Yoan 10:34 - Maaron Saveeŋ Tooni Patabuyaaŋ Tuam

^34-35 Yesu isaav pazi muul ighe: “Yam awatagh mako? Saveeŋ ziiri ee tau igheen ila tutuuŋ tsiam na, isaav tauvene: Maaron isaav pa daaba siriv ighe: ‘Yau nasaav payam: Yam zimaronŋa.’ Daaba tawe, yes tamtamon to taan. Eemon Maaron aliiŋa tau iŋarui zi na, iwaat zi ighe yes zimaronŋa. Ve iit tawatagh: Maaron aliiŋa tau tiboode na, irau toraaŋni mako. Igheen tauvene. Mbo 82:6; Mt 5:18

Mutu (Oov)

^34-35 Yesu isaav padi muul ighaze: “Yam awatag maau? Saveeŋ waaro eez to ineep ila tutuuŋ tiam isaav tovene: Maaron isaav pa daba pida ighaze: ‘You nasaav payam: yam ndimaronŋa.’ Daba tonowen, yes tamtoghon to taan. Eemoghon Maaron aliŋa to iŋarua di, nene iwaat di ighaze yes ndimaronŋa. Ve iit tawatag: Maaron aliŋa to timbooda wa, nene irau toraaŋi maau. Ineep tovene. Mbo 82:6; Mt 5:18

Yoan 10:34 Iomraidhean Croise

Yoan 12:34

Eval tiina tilooŋ saveeŋ tooni tana, ve tiyol aliiŋa tighe: “Maaron aliiŋa tau tiboode na, saveeŋ ziiri ee isaav tauvene: Mesia pale ileep maata yaryaare le alok. Ighe tauvene, puughu mindai ta yo ughe Tamtamon Naatu aat tiiti izaa? Tamtamon Naatu tau yo usavia na, ene sei?” Mbo 89:36+, 110:4; Is 9:6+; Dan 7:14

Yoan 15:25

Ŋgar tau tigham payau na, ene itaghon saveeŋ tau muuŋ tiboode ila tutuuŋ toozi. Isaav ighe: ‘Yes tighur koi payau sorok.’ ” Mbo 35:19, 69:4

Yoan 8:17

Saveeŋ ziiri ee tau igheen ila tutuuŋ tsiam na isaav tauvene: ‘Isaav ighe tamtamon ru tipariaaŋ saveeŋ eta, ve tisavia saveeŋ raraate, ene irau taghur ila taghe saveeŋ tana, ene onoon.’ Lo 19:15; Mt 18:16

1 Korin 14:21

Maaron aliiŋa isaav ighe: Muuŋ, Maaron aate yavyav pa yes Israela, ve isaav pazi ighe: “Yau aat nagham zeran to nugh ite tau aliŋazi ite na, tilam ve tiŋgin tamtamon tsiau tane, ve navotia aliŋag pazi ila zeran tawe avozi. Eemon aliŋag tau tisavia ne, yes Israela pale tilooŋa mako.” Is 28:11+