Yoan 10:4 - Maaron Saveeŋ Tooni Patabuyaaŋ Tuam

⁴ Isaav ighe iyauur zi tisov tivot tila muuri, i aat imuuŋ pazi, ve tikeet taghoni gha yesŋa tilaagh tila. Pasaa, tighilaal aliiŋa.

Mutu (Oov)

⁴ Ighaze iyou di tisob tivot tila pumuri, ye pale imuuŋ padi, ve tikeet taghoni, ve yesŋa tilaagh tila. Pasa, tighilaal aliŋa.

Yoan 10:4 Iomraidhean Croise

Matayu 16:24

Ra Yesu isaav pa mbiwa tooni tauvene: “Isaav ighe tamtamon eta ighe imin leg ve itaghon eez tsiau, i aat itatan tauu, ibaad ai pambarooŋ tooni, ve ilam itaghon ghau. Mt 10:38; Lu 14:27

Yoan 10:16

Eemon yau leg sipsip siriv paam. Yes to olol tane mako. Yau leg uraat to nayau zi tilam titaghon ghau paam. Yes pale tilooŋ aliŋag, ve yesŋa sipsip tsiau siriv tivalupu zi timin lupuuŋ eemon, ve lezi ŋginiiŋ eemon. Yo 11:51+; Mbaŋ 10:34; Ep 2:11+

Yoan 10:27

Sipsip tsiau, ene yes tau tiloŋlooŋ aliŋag. Yau nawatagh zi tisov, ve yes titaghon ghau.

Yoan 10:3

Tauvene ŋginiiŋ to olol atamana pale ikaak ataman pani, ve i iloŋ ila. Yes sipsip tooni tighilaal aliiŋa. Tauvene i ipoipoi eŋaeŋa ezazi, ve igherev zi tivot tila.

Yoan 10:5

Eemon isaav ighe ŋeer ite paam ipoi zi, ene irau titaghoni mako. Pale tighau pani. Pasaa, tighilaal aliiŋa mako.”

Yoan 10:8

Tamtamon tisov tau timuuŋ payau ve tilam na, yes umbuuŋa, ve zeran tau tivaghamunia sipsip. Eemon sipsip tilooŋ aliŋazi mako.

Yoan 12:26

Isaav ighe tamtamon eta ibees payau, i aat itaghon ghau. Tamtamon tauvene, pale ileep tomani ghau izi nugh tau yau pale nala naleep pani. Ve tamtamon tau ighe ibesbees payau, ene aat Tamaŋ ipakuru.” Yo 14:3, 17:24; 1Tes 4:17

Yoan 13:15

Yau nagham ŋgar tane imin totoyaaŋ payam. Leso aghita, ve ataghon ŋgar raraate imin yau nagham payam na. Pil 2:5; 1Pe 2:21; 1Yo 2:6

Yoan 18:37

Piladus ilooŋ saveeŋ tooni, ve ighasoni muul ighe: “Ighe tauvene, na yo aat kinik taa?” Yesu iyol aliiŋa ighe: “Ene onoon. Saveeŋ tauta taum usavia na. Eemon yau kinik imin yo ugham ŋgar pani ne mako. Yau nazilam taan to napariaaŋ tamtamon to tighur ila saveeŋ onoon. Tinaŋ ipoop ghau pa puughu tane. Tauvene tamtamon tisov tau lolozi pa taghoniiŋ saveeŋ onoon, ene aat tilooŋ aliŋag ve titaghoni.” Yo 8:47

Yoan 3:29

Ra Yoan isavia saveeŋ palelaaŋ tane izaa to i tauu ve Yesu ighe: “Isaav ighe vaiŋ eta ivot, ve tamoot ilam pa ghamuuŋ livaa, ve iitete tau imuuŋ pa uraat to vaiŋ na ilooŋ aliiŋa, ene ighamu loolo poia kat. Onoon, i irau igham livaa tana mako. Pasaa, livaa tana, i to iitete. Eemon i aat loolo poia kat. Pasaa, uraat tooni ighur anooŋa wa. Yau tauvene paam. Lolog poia le poia kat pasaa, uraat tsiau ighur anooŋa wa. Mt 9:15

1 Korin 11:1

Tauvene yam irau ataghon ghau pa ŋgar tsiau, imin yau nataghon Krisi pa ŋgar tooni. 1Kor 4:16+; Pil 3:17; 2Tes 3:7+

Epesus 5:1

Maaron loolo igheen tsiam kat, ve igham gham amin i tauu natŋa. Tauvene laghooŋ tsiam, yam aat ataghon ŋgar tooni, ve lolomim pa tamtamon tisov ve agham poghani zi, imin Krisi loolo pait ve ipul tauu gha imaat pait. Ŋgar tau i ighamu na, ene igham Maaron loolo poia imin watooŋrau tau vaazi poia kat. Mt 5:48; Yo 13:34; 1Pe 1:15+; 1Yo 3:16

Hibru 12:2

Ve mataan ila pa gabua ite paam sov. Mataan ila pa Yesu mon, ve talaan ŋaruini tala. Pasaa, i ta imuuŋ pait ve itotoi ghiit pa eez to ghuruuŋ ila. Ve i ta pale igham uratoi ghiit le ghuruuŋ ila toit ivot le iduduuŋ kat ila Maaron maata. Aghita. I ibaad pataŋani, ve tiravu imaat izala ai pambarooŋ. Eemon i ighita mayaŋa tawe imin kaut sorok. Pasaa, i iwatagh: Isaav ighe itaghon duduŋai Maaron ŋgar tooni, ene pale murei ileep poia toman tintini. Tauta aazne, i ileep ila Taama Maaron niima tapir igharau niia to ghamuuŋ pooz. Pil 2:8+; Hib 1:3, 3:1

1 Petrus 2:21

Maaron ipoi gham amin le, leso ataghon ŋgar tauvene. Aghita. Krisi ibaad pataŋani tiina kat to iuul gham. I itotoi gham pa ŋgar tooni tawe, leso aghita ve ataghon aaghe niia. Mt 16:24; Yo 13:15; 1Yo 2:6

1 Petrus 4:1

Tauvene saawe tau Krisi ileep izi taan, i ibaad pataŋani, ve iyamaan yavyavuuŋ ila tiini, leso iuul ghiit. Yam tauvene paam. Ataghon ŋgar to Krisi tana, agharaat gham, ve asaŋan pa badooŋ pataŋani. Pa tamtamon tau ighe ibaad pataŋani pa Krisi eeza ve iyamaan yavyavuuŋ ila tiini, ene i ipul ŋgar saghati wa. Tauvene saawe tau i ileep izi taan, ŋgar to loolo muŋgaana irau igham pooz pani muul mako. I pale itaghon Maaron loolo. Ro 6:2+; 2Kor 5:15; Ga 5:24; 1Pe 2:21

1 Petrus 5:3

Yes tau Maaron ighur zi ila nimamim to aŋgin zi na, agham taumim amin tiina pazi ve atatan zi tizi sov. Yam taumim aat amin totoyaaŋ poia pa Maaron sipsip tooni. Leso tighit gham, ve titaghon gham pa ŋgar tsiam. 2Kor 1:24; Pil 3:17; 1Tim 4:12; Tit 2:7