Yoan 18:12 - Maaron Saveeŋ Tooni Patabuyaaŋ Tuam

^12-13 Ra yes zaaba to Rom tomania daaba toozi ve yes uraata tau yes Yuda timbaaŋ zi tila na, tikis Yesu, tikau niima, ve tighamu ila to Anas imin maata, leso ilooŋ saveeŋ tooni. Ndaman tana, Anas raawa Kaiapas, i daaba to watooŋrau.

Mutu (Oov)

^12-13 Ghoro yes ndaaba to Rom toman daba todi, ve yes uraata to yes Yuda timbaaŋ di tinim, tikis Yesu, tikau nima, ve tighami tila to Anas muuŋ, leso ilooŋ saveeŋ toni. Ndaman tonenen, Anas rawa Kaiapas, ye daba to watooŋrau.

Yoan 18:12 Iomraidhean Croise

Matayu 26:57

Zeran tau tikis Yesu na, tighamu tila, ve tighuru iloŋ ila ruum to Kaiapas. Kaiapas, i daaba tau imuuŋ pa yes to watooŋrau. Yes ŋgara to tutuuŋ tomania pooza siriv to yes Yuda tilup zi ta sewe ve tisasaŋan.

Matayu 27:2

Tauvene tikau niima, ve tighamu tila tighuru ila to Piladus. Piladus, i gavana to Rom tau iŋgin taan sirivu to Yudea.

Matayu 27:27

Yes zaaba tawe tigham Yesu gha tiloŋ tila gavana ruum tooni loolo, ra tipoi zetazŋa tisov tilam tilup zi, ve tiyooz livutin Yesu, ve tipamogheraini imin i kinik.

Markus 14:53

Yes tigham Yesu tila, ve tighuru iloŋ ila ruum to daaba tau imuuŋ pa yes to watooŋrau. Daaba tisov to watooŋrau, tomania yes ŋgara to tutuuŋ ve yes pooza tilup zi ta sewe ve tisasaŋan.

Markus 15:1

Mboŋoozo geeg, yes daaba to watooŋrau tomania ŋgara to tutuuŋ, ve daaba siriv to lupuuŋ tiina tau tiŋginŋgin yes Yuda na, tisov tilup zi, ve tivasavo zi pa saa ŋgar ta pale tigham pa Yesu. Le isov, ra tikis Yesu, tikau niima, ve tighamu tila tighuru ila Piladus niima.

Lukas 22:54

Yesu isavia saveeŋ tane le isov, ra tikisi, ve tighamu tila, ve tighuru iloŋ ila daaba to watooŋrau ruum tooni. Petrus itaghon zi, eemon ilaagh soghan rig gha ila.

Yoan 18:3

Tauvene Yudas igham zaaba siriv to Rom tomania uraata siriv tau yes daaba to watooŋrau ve zeran tutuuŋa timbaaŋ zi na, ve yesŋa tila pa nugh tawe. Tikis lam ve sul tomania zaab to malmal, ve tilaagh tila.

Uraat To Yes Mbaŋooŋa 10:1

Daaba ee ilepleep izi nugh Sisarea, eeza Konili. I iŋgin zaaba to Rom irau ndiŋndiŋ ee (100) tau tilam pa taan Itali. Tauta tiwaat zaaba tawe tighe ‘Ŋgun to Itali.’

Uraat To Yes Mbaŋooŋa 21:31

Tizuari zi tighe le tiravu imaat. Eemon saveeŋ ilaan ila igham daaba tau iŋgin zaaba tisov to Rom tau tilepleep Yerusalem na tighe: “Yes Yerusalema tisov tileep ila malmal tiina loolo!”

Uraat To Yes Mbaŋooŋa 21:37

Yes zaaba tigham Paulus tighe tiloŋ tila pa ruum toozi loolo, ve Paulus isaav ila pa daaba toozi ighe: “Mindai, irau nasavsaav tomani ghom rig?” Daaba tana iyol aliiŋa ighe: “Wai! Yo uwatagh Grika aliŋazi?

Uraat To Yes Mbaŋooŋa 23:10

Daaba tau iŋgin zaaba tisov to Rom na ighita saveeŋ toozi iparav kat. Tauvene iroi ighe tivatukai Paulus ila ilam, ene pale tiraŋgati ve imaat. Tauvene isaav pa zaaba tooni, ve tila tiŋguaaz Paulus ighau pa yes daaba tana, ve tighamu tiloŋ tila ruum toozi loolo muul.