Yoan 11:25 - Maaron Saveeŋ Tooni Patabuyaaŋ Tuam

²⁵ Yesu isaav pani muul ighe: “Ulooŋ. Yau taug ta namin puughu pa burigiiŋ to yes mateegha ve lepoogh to tamtamon tileep matazi yaryaare. Tamtamon eta ighe ighur ilam tsiau ve imaat, ene mateegh irau ikisi mako. I aat iburig muul, ve ileep maata yaryaare le alok. Yo 1:4+; 1Kor 15:51+; 1Tes 4:16+

Mutu (Oov)

²⁵ Yesu isaav pani muul ighaze: “Ulooŋ. You taug to nanim pughu pa mundigiiŋ to yes mateeŋa ve nepooŋ to tamtoghon tineep matadi iyaryaar. Ighaze tamtoghon eta ighur inim tiou ve imaat, nene mateeŋ irau ikisi maau. Ye pale imundig muul, ve ineep mata iyaryaar le alok. Yo 1:4+; 1Kor 15:51+; 1Tes 4:16+

Yoan 11:25 Iomraidhean Croise

Lukas 23:43

Yesu iyol aliiŋa ighe: “Onoon kat, yau nasaav payo: Aazne, ituru aat taleep izi nugh tau paghuuna le paghuuna kat.”

Yoan 1:4

I tauu ta imin puughu pa lepoogh to gabua tisov. Ve lepoogh tooni izi taan, tauta imin ghazooŋa pa tamtamon. Yo 5:26, 8:12, 9:5, 12:46

Yoan 14:19

Yes tau titaghon taan ŋgara na, malau mako pale tighit ghau muul mako. Eemon yam pale aghit ghau. Pasaa, yau aat naburig muul ve naleep matag yaryaare. Tauvene yam paam pale agham lepoogh poia ilam tsiau, ve aleep matamim yaryaare.

Yoan 14:6

Yesu iyol aliiŋa ighe: “Yau taug ta eez. Yau natotoi katin gham pa Maaron ve saveeŋ tooni onoon, ve namin puughu pa lepoogh maata yaryaare. Eez eemon to tamtamon titaghoni ve tila pa Tamaŋ, ene yau. Ite paam mako. Yo 10:9, Yo 11:25; Ep 2:18; Hib 10:19+

Yoan 3:16

“Pasaa, Maaron loolo igheen kat to tamtamon to taan. Tauta ipul Naatu eemon izilam taan gha imaat pazi. Leso tamtamon tisov tau tighur ila tooni na, tilalez sov, ve tigham lepoogh poia ila to Maaron taghon taghon gha ila. Yo 10:28; Ro 5:8, 8:32; 1Yo 4:9+

Yoan 3:36

Tauvene tamtamon tau ighe ighur ila to Maaron Naatu, ene igham lepoogh poia ila to Maaron wa. Ve i pale ileep tauvene taghon taghon gha ila. Eemon yes tau tizoor Maaron Naatu aliiŋa, ene irau tigham lepoogh tawe mako. Mako kat. Aatyavyav to Maaron pale izazaa toozi taghon taghon gha ila. Yo 5:24, 6:47; Ro 1:17; 1Yo 5:12

Yoan 5:21

Taama Maaron, i ipaburigin yes mateegha ve tileep matazi yaryaare. Naatu tauvene paam. Isaav ighe loolo pa tamtamon eta, i aat ighamu ileep poia. Yo 11:25; Ro 4:17; 1Kor 15:45; Ep 2:5

Yoan 5:26

Maaron tauu imin puughu pa tauu lepoogh tooni. Ve i ighur tapiri tawe ila to Naatu, tauta Naatu paam imin puughu pa tauu lepoogh tooni. Yo 1:4

Yoan 6:35

Yesu isaav pazi muul ighe: “Yau taug aniiŋ tau igham tamtamon tileep matazi yaryaare. Isaav ighe tamtamon eta ilam tsiau, i aat pitoola muul mako. Ve isaav ighe ŋeer eta ighur ilam tsiau, i aat murunu muul mako. Is 55:1-2

Yoan 6:44

Tamtamon eta irau ilam tsiau sorok ne mako. Tamaŋ tau imbaaŋ ghau nalam ne, i aat ipazaagh loolo ve igherevu, o ilam tsiau. Tamtamon tauvene, saawe to Mboŋ Murei, yau aat napaburigini pa mateegh. Yer 31:3; Yo 12:32; Mbaŋ 13:48; 1Kor 2:14

Uraat To Yes Mbaŋooŋa 3:15

Tauvene ŋeer tau imin puughu pa lepoogh maata yaryaare, tauta yam aravu imaat. Eemon Maaron ipaburigini pa mateegh, ve yei tane nighit katini pa matamai. Tauta aazne, nipariaaŋ saveeŋa, leso aghur ila tooni. Lu 24:48; Mbaŋ 1:8, 2:24,32+

