Yoan 16:3 - Maaron Saveeŋ Tooni Patabuyaaŋ Tuam

³ Tamtamon pale tigham ŋgar tana payam pasaa, tikankaan pa Tamaŋ Maaron, ve tikankaan payau paam. Yo 15:21; Ro 10:2; 1Tim 1:13

Mutu (Oov)

³ Tamtoghon pale tigham ŋgar tonenen payam pasa, tikankaan pa Tamaŋ Maaron, ve tikankaan payou paam. Yo 15:21; Ro 10:2; 1Tim 1:13

Yoan 16:3 Iomraidhean Croise

Lukas 10:22

“Tamaŋ Maaron ighur gabua naol isov tilam nimag wa. Ve i mon ta iwatagh katin tauu Naatu. Tamtamon ite paam mako. Ve Tamaŋ Maaron tauvene paam. Tamtamon eta iwataghi kat mako. Tauu Naatu, ve yes tau Naatu ipaghazoŋai zi pani na, yes mon ta tiwataghi.” Mt 28:18; Yo 1:18, 3:35, 10:15, 17:26

Yoan 15:21

Tamaŋ tau imbaaŋ ghau nalam ne, yes tau titaghon ŋgar to taan tiwataghi rigta mako. Tauta yes pale tigham ŋgar tauvene payam. Pasaa, yam amin leg, ve ataghon ghau. Mt 5:10+; Yo 16:2+

Yoan 15:23

Tamtamon tau ighe ighur koi payau, ene ighur koi pa Tamaŋ paam.

Yoan 17:25

O Tamaŋ, yo duduŋam kat. Yes tau titaghon taan ŋgara na, tiwatagh ghom mako. Eemon yau, o nawatagh katin ghom. Ve zeran tane tighilaal tighe yo umbaaŋ ghau ta nalam.

Yoan 17:3

Yo mon ta Maaron tauu. Ve lepoogh poia tau tamtamon tighamu ilat tsio, ene ŋgara tauvene: Yes tiwatagh katin ghom, ve Natum Yesu Krisi tau umbaaŋo izilam taan ne. Tamtamon tauvene, ene pale tileep poia ilat tsio taghon taghon gha ila. Yo 3:16; 2Pe 1:2+; 1Yo 5:20

Yoan 8:19

Tauta tighasoni tighe: “Tamam ileep sindei?” Yesu iyol aliŋazi ighe: “Yam awatagh ghau mako. Tauta awatagh Tamaŋ mako. Ve imin ta awatagh ghau, kanaŋ awatagh Tamaŋ paam.” Yo 14:7; 1Yo 2:23

Yoan 8:55

Yam awataghi rigta mako. Eemon yau o nawataghi. Tauta naloŋlooŋ aliiŋa, ve nataghoni. Isaav ighe nasaav naghe nawataghi mako, ene aat nagham karom imin yam.

Uraat To Yes Mbaŋooŋa 3:17

“Yam toŋvetaz, yau nawatagh: Yamŋa daaba tsiam aghilaal Yesu mako, tauta agham ŋgar saghati pani. Lu 23:34; 1Kor 2:8

1 Korin 2:8

Toozi eta ighazooŋ pa Maaron ŋgar tooni mako. Ve imin ta tighazooŋ pani, kanaŋ irau tirav Tiina toit Yesu tau eeza tiina pa tapiri ve poia tooni na izala ai pambarooŋ mako. Lu 23:34; Yo 16:3; Mbaŋ 13:27; 2Kor 3:14

2 Tesalonika 1:8

Mako iyat ŋgar sasaghati to tamtamon, ve ighur atuya pazi tauvene: Yes irau tila tileep tomania Tiina toit, ve tighita mbonari ve tapiri ne mako. I pale iziir zi tila soghan, ve saghatiiŋ tiina igham zi taghon taghon gha ila. Irau isov mako. Atuya tane pale iŋarui tamtamon tisov tau tiwatagh Maaron mako, ve tizorzoor vaaru poia to Tiina toit Yesu. Mt 25:41; Ro 2:8; 2Pe 3:7; Syg 20:15

1 Timoti 1:13

Onoon, muuŋ yau nasik saveeŋ sasaghati naol pani, ve naghur pataŋani pa tamtamon tooni, ve navaghamun zi le naghozi isaghat. Pasaa saawe tana, yau nakankaan pani, ve naghur ila tooni mako. Puughu tane, ta Tiina toit Yesu Krisi loolo isaghatin ghau, ve ireu sosor tsiau.

1 Yoan 2:23

Pasaa, tamtamon tisov tau tighur murizi pa Maaron Naatu, ene Tamaan Maaron ileep tomani zi mako. Eemon isaav ighe tamtamon eta ivotia ghuruuŋ ila tooni ighe i ighur ila to Maaron Naatu, ene Tamaan Maaron paam ileep tomania, ve yesuru tivalupu zi timin eemon. 1Yo 4:15, 5:1; 2Yo 9

1 Yoan 3:1

Aghita. Tamaan Maaron loolo igheen toit ve ipakur ghiit kat. Pasaa, i ipoi ghiit ighe tauu natŋa iit. Ve saveeŋ tane, ene iduduuŋ. Aazne, Maaron igham ghiit tamin i natŋa. Eemon yes tau titaghon taan ŋgara na, tighilaal ghiit mako. Pasaa, yes tighilaal Maaron mako. Yo 1:12, 16:2+; Ro 8:15+

1 Yoan 4:8

Ve isaav ighe ŋeer eta loolo pa tamtamon mako ve ighamgham poghani zi mako, ene i iwatagh Maaron mako. Pasaa, ŋgar to loloon pa tamtamon ve tagham poghani zi, ene Maaron ŋgar tooni.

1 Yoan 5:20

Ve iit tawatagh: Maaron Naatu izilam taan, ve ipaghazoŋai ŋgar toit, leso tawatagh katin Maaron tauu. Tauta aazne, iit taleep ila to Maaron tauu ve Naatu Yesu Krisi, ve itiŋa tavalupu ghiit tamin eemon. Yesu Krisi, i Maaron tauu. Ve i ta imin puughu pa lepoogh maata yaryaare. Yo 17:3