Yoan 18:3 - Maaron Saveeŋ Tooni Patabuyaaŋ Tuam

³ Tauvene Yudas igham zaaba siriv to Rom tomania uraata siriv tau yes daaba to watooŋrau ve zeran tutuuŋa timbaaŋ zi na, ve yesŋa tila pa nugh tawe. Tikis lam ve sul tomania zaab to malmal, ve tilaagh tila.

Mutu (Oov)

³ Tovenen Yudas igham ndaaba pida to Rom toman uraata pida to yes daba to watooŋrau ve ndiran tutuuŋa timbaaŋ di, ve yesŋa tila pa ndug tonowen. Tikis lam ve sul toman ndaab to malmal, ve tilaagh tila.

Yoan 18:3 Iomraidhean Croise

Matayu 25:1

Yesu isavia saveeŋ palelaaŋ tane pazi ighe: “Saawe tau Tamtamon Naatu imuul ilam ve itotoi pooz to nugh sambam ivot ighazooŋ, ene pale ŋgara imin zilivaa paghpaaghu saŋavul tau tisaŋan ŋeer ee tau ighe ivai. Tauvene tigham lam toozi ve tila tisaŋani izi eez livuugha. Leso tighur yesuru azaawa tila ruum toozi. Lu 12:35

Yoan 13:2

Ravrav izi, ve Yesu tomania mbiwa tooni tilup zi pa ghanghaniiŋ. Yudas tau Simon Iskariot naatu, Ŋeer Saghati ipazaagh loolo wa, leso ighur Yesu ila koiŋa nimazi.

Yoan 18:12

Ra yes zaaba to Rom tomania daaba toozi ve yes uraata tau yes Yuda timbaaŋ zi tila na, tikis Yesu, tikau niima, ve tighamu ila to Anas imin maata, leso ilooŋ saveeŋ tooni. Ndaman tana, Anas raawa Kaiapas, i daaba to watooŋrau.

Yoan 18:18

Saawe tana, nugh iyauŋ. Tauvene yes besooŋa tomania uraata siriv tindav yav gha ilavlaav zi ve tilepleep. Ve Petrus paam ila iyozyooz tomani zi, ve yav ilavlaavo.

Yoan 18:22

Yesu isavia saveeŋ tane, ve uraata ee tau iyooz igharauu na, iposai paaŋa, ve isaav pani ighe: “Ai, uyol daaba to watooŋrau saveeŋ tooni tauvena pasaa? Uroron pani mako?”

Yoan 19:6

Yes daaba to watooŋrau tomania uraata siriv to Rumei Tiina tighita Yesu, ve tiboob tighe: “Uravu izala ai pambarooŋ! Uravu izala ai pambarooŋ!” Eemon Piladus isaav pazi ighe: “Yam taumim aghamu ala, ve aravu izala ai pambarooŋ. Pa yau naghita naghe i le sosor eta mako.” Mbaŋ 3:13+

Yoan 7:32

Zeran tutuuŋa tilooŋ eval tiina tivakamunai zi pa Yesu tighe i Mesia. Tauvene yesŋa yes daaba to watooŋrau timbaaŋ uraata siriv to Rumei Tiina tila to tikisi.

Uraat To Yes Mbaŋooŋa 1:16

“Yam toŋvetaz, muuŋ, Avuvu Patabuyaaŋ ipaburigin kinik David gha ivotia Maaron aliiŋa tau iŋarui gabua tau ivot pa Yudas na. Saveeŋa igheen ila Maaron aliiŋa tau tiboode na, ve aazne anooŋa ivot wa. Pasaa, Maaron aliiŋa isov aat ighur anooŋa ivot itaghon i tauu ŋgar tooni. Yam awatagh: Yesu igham Yudas imin mbiwa tooni, ve itiŋa taluplup ghiit ve tabesbees pa uraat to Maaron. Eemon murei, Yudas ilaagh tomania Yesu koiŋa, ve itotoia pazi, tauta tikisi. Mbo 41:9

Uraat To Yes Mbaŋooŋa 10:1

Daaba ee ilepleep izi nugh Sisarea, eeza Konili. I iŋgin zaaba to Rom irau ndiŋndiŋ ee (100) tau tilam pa taan Itali. Tauta tiwaat zaaba tawe tighe ‘Ŋgun to Itali.’