Lukas 17:27 - Mutu (Oov)

²⁷ Sawa tonenen, tamtoghon lolodi imaagh pa taudi kat. Pataŋani to ighaze ivot, yes tighilaala maau. Tovenen tighanghan, tighunghun, ve tiwavaivai ila ila le sawa kat to Noa ilooŋ ila waaŋ lolo. Ghoro Maaron igham ya ivon toman yawaaŋa le itatab taan, ve irab tamtoghon tisob tilaledi.

Maaron Saveeŋ Tooni Patabuyaaŋ Tuam

²⁷ Saawe tana, tamtamon lolozi iveghai tauzi kat. Tighilaal pataŋani tau ighe ivot na mako. Tighanghan, tighunghun, ve tivavavai zi ila ila le saawe duduuŋ tau Noa iloŋ ila waaŋ loolo. Ra Maaron igham yaa ivot toman tapiri tiina le itav taan, ve iravuur tamtamon tisov tilalez.

Lukas 17:27 Iomraidhean Croise

Matayu 22:30

Sawa to Mboŋ Muri ve Maaron ighaze ipamundigin yes mateeŋa, nene pale tamtoghon tivai muul maau. Nepooŋ todi pale inimale yes aŋela to tineep izi sambam.

Lukas 17:26

“Sawa to mulaaŋ to Tamtoghon Natu ighaze inim igharau, nene pale tamtoghon titaghon ŋgar to muuŋ tighami ila sawa to Noa. Mbnp 6:5-7:1

Lukas 17:28

“Ve tamtoghon pale titaghon ŋgar to tighami ila sawa to Lot. Sawa tonenen paam, tamtoghon tighilaal pataŋani to ighaze ivot padi ne maau. Tighanghan, tighunghun, tirauraukol pa mbeb todi, tivavazog aniiŋ, tireirei ruum, ila ila le sawa to Lot ipul ndug Sodom ve ighau ila. Ghoro Maaron igham yab toman yaam salfa tuntunu to vuzi samia kat, titaptap ila tata ve tizi, le tirab di tisob tilaledi. Mbnp 19:24+; 2Pe 2:6; Jud 7