?” Yo 14:6 Piladus isavsaav toman Yesu le isob, ghoro ivot ila pumuri muul, ve isaav pa yes Yuda ighaze: “You naghita naghaze ŋgeu tonene, ye le sosor eta maau.

Yoan 19:4

Tighamgham tovene, ve Piladus ivot ila pumuri, ve isaav pa ival tiina ighaze: “Aghita. You pale nagham ŋgeu tonowen ivot inim tiam. Leso awatag aghaze you naghita naghaze ye le sosor eta maau.”

Yoan 3:1

Ŋgeu tutuuŋa eez inepneep, iza Nikodemus. Ye ineep ila lupuuŋ tiina to yes daba to tiŋgin yes Yuda. Yo 7:50, 19:39

Yoan 7:26

Aghita. Aazne, ye isavsaav ila ival tiina matadi. Eemoghon daba toit tisavia saveeŋ eta pani maau. Neneeŋadi moghon. Vena, yes avaat tiwatagi tighaze ye Mesia?

Yoan 7:48

Aghita. Daba toit ma ndiran tutuuŋa, todi eta ighur ila to ŋgeu tonowen? Maau. Yo 12:42; 1Kor 1:26, 2:8

Uraat To Yes Mbaŋooŋa 13:27

Eemoghon ival tiina to Yerusalem toman yes daba todi tighilaal Yesu maau. Onoon, umbom patabuaŋ to naol ne, yes tiwatwaat saveeŋ to yes propeta. Eemoghon tighilaal saveeŋ tonowen pughu maau. Yesu igham sosor eta irau to imaat pani ne maau. Eemoghon sawa to yes daba titiir saveeŋ toni, tighita tighaze ye igham sosor tiina, ve tighason Piladus pa irabi imaat. Ŋgar to tighami, nene deŋia pa Maaron aliŋa to muuŋ yes propeta tivotia. Saveeŋ todi tonowen, aazne anoŋa ivot wa. Mt 27:20+; Lu 23:18+; Mbaŋ 3:14+

Uraat To Yes Mbaŋooŋa 3:17

“Yam toŋvetaz, you nawatag: Yamŋa daba tiam aghilaal Yesu maau, tauto agham ŋgar samia pani. Lu 23:34; 1Kor 2:8

Uraat To Yes Mbaŋooŋa 4:5

Mboŋ ndugizau, ghoro pooza to yes Yuda, toman ŋginiiŋa todi ve ndiran ŋgara pida to tutuuŋ tilup di izi Yerusalem.

Uraat To Yes Mbaŋooŋa 4:8

Avuvu Patabuaŋ izeev Petrus, ve ye isaav padi ighaze: “Yam pooza ve yam ŋginiiŋa, vena?