Lukas 1:49 - Mutu (Oov)

⁴⁹ Pasa, Maaron ariaŋa igham uraat tintina payou. Ye iza patabuaŋ. Mbo 71:19, 111:9, 126:2+

Maaron Saveeŋ Tooni Patabuyaaŋ Tuam

⁴⁹ Pasaa, Maaron saksaki igham uraat tintiina payau. I eeza patabuyaaŋ. Mbo 71:19, 111:9, 126:2+

Lukas 1:49 Iomraidhean Croise

Markus 5:13

Yesu iyok padi, tovenen tipul ŋgeu tonenen, ve tiŋarua ŋgai tonowen tila le tizeev di tilooŋ tila lolodi. Ghoro tilaan taghon ndariri tizila, ve tiyatov di tizila ya lolo, ve tighun ya le tisob timatmaat. Ŋgai to timaat ne, irau ndiŋndiŋ ru (2000) ma venen.

Lukas 1:48

You liva mbesooŋa toni sorok. Leg izag maau. Eemoghon ye mata iŋgalŋgal ghou ve igham poian ghou. Tovenen aazne ve ila, tamtoghon pale tisavia poia to Maaron to iza tiou. Mbo 138:6; Lu 11:27

Lukas 1:50

Tamtoghon to timatughez pani ve titaghon ŋgar toni, ye lolo isamin di, ve iuluul di. Ighamgham tovene pa tamtoghon to aazne, ve itaghoni taghoni gha ila. Igham 20:6; Mbo 103:13-18

Epesus 3:20

Maaron tapiri to aazne ighamgham uraat ila lolood, nene tiina le tiina kat. Tovenen sa mbeb to ighaze taghason pani, ma mataad iŋgali, nene ye irau igham pait. Ve tonene moghon maau. Mbeb katindi to iit tagham ŋgar padi maau ne paam, ye irau igham di. Pasa, mbeb eta irau ila muri maau.

Saveeŋ Yoŋgaaŋ 15:4

Tiina tiei, yom moghon to patabuaŋ. Tovenen tamtoghon tisob irau timatughez payom ve titaghon ŋgar tiom, ve tipait izam pa tapirim ve poia tiom. Ndug naol pale tisob tinim tiput aghedi payom, ve tipait ghom. Pasa, ŋgar tiom to ughurghur atia pa tamtoghon, tauto upatooŋa ivot ighazooŋ wa.” Mbo 86:9

Saveeŋ Yoŋgaaŋ 4:8

Mbeb paaŋ tonowen ledi bagedi liim ve eez le irau di. Ve matadi katindi kat. Irau anoŋadi ve bagedi paam. Ve yes atedi izi maau. Mboŋ ve ndag, tipapait Maaron iza tighaze: “Tiina toit Maaron, tapiri tiina kat. Ilib pa mbeb to naol ne. Ye patabuaŋ, le patabuaŋ, le patabuaŋ kat! Ye ineep muuŋ, ineep aazne, ve muri ye pale inim.” Is 6:2+; Syg 1:4