Yoan 1:26 - Maaron Saveeŋ Tooni Patabuyaaŋ Tuam

^26-27 Yoan iyol aliŋazi ighe: “Ene yau narurughuuz tamtamon pa yaa. Eemon ŋeer ee ilepleep ila sosomim, ve yam aghilaalo mako. I ilam murei payau, eemon iliiv ghau kat. Uraat sorok imin polaaŋ waar to zuzuuŋa to aaghe, ene paam, yau poiag irau to nagham pani mako.”

Mutu (Oov)

^26-27 Yoan ipamuul aliŋadi ighaze: “Nene you narurughuuz tamtoghon pa ya. Eemoghon ŋgeu eez inepneep ila lolomim, ve yam aghilaala maau. Ye inim muri payou, eemoghon ilib payou kat. Uraat sorok inimale polaaŋ waar to duduuŋa to aghe, nene paam, you poiag irau to nagham pani maau.”

Yoan 1:26 Iomraidhean Croise

Matayu 3:11

Yau narughuuz gham pa yaa imin ilaal payam ighe yam atoor ŋgar tsiam ila pa Maaron wa. Eemon ŋeer ee aat ilam murei payau. I tapiri tiina. Iliiv ghau kat. Uraat sorok imin badooŋ zuzuuŋa to aaghe, ene paam, yau poiag irau to nagham pani mako. I pale igham Avuvu Patabuyaaŋ payam tomania yav. Yo 3:5+; Mbaŋ 1:5, 19:4

Matayu 3:6

Yes tivovotia sosor toozi ila tooni, ve i irurughuuz zi ta sewe. Mbaŋ 22:16

Markus 1:8

Yau narughuuz gham pa yaa. Eemon i pale igham Avuvu Patabuyaaŋ payam.” Mbaŋ 2:4, 11:16

Lukas 3:16

Tauvene Yoan isaav ghazooŋa pazi ighe: “Yau narughuuz gham pa yaa. Eemon ŋeer ee aat ilam murei payau. I tapiri tiina. Iliiv ghau kat. Uraat sorok imin polaaŋ waar to zuzuuŋa to aaghe, ene paam yau poiag irau to nagham pani mako. I pale igham Avuvu Patabuyaaŋ payam tomania yav. Is 4:4-5; Mt 3:11; Yo 1:33; Mbaŋ 1:5, 2:3

Yoan 16:3

Tamtamon pale tigham ŋgar tana payam pasaa, tikankaan pa Tamaŋ Maaron, ve tikankaan payau paam. Yo 15:21; Ro 10:2; 1Tim 1:13

Yoan 17:25

O Tamaŋ, yo duduŋam kat. Yes tau titaghon taan ŋgara na, tiwatagh ghom mako. Eemon yau, o nawatagh katin ghom. Ve zeran tane tighilaal tighe yo umbaaŋ ghau ta nalam.

Yoan 17:3

Yo mon ta Maaron tauu. Ve lepoogh poia tau tamtamon tighamu ilat tsio, ene ŋgara tauvene: Yes tiwatagh katin ghom, ve Natum Yesu Krisi tau umbaaŋo izilam taan ne. Tamtamon tauvene, ene pale tileep poia ilat tsio taghon taghon gha ila. Yo 3:16; 2Pe 1:2+; 1Yo 5:20

Yoan 8:19

Tauta tighasoni tighe: “Tamam ileep sindei?” Yesu iyol aliŋazi ighe: “Yam awatagh ghau mako. Tauta awatagh Tamaŋ mako. Ve imin ta awatagh ghau, kanaŋ awatagh Tamaŋ paam.” Yo 14:7; 1Yo 2:23

Uraat To Yes Mbaŋooŋa 1:5

‘Yoan, i irughuuz tamtamon pa yaa. Eemon yam, malau mako pale Maaron igham Avuvu Patabuyaaŋ payam.’ ” Lu 3:16

Uraat To Yes Mbaŋooŋa 11:16

Ra matag iŋgal imuul ila pa Tiina toit aliiŋa tau ighe: ‘Yoan irughuuz tamtamon pa yaa mon. Eemon yam tane, Maaron aat igham Avuvu Patabuyaaŋ payam.’ Mt 3:11; Mbaŋ 1:5

Uraat To Yes Mbaŋooŋa 19:4

Paulus isaav pazi muul ighe: “Muuŋ, Yoan irughuuz tamtamon imin ilaal pazi ighe yes titoor ŋgar toozi ve tighe titaghon ŋgar paaghu. Ve i isaav pazi ighe tighur ila to ŋeer ite tau pale ilam murei pani na. Ene Yesu.” Mt 3:11+

1 Yoan 3:1

Aghita. Tamaan Maaron loolo igheen toit ve ipakur ghiit kat. Pasaa, i ipoi ghiit ighe tauu natŋa iit. Ve saveeŋ tane, ene iduduuŋ. Aazne, Maaron igham ghiit tamin i natŋa. Eemon yes tau titaghon taan ŋgara na, tighilaal ghiit mako. Pasaa, yes tighilaal Maaron mako. Yo 1:12, 16:2+; Ro 8:15+