Hibru 7:3 - Mutu (Oov)

³ Ve mbeb ite. Ighaze tawaat Maaron aliŋa, nene taghita saveeŋ waaro eta to isavia Melkizedek tama ve tina ve pughu toni ne maau. Ve sawa to tina ipoopa, ve sawa to ye imaat, nene paam, timbood saveeŋa eta maau. Tovenen taghita taghaze ye inim ghilalooŋ poia eez pa Maaron Natu. Pasa, Yesu ye ŋgeu to watooŋrau to iyoon bodbodaaŋ pa Maaron ve iit tamtoghon irau sawa isob. Mbo 110:4

Maaron Saveeŋ Tooni Patabuyaaŋ Tuam

³ Ve gabua ite. Ighe tawaat Maaron aliiŋa, ene taghita saveeŋ ziiri eta tau isavia Melkizedek taama gha tiina ve puughu tooni mako. Ve saawe tau tiina ipoopa, ve saawe tau i imaat na paam, tibood saveeŋa eta mako. Tauvene taghita taghe i imin ilaal poia ee pa Maaron Naatu. Pasaa, i ŋeer to watooŋrau tau iyooz bodbodaaŋ pa Maaron ve iit tamtamon irau saawe. Mbo 110:4

Hibru 7:3 Iomraidhean Croise

Matayu 4:3

Ghoro Ŋgeu To Watiiŋ ivot toni, ve isaav pani ighaze: “Laak, ighaze yom Maaron Natu, ghoro usaav pa yaam tonene, ve tinim am aniiŋ.”

Hibru 4:14

Tovenen ghurla toit to tavovotia ne, takisi tuŋia. Pasa, iit leed daba tiina eez to watooŋrau. Nene Yesu. Ye Maaron tau Natu. Ye malmali iza ila le ila peria to Maaron to sambam we, leso igham avood ve isavia saveeŋ toit ila toni. Hib 3:1, 6:11, 10:35+

Hibru 7:1

Melkizedek to nasavia ne, ye kinik to ndug Salem, ve ye ŋgeu to watooŋrau to imbesmbees pa Maaron Tiina To Ilib Pa Ndimaronŋa Tisob. Sawa to Abaram yesŋa kinik pida tigham malmal ve ilib padi, ye imuul ila le ivot to Melkizedek izi ataam luvuŋa. Ghoro Melkizedek ighur poia to Maaron iza toni. Mbnp 14:17+

Hibru 7:17

Pasa, Maaron aliŋa isavia ighaze: “Yom ŋgeu to watooŋrau unumale Melkizedek. Ve yom pale uneep tovene itaghoni taghoni gha ila.” Mbo 110:4; Hib 5:6

Hibru 7:2

Ye ighur poia to Maaron iza toni le isob, ghoro Abaram imundig, ve ilup mbeb tisob to tila tigham malmal ve tiyou di tinim ne, ve ivalag di tinim ndouŋ saaŋgul. Ghoro ighur ndouŋ eez inim Melkizedek le. Yo, Melkizedek iza pughu tovene: ‘Kinik to ŋgar deŋia.’ Ve ye iŋgin ndug Salem. Ve Salem pughu, nene ‘ŋgar luuma.’ Tovenen ye kinik to ŋgar deŋia ve ŋgar luuma.

Hibru 7:6

Melkizedek, ye ivot ila to Levi maau. Eemoghon mbeb to Abaram iyou di ne, tauto ivalag di tinim ndouŋ saaŋgul, ve ighur ndouŋ eez ila inim Melkizedek le. Aghita. Abaram iza tiina kat. Pasa, Maaron imbua saveeŋ tomani pa mbeb naol. Eemoghon Melkizedek iza tiina ilib pa Abaram. Tauto ipaloti ve ighur poia to Maaron iza toni.