Biblia Todo Logo
Bìoball air-loidhne

- Sanasan -




Yoan 10:27 - Maaron Saveeŋ Tooni Patabuyaaŋ Tuam

27 Sipsip tsiau, ene yes tau tiloŋlooŋ aliŋag. Yau nawatagh zi tisov, ve yes titaghon ghau.

Faic an caibideil Dèan lethbhreac

Mutu (Oov)

27 Sipsip tiou, nene yes to tiloŋlooŋ aliŋag. You nawatag di tisob, ve yes titaghon ghou.

Faic an caibideil Dèan lethbhreac




Yoan 10:27
26 Iomraidhean Croise  

Ra Yesu isaav pa mbiwa tooni tauvene: “Isaav ighe tamtamon eta ighe imin leg ve itaghon eez tsiau, i aat itatan tauu, ibaad ai pambarooŋ tooni, ve ilam itaghon ghau. Mt 10:38; Lu 14:27


Petrus isavsaav soone, ve taitai tau milmilia, izi le ikau zi. Ra tilooŋ Maaron aliiŋa ivot ila taitai tawe loolo ighe: “Ena yau taug natug tau lolog igheen tooni, ve igham ghau lolog poia kat. Alooŋ aliiŋa ve ataghoni.” Igham 40:34+; Mbo 2:7; Mt 3:17


“Eemon ŋeer tana iyol aliŋazi ighe: ‘Yam savunugha? Onoon kat, yau nasaav payam. Yau nawatagh gham mako.’ ” Mt 7:23; Lu 13:25+


Eemon yau aat nasaav ghazooŋa pazi tauvene: ‘Yam zeran to amamalaaŋ pa tutuuŋ to Maaron. Yau nawatagh gham rigta mako. Yam asov aghau ala soghan payau!’ ” Mt 13:41-42, 25:41


Yesu ighita ŋeer tana le loolo pani. Tauvene isaav pani muul ighe: “Poia. Ve ŋgar ee ta yo ughamu soone. Ula ugholia gabua tsio tisov, ve urei maeta pa yes mbolaaŋa, leso ugham lem kuaz tauu izi nugh sambam. Le isov, o ulam utaghon ghau.” Mbaŋ 2:45, 4:32+; 1Tim 6:17+


Ra Yesu ipoi eval tiina tilam tilup zi tomania mbiwa tooni, ve isaav pazi ighe: “Isaav ighe tamtamon eta ighe imin leg ve itaghon eez tsiau, i aat itatan tauu, ibaad ai pambarooŋ tooni, ve ilam itaghon ghau. Mt 10:37+


“Eemon i pale isaav payam ighe: ‘Yam savunugha? Yau nasaav payam wa. Yau nakankaan payam. Yam zeran to ghamuuŋ ŋgar sasaghati naol. Asov aghau ala soghan payau!’ ” Mt 25:41


Yesu isaav pa tamtamon tisov tau yesŋa tilepleep na ighe: “Isaav ighe tamtamon eta ighe imin leg ve itaghon eez tsiau, i aat itatan tauu, ibaad ai pambarooŋ tooni irau saawe, ve ilam itaghon ghau. Mt 10:38+; Lu 14:27


“Yau taug ta ŋginiiŋ poia to sipsip. Yeŋa sipsip tsiau nivawataghi ghei imin yeiru Tamaŋ Maaron nivawataghi ghei. Ve yau aat napul taug gha namaat pa sipsip tsiau. Leso nagham mulin zi gha tileep poi. Mt 11:27; 2Tim 2:19; 1Pe 2:25; 1Yo 3:16


Eemon yau leg sipsip siriv paam. Yes to olol tane mako. Yau leg uraat to nayau zi tilam titaghon ghau paam. Yes pale tilooŋ aliŋag, ve yesŋa sipsip tsiau siriv tivalupu zi timin lupuuŋ eemon, ve lezi ŋginiiŋ eemon. Yo 11:51+; Mbaŋ 10:34; Ep 2:11+


Tamtamon tisov tau timuuŋ payau ve tilam na, yes umbuuŋa, ve zeran tau tivaghamunia sipsip. Eemon sipsip tilooŋ aliŋazi mako.


