Yoan 1:48 - Maaron Saveeŋ Tooni Patabuyaaŋ Tuam

⁴⁸ Tauvene Natanael ighason Yesu ighe: “Yo uwatagh ghau mindai?” Yesu iyol aliiŋa ighe: “Pilip isavi ghau payo soone, ve yau naghit ghom ulepleep ila ai fik saamba.”

Mutu (Oov)

⁴⁸ Tovenen Natanael ighason Yesu ighaze: “Yom uwatag ghou vena?” Yesu ipamuul ghasoniiŋ toni ighaze: “Pilip isavia ghou payom sone, ve you naghita ghom unepneep izi ai fik paroŋania.”

Yoan 1:48 Iomraidhean Croise

Matayu 10:3

Pilip gha Patoromai, Tomas gha Matayu tau ŋeer to yauŋ takes na, Yakobus ite tau Alpai naatu na yesuru Tadeus,

Matayu 6:6

Eemon isaav ighe yo usuŋ, na uloŋ ula ruum tsio loolo, upoon ataman, ve usuŋ pa Tamam Maaron tau tamtamon tighitghita mako na. I pale ilooŋ suŋuuŋ tsio, ve igham lem atuya poia. Pasaa, gabua isov tau ŋgozaaŋa na, i ighitoor zi isov.

Yoan 1:44

Pilip nugh tooni, ene Betsaida. Pilip, Andreas, ve Simon, yes tol, nugh toozi eemon.

Yoan 12:21

Yes tila to Pilip, (i ŋeer to nugh Betsaida tau igheen Galilaia na), ve tisaav pani tighe: “Olman, yei nighe le nighita Yesu.”

Yoan 14:8

Tauvene Pilip isaav pani ighe: “Tiina, utotoi Tamam tana payei, o nighazooŋ pani ve atemai izi.”

Yoan 2:25

I le puughu eta to ighason pa ŋgar tau tamtamon tighamghamu ne mako. Pasaa, i iwatagh saa ŋgar tau igheen ila tamtamon tisov lolozi. Mbo 139:1+; Mk 2:8; Yo 6:64; Syg 2:23

Yoan 6:5

Yesu mboole izi gha ilepleep, ve maata ila le ighita eval tiina tikeet ŋaruini tilam. Tauvene ighason Pilip ighe: “Pale taghol aniiŋ sindei ve tapan eval tiina tane?”

Yoan 6:7

Pilip iyol aliiŋa ighe: “Wai, ene eval tiina kat! Isaav ighe taghol lezi aniiŋ ŋgiira rigta to titatan atezi pani pa maet denari ndiŋndiŋ ru (200) pale irau?”

1 Korin 14:25

Tamtamon tana pale iyamaan ighe ŋgar isov tau iyooŋ ila loolo na, yam asavia ivot ighazooŋ wa. Tauvene i pale itap izi taan, ve ipait Maaron eeza, ve isaav ighe: “Onoon kat, Maaron ilepleep tomani gham.”

1 Korin 4:5

Yam tauvene paam. Rekia agabiiz tamtamon ve aghe yes sasaghatizi, ma popoiazi sov. Aleep ve asaŋan saawe to Tiina toit Yesu imuul ilam. Pa saawe tana ighe ivot, i pale ivotia gabua tisov tau tiyooŋ ila ndoroom, tomania ŋgar isov tau igheen ŋgozaaŋ ila tamtamon lolozi na, ivot ighazooŋ. Mako Maaron tauu ipait tamtamon eŋaeŋa itaghon ŋgar toz toz. Ro 2:16; 1Kor 3:8; 2Kor 5:10; Syg 20:12