Yoan 7:40 - Maaron Saveeŋ Tooni Patabuyaaŋ Tuam

⁴⁰ Eval tiina tilooŋ Yesu aliiŋa tana, ve tamtamon siriv tiburig ve tisaav tighe: “Onoon kat, propet tiina tau tasasaŋani ne, tauta ene!” Lo 18:15+; Yo 6:14

Mutu (Oov)

⁴⁰ Ival tiina tilooŋ Yesu aliŋa tonene, ve tamtoghon pida timundig ve tisaav tighaze: “Onoon kat, propet tiina to tasasaŋani ne, tau tonene!” Lo 18:15+; Yo 6:14

Yoan 7:40 Iomraidhean Croise

Matayu 21:11

Ve eval tiina tau tilaagh tomania Yesu na, tiyol aliŋazi tighe: “Ene Yesu, propet to nugh Nasaret tau igheen izi Galilaia.”

Yoan 1:21

Tauvene yes tighasoni muul tighe: “Ighe tauvene, na yo aat propet Ilia taa?” I iyol aliŋazi ighe: “Mako.” Mal 4:5; Mt 11:14 Tauvene tighasoni muul tighe: “Wai, ighe vene, na yo aat propet tiina tau nisasaŋani ne?” Eemon i iyol aliŋazi muul ighe: “Mako.”

Yoan 4:19

Livaa tana ilooŋ saveeŋ tane, ve ŋgar tooni pakia. Tauvene isaav pa Yesu ighe: “Olman, ŋgarig gha naghilaal ghom. Yo aat propet ee to Maaron. Lu 7:16; Yo 6:14

Yoan 6:14

Eval tiina tighita gabua ŋgereeta tau Yesu ighamu to itotoi tauu pazi na, le tivasavo zi tighe: “Onoon kat, propet tiina tau tisavia tighe Maaron pale imbaaŋo izilam taan, tauta ene!” Lo 18:15-22; Yo 1:21

Yoan 7:12

Ve eval tiina tivazorai zi pani paam. Siriv tighe: “I ŋeer poia.” Ve siriv tighe: “Mako, i ivatombanoi eval tiina le tisosor pa eez to Maaron.”