Yoan 4:43 - Maaron Saveeŋ Tooni Patabuyaaŋ Tuam

⁴³ Yesu yesŋa yes Samaria tileep mboŋ ru isov, ra iburig muul gha ila pa Galilaia.

Mutu (Oov)

⁴³ Yesu yesŋa yes Samaria tineep mboŋ ru isob, ghoro imundig muul ve ila pa Galilaia.

Yoan 4:43 Iomraidhean Croise

Matayu 4:13

Eemon ila ileep izi nugh puughu tooni Nasaret muul mako. Ipuli, ve ila ileep izi nugh Kapernaum tau igheen igharau nari to yaa naliu Galilaia. Nugh tawe igheen ila taan sirivu to yes Zebuluna ve yes Naptalia. Yo 2:12

Yoan 1:42

Tauvene Andreas igham toogha Simon, ve yesuru tila to Yesu. Yesu ighita Simon, ve isaav pani ighe: “Yo Simon, Yoan naatu. Murei pale tiwaat ezam tighe Kepas.” (Eez ‘Kepas’, yes Grika tiwaato ila aliŋazi tighe ‘Petrus.’) Mt 16:18

Yoan 4:40

Tauvene yes Samaria tawe tila tivot to Yesu, ve tiŋguruuta tighe i ileep tomani zi. Tauvene i ileep mboŋ ru ta sewe.

Yoan 4:44

(I tauu isaav pataghaaŋ wa ighe: “Propet eta irau le eeza izi tauu nugh tooni mako.”) Mk 6:4

Yoan 4:46

Yesu ila ivot muul izi nugh Kana tau igheen izi Galilaia na. Muuŋ, i itoor yaa imin vaen ta sewe. Yesu ilepleep ta sewe, ve uraata ee to kinik tau ileep izi nugh Kapernaum na, ilooŋ tighe Yesu ipul Yudea ve ilam ivot Galilaia wa. Uraata tawe naatu, moroghooŋ tiina ighamu ve ighengheen. Tauvene i ipul Kapernaum, ve ila ighe ighita Yesu. Ila ivot tooni, ve itaŋ raraini ighe izila Kapernaum ve igharaat naatu. Pasaa, moroghooŋ tiina ighamu le igharau ighe imaat.

Rau Tau Paulus Iboode Pa Yes Roma Rom--Romans 15:8

Pa yau nasaav payam: Krisi imin besooŋa pa yes Yuda, ve igham uraat itaghon saveeŋ mbuaaŋ tau Maaron isavia pa timbuzŋa na. Leso anooŋa ivot, ve ipaghazoŋai Maaron ighe saveeŋ tooni, ene onoon mon. Mbaŋ 3:25+; 2Kor 1:20