Yoan 20:18 - Maaron Saveeŋ Tooni Patabuyaaŋ Tuam

¹⁸ Tauvene Maria to nugh Magdala ila ivot to yes mbiwa, ve ipaes pazi ighe: “Yau naghita Tiina toit pa taug matag wa!” Ra ipaesia Yesu aliiŋa pazi gha tilooŋa.

Mutu (Oov)

¹⁸ Tovenen Maria to ndug Magdala ila ivot to yes taghoniiŋa, ve ipaes padi ighaze: “You naghita Tiina toit pa taug matag wa!” Ghoro ipaesia Yesu aliŋa padi ve tilooŋ.

Yoan 20:18 Iomraidhean Croise

Matayu 27:56

Zilivaa tawe, toozi tol, ene Maria to nugh Magdala, ve Maria ite tau Yakobus gha Yosep tinazi na, ve Zebedi azaawa tau Yakobus gha Yoan tinazi na.

Matayu 28:10

Ra Yesu isaav pazi muul ighe: “Yamru aroi sov! Ala ve asaav pa tazigŋa tila pa Galilaia. Tila tivot ta sewe, o tighit ghau.” Hib 2:11

Lukas 24:10

Zilivaa tawe, ene Maria to Magdala, Yoana, Maria ite tau Yakobus tiina na, ve zilivaa siriv paam. Yes tane ta tipaesia gabua isov tana pa yes mbaŋooŋa. Eemon yes tighur ila saveeŋ toozi mako. Tighe pa dabazi ikaukau ve tisaav sorok.

Yoan 19:25

Yesu tiina Maria yesuru tazliva, ve Maria ite tau Klopas azaawa na, ve Maria ite to nugh Magdala, ve mbiwa tau Yesu loolo igheen tooni kat na, yes tiyozyooz igharau ai pambarooŋ tooni puughu. Yesu maata izi le ighita tiina yesuru mbiwa tooni tawe tiyozyooz. Tauvene isaav pa tiina ighe: “Tinaŋ, ughita. Ena yo natum.” Yo 13:23

Yoan 20:1

Umbom patabuyaaŋ isov, ve saawe imin maata to wik tana, mboŋoozo, ndoroome geeg, ve Maria to Magdala ila ighe igig naal to Yesu. Ila ivot maet puura tau tighur Yesu paata pani na, ve ighita maet tiina tau ipoon naal aavo na, tipatambulia ighau wa.