Yoan 3:4 - Maaron Saveeŋ Tooni Patabuyaaŋ Tuam

⁴ Tauvene Nikodemus ighasoni ighe: “Wai, ighe tamtamon eta imin olman wa, pale irau imin paaghu muul mindai? Pale iloŋ ila tiina aapo, ve ipoopa muul imin pai ru?”

Mutu (Oov)

⁴ Tovenen Nikodemus ighasoni ighaze: “Wai, ighaze tamtoghon eta inim olman wa, pale irau inim paghu muul vena? Pale ilooŋ ila tina apo, ve ipoopa muul inim pae ru?”

Yoan 3:4 Iomraidhean Croise

Yoan 3:3

Yesu iyol aliiŋa ighe: “Onoon kat, yau nasaav payo tauvene: Isaav ighe tapiri to nugh sambam igham tamtamon eta imin paaghu mako, i aat irau ighilaal pooz to Maaron ve ighita anooŋa tooni ne mako.” Mbo 51:10; Yo 1:12+; 1Kor 2:14; 2Kor 5:17; 1Pe 1:23

Yoan 3:5

Yesu iyol aliiŋa ighe: “Yau nasaav payo: Onoon kat, isaav ighe tamtamon eta imin paaghu ila yaa ve uraat to Maaron Avuvu mako, i aat irau itaghon pooz to Maaron ve iloŋ ila nugh tooni ne mako. Ez 36:25+; Yo 7:37+; Tit 3:5+

Yoan 6:53

Tauvene Yesu isaav pazi muul ighe: “Onoon kat, yau nasaav payam: Isaav ighe aghan Tamtamon Naatu miiza mako, ve aghun siŋ tooni mako, yam aat irau agham lepoogh poia ila to Maaron mako. Mt 26:26+

Yoan 6:60

Yesu ziŋeera katini tilooŋ saveeŋ tooni tana, le irau lolozi mako. Tauvene tiyau avozi pani tighe: “Wai, saveeŋ tane pataŋani kat! Sei pale ilooŋa ve ighur ila?” Eemon Yesu iwatagh ighe yes tiyau avozi pa aliiŋa tau i isavia na. Tauvene isaav pazi ighe: “Mindai, yam arere ghau pa saveeŋ tsiau tane, tauta aghe apul ghau ne?

1 Korin 1:18

Onoon, saveeŋ tau isavia mateegh to Krisi izala ai pambarooŋ, yes tau titaghon eez to tilalez na, tighita tighe ene saveeŋ to yes kankanooŋa. Eemon iit tau Maaron ighamgham uratoi ghiit to igham mulin ghiit ne, taghilaal taghe: Saveeŋ tawe, Maaron tapiri igheen ila. Ro 1:16; 1Kor 2:14; 2Kor 4:3

1 Korin 2:14

Isaav ighe ŋeer eta itaghon ŋgar to tamtamon mon, i pale izor ŋgar tau ilam pa Maaron Avuvu na, ve ighita ŋgar tawe imin ŋgar to yes kankanooŋa. Irau ighazooŋ pani mako. Pasaa, Maaron Avuvu iuul ghiit, o tagabiiz poghania ŋgar tana, ve taghazooŋ pani. Yo 6:44, 14:17; Ro 8:5+; 1Kor 1:18,23