Yoan 7:7 - Maaron Saveeŋ Tooni Patabuyaaŋ Tuam

⁷ Tamtamon to taan lezi puughu eta to tighur koi payam mako. Eemon yau, o tighurghur koi payau. Pasaa, ŋgar sasaghati naol tau tighamgham zi na, yau navoti zi le tighazooŋ. Yo 3:19+, 15:18+

Mutu (Oov)

⁷ Tamtoghon to taan ledi pughu eta to tighur koi payam maau. Eemoghon you, ghoro tighurghur koi payou. Pasa, ŋgar samsamia naol to tighamgham di ne, you navotia di tighazooŋ. Yo 3:19+, 15:18+

Yoan 7:7 Iomraidhean Croise

Lukas 6:26

Ve yam tau aazne tamtamon tisov tipapait gham na, yam paam, akaria taumim wa. Pa muuŋ, timbumimŋa tighamgham tauvene pa propet karomŋa tau titoom tighe tivotia Maaron aliiŋa.” Yo 15:19; 1Yo 4:5; Yems 4:4

Yoan 17:14

Zeran tane, yau navotia saveeŋ tsio pazi gha tighamu wa. Tauvene yes to taan muul mako, imin yau to taan mako. Puughu tane ta yes tau titaghon taan ŋgara na, tighurghur koi pazi. Yo 15:19; 1Yo 2:15+

Yoan 3:19

“Puughu tau Maaron ighur atuya pa tamtamon, ene vene: Ghazooŋa tooni izilam taan wa. Eemon tamtamon lolozi pani mako, ve tizori. Ve lolozi pa ŋgar to ndoroom mon. Pasaa, ŋgar isov tau tighamgham zi, ene sasaghati mon. Yo 1:4+, 8:12

Rau Tau Paulus Iboode Pa Yes Roma Rom--Romans 8:7

Isaav ighe tamtamon eta ŋgar tooni iyaryaaŋ ighe itaghon loolo muŋgaana, ene i ighur koi pa Maaron. Tamtamon tauvene loolo pa ileep ila tutuuŋ to Maaron saamba mako. Isaav ighe itoova to itaghoni, ene aat irao mako. Kol 1:21; Yems 4:4

Galesia 4:16

Mindai, yau nasavia saveeŋ onoon payam, tauta aghe naghur koi payam?

Yakobus 4:4

Yam aghur murimim pa Maaron imin livaa tau ipul azaawa ve igham tamoot paaghu. Yam awatagh mako? Ŋgar to ghuruuŋ loloon pa gabua to taan, ene igham ghiit tamin Maaron koiŋa. Tauvene sei tau ighe ighur loolo pa gabua to taan, ene imin Maaron koia. Mt 6:24; Ro 8:7+; 1Yo 2:15

1 Yoan 4:5

Zeran tawe, gabuazi tomania saveeŋ toozi itotoi zi ighe yes to taan. Tauta yes tau titaghon ŋgar to taan na, tiloŋlooŋ aliŋazi.