Yoan 3:10 - Maaron Saveeŋ Tooni Patabuyaaŋ Tuam

¹⁰ Yesu iyol aliiŋa ighe: “Wai, yes Israela tighit ghom tighe yo ezam tiina pa uraat to paduduŋaaŋ tamtamon pa Maaron aliiŋa. Mindai ta yo ughazooŋ pa gabua tane mako?

Mutu (Oov)

¹⁰ Yesu ipamuul aliŋa ighaze: “Wai, yes Israela tighita ghom tighaze yom izam tiina pa uraat to patoŋaaŋ tamtoghon pa Maaron aliŋa. Pughu vena to yom ughazooŋ pa mbeb tonene maau?

Yoan 3:10 Iomraidhean Croise

Matayu 11:25

Saawe tana, Yesu isuŋ ighe: “O Tamaŋ, yo Tiina tau uŋgin sambam ve taan. Yau napait ghom toman lolog poia. Pasaa, yes tau lezi ŋgar tintiina ve tighazooŋ pa gabua naol na, yo uŋgooz uraat tsiau tane puughu pazi. Ve upaghazoŋaini pa yes tau tigham ŋgar pa ezazi mako, ve tinumeer ghom imin geegeu tinumeer tamazŋa ve tinazŋa. 1Kor 1:26+

Matayu 22:29

Yesu iyol aliŋazi ighe: “Oyai, yam tane awatagh Maaron tapiri ve saveeŋ tooni rigta mako. Tauta ŋgar tsiam ikau.

Lukas 2:46

Tiilo le irau mboŋ tol ila, ra tindeeŋa ileep ila sirsiir to Rumei Tiina loolo. I yesŋa zeran ŋgara siriv to tutuuŋ tilepleep, ve i iloŋlooŋ zi, ve ighaghason zi pa saveeŋ siriv.

Lukas 5:17

Saawe ee, Yesu ipaghazoŋai tamtamon pa Maaron aliiŋa, ve zeran tutuuŋa tomania ŋgara siriv to tutuuŋ tileep tomani zi paam. Zeran tawe, siriv tileep nugh naol to Galilaia ve tilam, siriv tileep taan sirivu to Yudea ve tilam, ve siriv tileep Yerusalem ve tilam. Maaron tapiri ighengheen tomania Yesu, tauvene i irau igharaat yes moroghooŋa le tinizi poia.

Yoan 3:9

Nikodemus ilooŋ saveeŋ tane, ve ighason Yesu muul ighe: “Wai, gabua tau yo usavia na, pale ivot mindai?”

Uraat To Yes Mbaŋooŋa 5:34

Eemon ŋeer tutuuŋa ee ileep ila lupuuŋ tana loolo, eeza Gamaliel. I paduduŋaaŋ ee to tutuuŋ, ve tamtamon tisov titandagh pani. I iburig iyooz, ve isaav pazi ighe: “Ai, agham zeran tane tivot tila muuri o.”

Rau Tau Paulus Iboode Pa Yes Roma Rom--Romans 2:28

Isaav ighe tamtamon eta ipamir tauu ighe i Yuda, eemon itaghon Maaron ŋgar tooni mako, ene i Yuda tauu mako. Pasaa, ŋgar tauu to yes Yuda, ene gabua to loloon. Ve uraat to ravuuŋ tamtamon warozi tauvene paam. Ene gabua to uliin mon mako. Ene gabua to loloon. Maaron Avuvu igham ŋgar muŋgaana ilale, ve igham ŋgar paaghu ivot ila loloon. Gabua tauvene, tutuuŋ tau tiboode na irau igham pait mako. Tamtamon tau ighe gabua tauvene ivot pani, i aat igham ŋgar pa pakuruuŋ to tamtamon mako. I aat izuari ghi pa pakuruuŋ tau ilam pa Maaron mon. Ro 9:6+; Ga 6:15; Pil 3:3; Kol 2:11+

Pilipai 3:3

Alooŋ. Ŋgar tauu to ravuuŋ waar, ene gabua to loloon. Tauvene iit tamtamon to Krisi, ta tataghon duduŋai ŋgar tauu to ravuuŋ waar ve tamin Maaron tamtamon tooni. Ene nasavia iit tau tanumeer tauun tapiriin ve ŋgar toit mako, ve tabees pa Maaron itaghon pooz to Maaron Avuvu, ve tintiniin pa Yesu Krisi ve tapait i eeza. Ro 2:28+; Kol 2:11

Kolosi 2:11

Alooŋ. Yam tau apaak Krisi ve aleep tuŋia ila tooni na, ŋgar tauu to ravuuŋ waromim ivot payam wa. Ene nasavia ŋgar tau tamtamon tigham pa nimazi ne mako. Yau nasavia uraat tau Krisi ighamu ila lolomim, leso iziir ŋgar to lolomim muŋgaana ighau payam. Ro 2:29; Pil 3:3