Saveeŋ Yoŋgaaŋ 7:17 - Maaron Saveeŋ Tooni Patabuyaaŋ Tuam

¹⁷ Pasaa, Sipsip to Maaron tau ileep igharau Maaron niia to ghamuuŋ pooz na, i tauu pale iŋgin zi ve maata pazi. Ve i pale igherev zi tila pa yaa to lepoogh maata yaryaare tau bolokbolokia ve izazaa. Ve Maaron tauu pale imus matazi suuru isov ighau, ve irau titaŋ muul mako.” Mbo 23:1+; Is 25:8; Yo 7:37+, 10:11+; Syg 21:4

Mutu (Oov)

¹⁷ Pasa, Sipsip to Maaron to ineep toman Maaron igharau ina to ghamuuŋ pooz, ye tau pale iŋgin di ve mata padi. Ve ye pale ighereb di tila pa ya to nepooŋ mataad yaryaara to bokbokia izaza. Ve Maaron tau pale imus matadi suru isob ighau, ve irau titaŋ muul maau.” Mbo 23:1+; Is 25:8; Yo 7:37+, 10:11+; Syg 21:4

Saveeŋ Yoŋgaaŋ 7:17 Iomraidhean Croise

Matayu 2:6

‘Nugh Betelem tau ugheen taan sirivu to Yudea na, yo nugh sorok mako. Varum pale iliiv nugh tintiina tau tighamgham pooz pa Yudea. Pasaa, ŋeer tiina ee pale ivot ilat tsio. I pale iŋgin tamtamon tsiau Israel, ve igham pooz pazi.’ ” Mika 5:2; Yo 7:42

Matayu 5:4

Yes tau lolozi ipataŋan ve titaŋ, ene yes paam aat tintinizi pa poia to Maaron tau izaa toozi. Pasaa, i pale irav atezi, ve igham zi lolozi poia. Is 61:2+; Yo 16:20; Syg 7:17

Yoan 10:11

“Yau taug ta ŋginiiŋ poia to sipsip. Pasaa, ŋginiiŋ poia, i aat ipul tauu gha imaat pa sipsip tooni. Mbo 23:1; Ezek 34:8+; Yo 15:13; Hib 13:20; Syg 7:17

Yoan 10:14

“Yau taug ta ŋginiiŋ poia to sipsip. Yeŋa sipsip tsiau nivawataghi ghei imin yeiru Tamaŋ Maaron nivawataghi ghei. Ve yau aat napul taug gha namaat pa sipsip tsiau. Leso nagham mulin zi gha tileep poi. Mt 11:27; 2Tim 2:19; 1Pe 2:25; 1Yo 3:16

Yoan 4:10

Yesu iyol aliiŋa ighe: “Imin ta yo uwatagh gabua poia tau Maaron ighe igham payo ve ughilaal ŋeer tau ighason ghom pa yaa, kanaŋ ughasoni, ve i gham lem yaa rereere to igham ghom uleep matam yaryaare le alok.”

Yoan 4:11

Tauvene livaa tana isaav pani muul ighe: “Olman, yo lem yaa paatu eta mako. Ve puura tane, yaa igheen izila siiŋa kat. Yaa rereere tau usavia na, pale ughamu sindei?

Yoan 4:14

Eemon isaav ighe tamtamon eta ighun yaa tau yau naghe nagham pani, i aat irau murunu muul mako. Pasaa, yaa tau yau nagham pani, ene pale ivotvot le ivon ila loolo. Tauvene tamtamon tana pale igham lepoogh poia ila to Maaron taghon taghon gha ila.” Is 44:3, 55:1; Ezek 47:1-12; Yo 7:37+; Syg 21:6

Uraat To Yes Mbaŋooŋa 20:28

“Matamim imomoos poi pa taumim, ve aŋgin poghania sipsip tisov to Maaron tau Avuvu Patabuyaaŋ ighur gham amin ŋginiiŋ pazi na. Yam irau aŋgin poghania lupuuŋ to Maaron. Pa siŋ to tauu Naatu imaliŋ pazi, ve i igham zi timin le wa. 1Tim 4:16; 1Pe 1:18+, 5:2+; Syg 5:9

