Lukas 2:2 - Mutu (Oov)

² Nene sawa inim mata to tigham tamtoghon izadi. Uraat tonenen ivot indeeŋ Kirinius ighamgham pooz pa taan suruvu to Siria.

Maaron Saveeŋ Tooni Patabuyaaŋ Tuam

² Saawe tana, tipaburigin uraat to ghamuuŋ tamtamon ezazi ivot imin maata. Uraat tawe ivot indeeŋ Kirinius igham pooz pa taan sirivu to Siria.

Lukas 2:2 Iomraidhean Croise

Matayu 4:24

Yesu varu ilaan ila irau taan suruvu to Siria paam. Tovenen tamtoghon tigham moroghooŋa todi tisob tila toni. Yes to moroghooŋ naol naol toman yabyabuuŋ tiina igham di, yes to avuvu samsamiadi tizeev di, yes to borou ighamgham di titaptap tizizi, ve yes narapeŋa paam. Yesu igharaat di tisob tinidi popoia.

Lukas 2:1

Elisabet ipoop Yoan, ve sawa pida inim ila, ghoro Augustus to kinik tiina to Rom, isaav ariaŋa pa ndug tisob to tineep ila samba, ighaze tila tighur izadi.

Lukas 2:3

Tovenen ival tisob timuul tila pa paanu todi, leso tighur izadi.

Lukas 3:1

Tiberius inim kinik to Rom, ve igham pooz irau ndaman saaŋgul ve paaŋ, ve ite inim liim pani, nene Pontius Piladus iŋgin taan suruvu to Yudea, ve Erod iŋgin taan suruvu to Galilaia, ve togha Pilip iŋgin taan suruvu to Iturea ve Trakonitis, ve Lisanius iŋgin taan suruvu to Abilene.

Uraat To Yes Mbaŋooŋa 13:7

Sawa naol, ye inepneep toman Sergius Paulus to iŋgin mutu tonowen. Sergius Paulus, ye ŋgeu ŋgara eez, ve ighaze le ilooŋ Maaron aliŋa. Tovenen imbaaŋ ila pa Banabas yesuru Saul ighaze tinim toni.

Uraat To Yes Mbaŋooŋa 18:12

Ighamgham tovene le sawa to Galio iŋgin taan suruvu to Akaia, ghoro yes Yuda tilup lolodi inim ee moghon, ve tighaze tiŋgalsekin Paulus pa savsaveeŋ to ye ivovotia. Tovenen tighami tila ndug to gharatooŋ saveeŋ, ve tipayoonda ila Galio mata,

Uraat To Yes Mbaŋooŋa 23:26

“O gavana Feliks, tiina tiou. You Klodias Lisius nagham ndag poia payom.

Uraat To Yes Mbaŋooŋa 26:30

Paulus isavsaav le isob, ghoro kinik Agripa toman gavana Festus, Benis, ve tamtoghon tisob to tineep toman di, timundig tivot tila pumuri, ve tiwasavon di tighaze: “Ŋgeu tonowen igham sosor eta irau to tarabi imaat, ma taghuri ilooŋ ila ruum to yabyabuuŋ ne maau.” Lu 23:14+; Mbaŋ 23:9, 25:25

Uraat To Yes Mbaŋooŋa 5:37

Muri pa nenen, sawa to gavman to Rom tigham tamtoghon izadi, Yudas to Galilaia ana imundig iweu tamtoghon, ve titaghoni tighaze tizurun gavman to Rom tighau. Eemoghon ye paam, tirabi imaat, ve ndita tisob tighau.