Lukas 20:35 - Mutu (Oov)

^35-36 Eemoghon sawa paghu to pale ivot muri, yes to Maaron ighita di ighaze yes popoiadi irau to ipamundigin di pa mateeŋ, nene pale tivai muul maau. Pasa, irau timaat muul maau. Nepooŋ todi pale inimale yes aŋela. Ndiran tovene, mundigiiŋ todi pale ipatooŋ di ighaze yes tinim Maaron ndinatu. 1Kor 15:42+

Maaron Saveeŋ Tooni Patabuyaaŋ Tuam

^35-36 Eemon saawe paaghu tau pale ivot murei, yes tau Maaron ighit zi ighe yes popoiazi irau to tiburig pa mateegh ve tileep tomania, ene yes irau tivai muul mako. Pasaa, irau timaat muul mako. Lepoghazi pale imin yes aŋela. Zeran tauvene, burigiiŋ toozi itotoi zi ighe yes Maaron natŋa. 1Kor 15:42+

Lukas 20:35 Iomraidhean Croise

Matayu 12:32

Tovenen ighaze ŋgeu eta isavia saveeŋ samia iŋarua Tamtoghon Natu, nene Maaron irau ireu sosor toni. Eemoghon ighaze ŋgeu eta isavia saveeŋ samia iŋarua Avuvu Patabuaŋ toman uraat toni, nene sosor tovene, Maaron irau ireua maau. To aazne, ve sawa to Mboŋ Muri paam, ye irau ireua maau.”

Matayu 22:29

Yesu ipamuul aliŋadi ighaze: “Oyai, yam tonene awatag Maaron tapiri ve saveeŋ toni rita maau. Tauto ŋgar tiam iwaghamgham.

Markus 10:42

Tovenen Yesu ipoi di tinim, ve isaav padi ighaze: “Ŋgar to ndug ndug to Yuda maau ne, yam awatagi wa. Yes daba to tiŋgin di, tipapait taudi izadi, ve titatan yes to tineep ila sambadi. Ve tamtoghon todi pida to izadi tintina, yes titaghon ŋgar raraate moghon. Sawa naol, tipatooŋ tapiridi pa yes to tineep ila sambadi, ve titatan di. Lu 22:25+

Markus 12:24

Yesu ipamuul aliŋadi ighaze: “Oyai, yam tonene awatag Maaron tapiri ve saveeŋ toni rita maau. Tauto ŋgar tiam iwaghamgham.

Lukas 16:8

Ghoro Yesu isaav muul ighaze: “Onoon, ŋgar to uraata tonenen ighami, nene deŋia maau. Eemoghon sawa to tiina toni ilooŋ varu, ye ipait uraata tonenen iza. Pasa, ye igham ŋgar pa pataŋani to ighaze ivot pani, ve ikaal ataam pa tau, leso muri ineep pooi. “Tamtoghon to titaghon ŋgar to taan, tilib pa yes to titaghon ŋgar to ghazooŋa. Pasa, yes tiwatag katin sa ŋgar to taan to yes irau tighami, leso tineep pooi izi taan. Ve titaghon ŋgar tonowen. Eemoghon yes to tiwatag ŋgar to ghazooŋa, titaghoni iraua maau. Yo 12:36; Ep 5:8; 1Tes 5:5

Lukas 21:36

Tovenen apamaat ariaŋa irau sawa isob, ve asuŋ Maaron pa ipalot gham. Leso ayoon ariaŋa pa badooŋ pataŋani naol tonenen, ve sawa to ayoon ila Tamtoghon Natu mata, amatughez maau, ve ayoon toman tinimim iza.” 1Yo 2:28

Yoan 5:29

ve timundig, tipul naal todi, ve tivot. Yes to muuŋ tighamgham ŋgar popoia, pale timundig ve tineep matadi iyaryaar le alok. Eemoghon yes to muuŋ tighamgham ŋgar samia, pale timundig ve tigham atia to sosor todi. Mt 25:46; Mbaŋ 24:15; Ro 2:7+; Syg 20:12

Uraat To Yes Mbaŋooŋa 24:15

Yeiŋa yes ndiran tonene, ŋgar tiei ee moghon. Pasa, nisob nighur matamai pa sawa to Maaron pale ipamundigin yes mateeŋa. Yes ndiran deŋiadi, ve yes samsamiadi paam. Yo 5:28+; Mbaŋ 23:6, 26:6+; 2Kor 5:10

Uraat To Yes Mbaŋooŋa 5:41

Yes mbaŋooŋa tipul lupuuŋ tiina tonenen, ve tila toman lolodi poia ve tinidi iza. Pasa, Maaron ighita di ighaze yes popoiadi irau to timbaad pataŋani ve mayaŋiiŋa pa Krisi iza. Mt 5:10+; Mbaŋ 14:22; Pil 1:29; 1Pe 4:13

2 Tesalonika 1:5

Onoon, aazne yam ambaad pataŋani pasa, ataghon pooz to Maaron. Ŋgar tiam tonanan ipatooŋ gham ighaze muri, sawa to Maaron ipatooŋ pooz toni ivot ighazooŋ, ve iŋgabiiz tamtoghon ve ighur atia padi, ye pale ipait gham ighaze yam popoiamim irau to alooŋ ala ndug toni. Pasa, Maaron gabizooŋ toni, nene deŋia moghon. Tovenen yes to tighurghur pataŋani payam, ye pale ighur pataŋani padi, leso iyat ŋgar todi tonowen.

Hibru 11:35

Ve ndiliva pida, Maaron ipamundigin mateeŋa todi. 1King 17:21+; 2King 4:32+ Tamtoghon pida, koiadi tighur yabyabuuŋ padi ve tisaav padi tovene: “Ighaze yam apul murimim pa Maaron tiam, nene pale nipul gham ala.” Eemoghon yes tilooŋ aliŋadi maau, ve tiyoon ariaŋa pa badooŋ pataŋani. Pasa, tighur ila tighaze Maaron pale ipamundigin di pa mateeŋ, ve tigham nepooŋ poia kat to ilib pa pataŋani naol to timbaad di izi taan.

Saveeŋ Yoŋgaaŋ 3:4

‘Eemoghon yam to ndug Sardis, tamtoghon tiam pida tiŋgin taudi pooi, ve tipel nonogiiŋa todi maau. Tovenen yes popoiadi irau to tindud di pa nonogiiŋa pisosooŋa, ve yeiŋa nilup ghei pa laghlaghooŋ. Syg 6:11, 7:9+