Isaav ighe tamtamon eta ibees payau, i aat itaghon ghau. Tamtamon tauvene, pale ileep tomani ghau izi nugh tau yau pale nala naleep pani. Ve tamtamon tau ighe ibesbees payau, ene aat Tamaŋ ipakuru.” Yo 14:3, 17:24; 1Tes 4:17


Yesu iyol aliiŋa ighe: “Matam ila pani sov. Isaav ighe yau naghe i ileep le irau namuul nalam, ene yo gabua tsio mako. Ene igheen to yau taug. Yo aat matam iŋgal taum, ve utaghon ghau.”


Onoon kat, yau nasaav payam: Malau mako pale saawe paaghu ivot. Aazne, ilam igharau wa. Saawe tana ighe ivot, yes tau titaghon eez to mateegh na, pale tilooŋ Maaron Naatu aliiŋa. Ve tamtamon tisov tau ighe tilooŋ aliiŋa ve titaghoni, ene aat tigham lepoogh poia ila to Maaron. Ga 2:20; Ep 2:1, 5; Kol 2:13


Yesu isaav ila pa eval tiina muul ighe: “Yau taug ta ghazooŋa to taan. Isaav ighe tamtamon eta itaghon ghau, i aat ilaagh ila ndoroom loolo muul mako. Ghazooŋa to Maaron pale igheen tooni, ve igham lepoogh poia ilam tsiau.” Mbo 27:1; Is 49:6; Lu 2:32; Yo 1:4+; 2Kor 4:6


Mindai ta ŋgar tsiam ivot pa saveeŋ tsiau soone? Taliŋamim aat ivool wa. Tauta yam irau to alooŋ saveeŋ tsiau mako. Ro 8:7; 1Kor 2:14


Ve isaav ighe tamtamon eta ilooŋ aliiŋa mako ve izoor saveeŋ tooni, ene pale Maaron ivaghamunia gha ilale. Leso iziire ighau pa tamtamon tooni Israel.’ Lo 18:15+; Mbaŋ 7:37


Eemon isaav ighe tamtamon eta loolo igheen to Maaron, ene Maaron iwataghi, ve ighamu imin le wa.


Eemon aazne, yam awatagh Maaron wa. Aiss, nasaav vene sov. Maaron ta iwatagh gham, ve igham gham amin le wa. Tauvene puughu mindai ta aazne, yam aghur murimim pani, ve aghe amuul pa gabuamim muŋgaana, ve ataghon tutuuŋ naol to taan tau lezi tapirizi irau to tiuul gham mako na?


Eemon Maaron ipayooz lupuuŋ tooni izala rir ariaaŋa ee, ve ibood saveeŋ ziiri ru izala. Ee isaav tauvene: “Maaron iwatagh yes tau timin i le na.” Ve ite isaav ighe: “Tamtamon tisov tau tivotia Yesu eeza tighe i Tiina toozi, ene yes aat tighur murizi pa ŋgar saghati, ve tileep soghan pani.” Saveeŋ ru tane timin ilaal pa Maaron tamtamon tooni. Yo 10:14,27


Tauvene alooŋ saveeŋ tau Avuvu Patabuyaaŋ ivotia pait. Ighe: “Aazne, isaav ighe yam alooŋ Maaron aliiŋa, na apoon lolomim pani sov. Ve atoov Maaron ve azoor aliiŋa imin muuŋ timbumimŋa tighamu izi nugh ŋginaaŋa na sov.


Ene yes tau tighurghur boog mako. Tiŋgin tauzi poi. Tauvene tiŋgalaaŋ ila Maaron maata. Ve nugh sindei tau Sipsip to Maaron ighe ila pani, ene yes titaghoni mon. I ipas zi ila eval tiina to taan sosozi, ve ighol zi timin i le wa. Tauta yes timin aniiŋ maata tau tighuru ila pa Maaron yesuru Sipsip tooni imin paitooŋ zi. 2Kor 11:2; Ep 5:27; Yems 1:18


Ughita. Yau nayozyooz ila ataman aavo, ve naseŋseŋ ataman. Isaav ighe tamtamon eta ilooŋ aliŋag ve ikaak ataman payau, yau aat naloŋ nala tooni, ve yeiru nivalupu ghei pa ghanghaniiŋ. Yo 14:23


Lean sinn:

Sanasan


Sanasan