Yoan 6:1 - Maaron Saveeŋ Tooni Patabuyaaŋ Tuam

¹ Murei ra, Yesu tomania mbiwa tooni tigham waaŋ gha tila tivool pa yaa naliu Galilaia ziige ite. Yaa tawe, eeza ite Tiberias.

Mutu (Oov)

¹ Muri ghoro, Yesu toman taghoniiŋa toni tigham waaŋ ve tivool tila pa ya naliu Galilaia paŋa ite. Ya tonowen, iza ite Tiberias.

Yoan 6:1 Iomraidhean Croise

Matayu 15:29

Yesu ipul nugh tawe, ve ila ivot yaa naliu Galilaia muul. Ra ilaagh itaghon nari gha izala pa loloz ee, ve mboole izi ta sewe. Mk 7:31

Matayu 4:18

Saawe ee, Yesu ilaghlaagh taghon nari to yaa naliu Galilaia, ve ighita zeran ru to ghamuuŋ iigh tiwaswaas. Ee, eeza Simon (tau eeza ite Petrus). Ve ite eeza Andreas. I Simon taazi.

Lukas 5:1

Saawe ee, Yesu iyozyooz izi nari to yaa naliu Genesaret, ve eval tiina tilam tilivuti ve tivagiriŋi zi tighe le tilooŋ Maaron aliiŋa.

Yoan 21:1

Murei ra, Yesu ila ivot to mbiwa tooni muul izi nari to yaa naliu Tiberias. Ila ivot toozi itaghon eez tauvene.

Yoan 7:1

Murei pa tane, Yesu loolo pa laghooŋ izi Yudea muul mako. Pasaa, i iwatagh: Daaba to yes Yuda tau tileep izi sewe na tiliil eez to tiravu imaat. Tauvene ilaghlaagh izi Galilaia mon.

Yoan 9:10

Tauvene tighasoni tighe: “Wai, mindai ta matam poia gha ughita nugh?”