Rau Tau Paulus Iboode Pa Yes Roma Rom--Romans 4:17

Saveeŋa tiboode pataghaaŋ wa. Tighe: “Yau naghur ghom leso umin eval tiina to nugh nugh tamazi.” Gnp 17:4+ Aazne, saveeŋ tane ighur anooŋa pa iit tamtamon tau taghur ila to Krisi. Pasaa, Maaron ighit ghiit ighe iit tamin Abaram paaghu tooni. Abaram itotoi ghiit pa eez to ghuruuŋ ila. Pasaa, i ighur ila to Maaron ighe i irau ipaburigin yes mateegha. Ve ighur ila ighe Maaron isaav mon, ve gabua tau muuŋ tigheen mako na, tivot. Yo 5:21; Hib 11:3,19

1 Korin 15:18

Ve yes tau tighur ila to Krisi ve timaat na, yes paam tilalez wa.

1 Korin 15:29

Laak, naghe naghason gham. Isaav ighe mateegha irau tiburig mako, puughu mindai ta yam siriv aghe agham mateegha tsiam niazi, ve tigham yaa payam? Aghamgham ŋgar tana pasaa? Pale iuul zi mindai?

2 Korin 4:14

Pasaa, yei niwatagh: Ŋeer tau ipaburigin Tiina toit Yesu pa mateegh na, murei pale ipaburigin ghei paam, raraate imin igham pa Yesu. Ve i pale igham ghiit tala tayooz ila naagho, ve ipavotvotin ghiit ighe: “Aghita. Ene tamtamon tsiau.” Ro 8:11; 1Kor 6:14; 1Tes 4:14

Pilipai 1:23

Ŋgar tsiau ru. Lolog naghe le napul taan, ve nala naleep tomania Krisi. Pasaa, ene gabua poia kat tau iliiv gabua naol isov. Eemon yau leg uraat to nauul gham paam. Ve isaav ighe nalepleep izi taan soone, ene yau irau nagham uraat tane. 2Kor 5:8

Pilipai 3:10

Tauvene yau naghe le nawatagh katin Krisi ve burigiiŋ tooni tapiri. Ve naghe nayooz tomania Krisi pa badooŋ pataŋani, ve nataghon duduŋai Maaron ŋgar tooni le irau mateegh tsiau, imin Krisi. Ro 8:17; 2Kor 4:10+; 1Pe 4:13

1 Tesalonika 4:14

Eemon iit taghur ila taghe Yesu imaat ve iburig pa mateegh wa. Tauvene yes tau tighur ila tooni ve timaat na, Maaron pale ipaburigin zi ila Yesu tapiri, ve iyau zi gha yesŋa Yesu tizala tooni. Yo 11:25; 1Kor 15:13+

Saveeŋ Yoŋgaaŋ 1:18

Yau naleep matag yaryaare irau saawe. Muuŋ, yau namaat. Eemon ughita. Aazne, naleep matag yaryaare. Ve yau aat naleep tauvene le alok. Yau ta naŋgin mateegh ve nugh to yes mateegha.

Saveeŋ Yoŋgaaŋ 20:5

Ene burigiiŋ to mateegha tau ivot imin maata. Ve mateegha siriv, yes aat tisaŋan le ndaman ndiŋndiŋ ndiŋndiŋ ee (1000) tana isov, o anazi tiburig. 1Tes 4:16

Saveeŋ Yoŋgaaŋ 21:4

I pale imus matazi suuru isov ilale. Ve mateegh, moŋiiŋ, taŋiiz, ma yavyavuuŋ irau tivot muul mako. Pasaa, lepoogh to muuŋ, ene isov wa.” Is 25:8; 1Kor 15:26

Saveeŋ Yoŋgaaŋ 22:1

Ra aŋela tana itotoi yaa to lepoogh maata yaryaare payau. Yaa tawe, milmilia ve iŋgalaaŋ le iŋgalaaŋ kat imin galas. Ve ivot ila Maaron yesuru Sipsip tooni niazi to ghamuuŋ pooz, ve ireer ivot. Ezek 47:1; Sek 14:8; Yo 7:37+

Saveeŋ Yoŋgaaŋ 22:17

Maaron Avuvu yesuru livaa tau ighe ivai na, tisaav tighe: “Ulam!” Ve yes tau tilooŋ saveeŋ tane paam, tisaav raraate tighe: “Ulam.” Isaav ighe tamtamon eta murunu, o ilam ighun yaa maata yaryaare tau le atuya mako ne. Is 55:1; Yo 7:37+; Syg 21:2,6