Yoan 8:43 - Maaron Saveeŋ Tooni Patabuyaaŋ Tuam

⁴³ Mindai ta ŋgar tsiam ivot pa saveeŋ tsiau soone? Taliŋamim aat ivool wa. Tauta yam irau to alooŋ saveeŋ tsiau mako. Ro 8:7; 1Kor 2:14

Mutu (Oov)

⁴³ Pughu vena to aghazooŋ pa saveeŋ tiou sone? Yam avaat apoon lolomim wa. Tauto irau alooŋ saveeŋ tiou maau. Ro 8:7; 1Kor 2:14

Yoan 8:43 Iomraidhean Croise

Matayu 13:15

Pasaa, zeran tane, ŋgar toozi iyaryaaŋ kat. Lolozi pa ghilalooŋ gabua mako. Tinizi imum pa loŋaaŋ saveeŋ. Ve tiponpoon matazi, leso tighilaal gabua tau ivotvot ne puughu sov. Ve imin ta yes lolozi pa tigham ŋgar, kanaŋ tighilaal gabua tau matazi tighita ve taliŋazi tilooŋa na, ve tighazooŋ pa puughu, ve titoor ŋgar toozi. Leso nauul zi ve nareu sosor toozi.’ ”

Yoan 5:25

Onoon kat, yau nasaav payam: Malau mako pale saawe paaghu ivot. Aazne, ilam igharau wa. Saawe tana ighe ivot, yes tau titaghon eez to mateegh na, pale tilooŋ Maaron Naatu aliiŋa. Ve tamtamon tisov tau ighe tilooŋ aliiŋa ve titaghoni, ene aat tigham lepoogh poia ila to Maaron. Ga 2:20; Ep 2:1, 5; Kol 2:13

Yoan 5:43

Pasaa, yau nagham Tamaŋ Maaron naagho ta nalam. Eemon yam agham ghau mako, ve azor ghau. Ve isaav ighe ŋeer eta itaghon tauu ŋgar tooni ve ilam, na yam rekia mon aghamu toman lolomim poia, ve aghur ila saveeŋ tooni.

Yoan 6:60

Yesu ziŋeera katini tilooŋ saveeŋ tooni tana, le irau lolozi mako. Tauvene tiyau avozi pani tighe: “Wai, saveeŋ tane pataŋani kat! Sei pale ilooŋa ve ighur ila?” Eemon Yesu iwatagh ighe yes tiyau avozi pa aliiŋa tau i isavia na. Tauvene isaav pazi ighe: “Mindai, yam arere ghau pa saveeŋ tsiau tane, tauta aghe apul ghau ne?

Yoan 7:17

Isaav ighe tamtamon eta ighe itaghon Maaron loolo, i aat ighilaal: Saveeŋ tau yau napaduduuŋ gham pani ne, ene ilam pa Maaron, ma nasavia itaghon taug ŋgar tsiau?

Yoan 8:27

Saveeŋ tane, i isavia izaa to Taama Maaron. Eemon yes tighilaal saveeŋ tooni puughu mako.

Yoan 8:33

Yes tiyol aliiŋa tighe: “Wai, yei tane Abaram paaghu tooni. Yei nimin besooŋa sorok pa tamtamon eta pai eta soone. Mindai ta yo usaav ughe yei aat nimin besooŋa sorok muul mako?” Lu 3:8+

Yoan 8:39

Yes tiyol aliiŋa tighe: “Yei timbumai ta Abaram.” Tauvene Yesu isaav pazi ighe: “Imin ta yam Abaram paaghu tooni duduuŋ, kanaŋ ataghon ŋgar tau muuŋ i ighamghamu. Ro 2:28; Ga 3:7, 29

Uraat To Yes Mbaŋooŋa 7:51

Ra Stepanus isaav pa yes tau tipayooze pa savsaveeŋ na ighe: “Yam zeran to zoraaŋ saveeŋ. Ŋgar tsiam iyaryaaŋ kat imin yes tau tiwatagh Maaron mako! Ŋgar saghati tau igheen ila lolomim na, Maaron irav motini soone. Ve taliŋamim ivool kat. Saawe isov, yam azorzoor Avuvu Patabuyaaŋ ŋgar tooni, imin muuŋ timbumimŋa tighamghamu. Igham 32:9; Lo 10:16; Is 63:10

Rau Tau Paulus Iboode Pa Yes Roma Rom--Romans 3:11

Ve tamtamon eta le ghilalooŋ mako. Eta izuari ghi pa Maaron mako.