Yoan 11:19 - Maaron Saveeŋ Tooni Patabuyaaŋ Tuam

¹⁹ Tauvene yes Yuda katini tilam tileep tomania Marta gha Maria pa moŋiiŋ toozi tawe leso tirav atezi.

Mutu (Oov)

¹⁹ Tovenen yes Yuda katindi tinim tineep toman Marta ve Maria pa moŋiiŋ todi leso tirab atedi.

Yoan 11:19 Iomraidhean Croise

Lukas 10:39

Marta tazliva, eeza Maria. Maria mboole izi igharau Yesu aaghe puughu, ve iloŋlooŋ saveeŋ tooni.

Lukas 10:42

Yo aat ugham ŋgar pa gabua ee mon. Pa ene irao. Tazimliva Maria igabiiz poi. Tauta izuari ghi pa gabua tau poia le poia kat. Ve gabua tane, eta irau iwalaava pani ne mako.”

Yoan 1:19

Saawe ee, daaba to yes Yuda tau tileep Yerusalem na, timbaaŋ zeran siriv to watooŋrau tomania ŋginiiŋa siriv to Rumei Tiina tila to Yoan, ve tighasoni tighe: “Laak, yo saa ŋeer, ta ughamgham uraat tane?” Yoan isaav ghazooŋa pazi ighe: “Yau tane, Mesia mako.” Yo 3:28

Yoan 11:1

Ŋeer ee to nugh Betania, moroghooŋ tiina ighamu. Eeza Lasarus. Livŋa ru tilepleep izi nugh tawe paam. Ee eeza Marta, ve ite eeza Maria. Maria tane, ta muuŋ iliŋ ŋgoreeŋ vaazi poia izala Yesu aaghe, ve imusu pa daaba raua. Lu 10:38+

Yoan 11:31

Yuda siriv tau yesŋa Maria tilepleep ila ruum loolo pa ravuuŋ aate na, tighita Maria iburig, ipul ruum, ve ila. Tauvene tighe pa i ila pa naal to Lasarus, leso itaŋ pani. Tauvene titaghoni tila.

Yoan 11:33

Yesu ighita Maria yesŋa Yuda siriv tau tilam tomania na titaŋtaŋ, le loolo ipataŋan kat.

Yoan 11:36

Tauvene Yuda siriv tau yesŋa tiyozyooz na, tisaav tighe: “Aghita. I aat loolo igheen to Lasarus kat.”

Yoan 11:45

Yes Yuda tau tilam tileep tomania Maria na, tighita kaut ŋgereeta tau Yesu ighamu, le katini tighur ila tooni.

Yoan 11:8

Mbiwa tooni tilooŋ saveeŋ tane, ve tisaav pani tighe: “Wai, Paduduŋaaŋ, ŋgarig mon ta yes Yuda to nugh tawe tighe tirav ghom pa maet gha umaat. Mindai ta aazne ughe umuul ula ta sewe?” Yo 8:59, 10:31

Rau Tau Paulus Iboode Pa Yes Roma Rom--Romans 12:15

Yes tau tintinizi na, yam ala tintinmim tomani zi. Ve yes tau lezi pataŋani ve titaŋ na, yam ala ataŋ tomani zi.

2 Korin 1:4

Saawe isov tau iit taleep ila pataŋani loolo, i iravrav ateen ve ipapalot ghiit. Leso anaan tapalot zetaanŋa siriv tau tileep ila pataŋani loolo na, ve tarav atezi. Pasaa, uleeŋ tau taghamghamu ila tooni, ene ipapalot ghiit. Tauta iit irau tarav zetaanŋa atezi ve tapalot zi. Ro 15:5; 2Kor 7:6

1 Tesalonika 4:18

Tauvene matamim iŋgal saveeŋ tane, ve avapaloti gham pani.

1 Tesalonika 5:11

Tauvene yam asov avapaloti gham ve apariaaŋ zeetmimŋa pa ŋgar to Krisi, imin tau aazne yam aghamghamu ne. Hib 10:24+