Yoan 1:47 - Maaron Saveeŋ Tooni Patabuyaaŋ Tuam

⁴⁷ Yesu ighita Natanael iŋaruini ilam, ve isaav ighe: “Aghita. Ŋeer tau ilam ne, ene Israel tauu. Ŋgar karom eta igheen ila loolo mako.” Mbo 32:2; Ro 2:28, 9:6+

Mutu (Oov)

⁴⁷ Yesu ighita Natanael iŋarua inim, ve isaav ighaze: “Aghita. Ŋgeu to inim ne, ye Israel tau. Ŋgar kaarom eta ineep ila lolo maau.” Mbo 32:2; Ro 2:28, 9:6+

Yoan 1:47 Iomraidhean Croise

Yoan 2:25

I le puughu eta to ighason pa ŋgar tau tamtamon tighamghamu ne mako. Pasaa, i iwatagh saa ŋgar tau igheen ila tamtamon tisov lolozi. Mbo 139:1+; Mk 2:8; Yo 6:64; Syg 2:23

Yoan 4:16

Ra Yesu isaav pani ighe: “Aiyo. Ula ugham azuwam, ve yamru amuul alam.”

Yoan 8:31

Ra Yesu isaav pa Yuda siriv tau tighur ila tooni na tauvene: “Isaav ighe akis saveeŋ tsiau tuŋia ve ataghoni, ene aat amin ziŋerag duduuŋ.

Yoan 8:39

Yes tiyol aliiŋa tighe: “Yei timbumai ta Abaram.” Tauvene Yesu isaav pazi ighe: “Imin ta yam Abaram paaghu tooni duduuŋ, kanaŋ ataghon ŋgar tau muuŋ i ighamghamu. Ro 2:28; Ga 3:7, 29

Rau Tau Paulus Iboode Pa Yes Roma Rom--Romans 9:4

Yes Israela, Maaron igham gabua popoia naol pazi. I igham zi timin i natŋa. Ve muuŋ, i ilepleep ila sosozi, ve itotoi tapiri ve poia tooni pazi. Pai katini, Maaron imbu saveeŋ tomani zi leso tivalupu zi timin eemon. Yes ta tigham tutuuŋ tooni. Ve Maaron itotoi suŋuuŋ ŋgara pazi leso titaghoni ila rumei loolo, ve imbu saveeŋ tomani zi pa gabua naol. Gnp 17:2, 28:14+; Igham 4:22, 19:5

Rau Tau Paulus Iboode Pa Yes Roma Rom--Romans 9:6

Onoon, aazne Israela katini tighur ila to Krisi mako. Tauvene pale tasaav mindai pa saveeŋ tau Maaron imbua tomania timbuzŋa na, saveeŋ tawe imin yaghur sorok? Mako. Pasaa, tamtamon tau tivot ila to yes Israela na, tisov timin Israela duduuŋ mako. Yo 8:39+; Ro 2:28+

Pilipai 3:3

Alooŋ. Ŋgar tauu to ravuuŋ waar, ene gabua to loloon. Tauvene iit tamtamon to Krisi, ta tataghon duduŋai ŋgar tauu to ravuuŋ waar ve tamin Maaron tamtamon tooni. Ene nasavia iit tau tanumeer tauun tapiriin ve ŋgar toit mako, ve tabees pa Maaron itaghon pooz to Maaron Avuvu, ve tintiniin pa Yesu Krisi ve tapait i eeza. Ro 2:28+; Kol 2:11

1 Petrus 2:1

Tauvene ŋgar sasaghati naol, tomania ŋgar karom, yam apul zi tisov tileplez. Ve apamir taumim pa ghuruuŋ ila tsiam sov. Yam aat aghur ila kat, toman lolomim. Zeetmimŋa tau lezi gabua katini na, aghur koi pazi sov, ve asinai zeetmimŋa sov. Ep 4:25; Kol 3:8+; Hib 12:1

1 Petrus 2:22

“I igham sosor eta mako, ve saveeŋ karom eta ivot ila aavo mako.” Is 53:9; 2Kor 5:21; Hib 4:15

Saveeŋ Yoŋgaaŋ 14:5

Ve saveeŋ karom eta ivot ila avozi mako. Tauta lezi sosor eta ila Maaron maata mako. Kol 3:9