Lukas 13:35 - Mutu (Oov)

³⁵ Tovenen Maaron pale ipul rumai tiom ineep sorok, ve le tamtoghona maau. Ve you nasaav payom: Yom pale ughita ghou muul maau, le irau ŋgar to tamtoghon tiom ivot, ve tisaav tighaze: Mt 23:37+; Lu 21:20,24 ‘Poia to Maaron iza to ŋgeu tonene ve ipaloti. Pasa, ye igham Maaron nagho, ve inim!’ ” Mbo 118:26

Maaron Saveeŋ Tooni Patabuyaaŋ Tuam

³⁵ Tauvene Maaron pale ipul rumei tsio igheen sorok ve le tamtamona mako. Ve yau nasaav payo: Yo aat ughit ghau muul mako, le irau ŋgar to tamtamon tsio ivot, ve tisaav tighe: Mt 23:37+; Lu 21:20,24 ‘Poia to Maaron izaa to ŋeer tane ve ipaloti. Pa i igham Maaron naagho ta ilam!’ ” Mbo 118:26

Lukas 13:35 Iomraidhean Croise

Matayu 21:9

Ve tamtoghon pida timuuŋ pa Yesu, ve pida tilaagh muri, ve tipaiti toman aliŋadi tiina tighaze: “Hosana! Tapakur David Natu. Ŋgeu tonene inim pa Ŋgeu Tiina iza. Poia to Maaron pale iza toni ve ipaloti. Hosana! Tapait Maaron to ineep sala le sala kat ne iza!” Mbo 118:26

Matayu 23:37

Ghoro Yesu isaav muul toman lolo ipataŋan ighaze: “Aa Yerusalem, Yerusalem, yom ndug to urabrab propet to Maaron timaat. Ve yes uraata to ye imbaaŋ di tilat payom, yom urabrab di pa yaam ve timatmaat. Sawa naol, you naghaze nalup tamtoghon tiom tinim tiou. Leso napakud di inimale tatareek ipakud ndinatu pa bage. Eemoghon yam lolomim pa ŋgar tovene maau. Mbaŋ 7:59

Lukas 19:41

Yesu ilaagh ila le igharau Yerusalem, ghoro mata izala pa ndug, ve itaŋ pani. Ve isaav ighaze: “O ndug Yerusalem, naghaze aazne yom ughilaal ataam to yamŋa Maaron alup gham anim ee moghon ve luuma toni iza tiom, ghoro poia. Eemoghon ataam tonenen ighazooŋ payom sone. Ro 11:8

Lukas 21:24

Tamtoghon pida, pale timbut di pa buza ve timaat. Ve pida, koiadi pale tiyou di tila tineep irau ndug ndug. Ve ndug ndug to Yuda maau ne, pale tigham Yerusalem inim ledi, ve tineep pani ve tiŋgini le irau sawa to Maaron ighuri padi ne isob, ghoro tipuli. Mbo 79:1; Lu 20:16; Syg 11:2

Yoan 12:13

Tovenen tigham mbeb inimale napatolo raua, ve tivot tila tighaze tighita. Sawa to tighita, tipamundigin bobaaŋ, ve tipait iza tighaze: “Hosana! Tapakur Maaron toit! Poia to Maaron pale iza to ŋgeu tonene. Pasa, ye inim pa Ŋgeu Tiina iza, ve ye kinik to iit Israela!” Mbo 118:25+