1 Petrus 5:2

Maaron ighur uraat ila nimamim wa ighe aŋgin sipsip tooni. Tauvene matamim pazi ve aŋgin zi poi. Uraat tsiam tana, isaav ighe tamtamon tizoornugh payam to aghamu, ene poia mako. Aghamu toman lolomim, o poia. Leso ataghon Maaron loolo. Ve agham ŋgar tiina pa lemim atuya sov. Pa ŋgar tauvene, taghita poia mako. Yo 21:15+; Mbaŋ 20:28; 1Tim 3:3; Tit 1:7

Saveeŋ Yoŋgaaŋ 14:4

Ene yes tau tighurghur boog mako. Tiŋgin tauzi poi. Tauvene tiŋgalaaŋ ila Maaron maata. Ve nugh sindei tau Sipsip to Maaron ighe ila pani, ene yes titaghoni mon. I ipas zi ila eval tiina to taan sosozi, ve ighol zi timin i le wa. Tauta yes timin aniiŋ maata tau tighuru ila pa Maaron yesuru Sipsip tooni imin paitooŋ zi. 2Kor 11:2; Ep 5:27; Yems 1:18

Saveeŋ Yoŋgaaŋ 21:22

Naghita rumei eta igheen ta sewe mako. Pasaa, Maaron tauu, ta saksaki ve iŋgin gabua naol isov na, yesuru Sipsip tooni tileep ta sewe. Tauvene yes tauzi ta timin rumei pa nugh tawe.

Saveeŋ Yoŋgaaŋ 21:23

Nugh tawe le uraat eta pa aaz ma kaiyo muul mako. Pasaa, Maaron tauu mbonari, tauta isul nugh ve ighamu ighazooŋ. Ve Sipsip to Maaron ta imin lam pani. Is 60:19+; Yo 1:4-5, 8:12; Syg 22:5

Saveeŋ Yoŋgaaŋ 21:4

I pale imus matazi suuru isov ilale. Ve mateegh, moŋiiŋ, taŋiiz, ma yavyavuuŋ irau tivot muul mako. Pasaa, lepoogh to muuŋ, ene isov wa.” Is 25:8; 1Kor 15:26

Saveeŋ Yoŋgaaŋ 21:6

Ve isaav muul ighe: “Tauta ene. Isov wa! Yau naleep muŋgaaŋ, ve naleep murei geeg. Yau namin puughu pa gabua naol isov, ve yau ta napasov zi. Isaav ighe tamtamon eta murunu, ene yau aat nagham le yaa maata yaryaare tau bolokbolokia na. Yaa tane, le atuya mako. Pale nagham pani sorok. Is 55:1; Yo 7:37; Syg 1:8, 16:17, 22:17

Saveeŋ Yoŋgaaŋ 22:1

Ra aŋela tana itotoi yaa to lepoogh maata yaryaare payau. Yaa tawe, milmilia ve iŋgalaaŋ le iŋgalaaŋ kat imin galas. Ve ivot ila Maaron yesuru Sipsip tooni niazi to ghamuuŋ pooz, ve ireer ivot. Ezek 47:1; Sek 14:8; Yo 7:37+

Saveeŋ Yoŋgaaŋ 4:11

“O Maaron, Tiina tsiei, yo poiam kat. Isaav ighe nipakur ghom ve nipait ezam pa tapirim ve poia tsio, ene iduduuŋ. Pasaa, yo mon ta ughur gabua naol isov itaghon taum ŋgar tsio. Tauta gabua naol isov tivot gha tigheen tauvene.” Gnp 1:1; Mbaŋ 14:15, 17:24

Saveeŋ Yoŋgaaŋ 5:6

Ra matag ila le naghita Sipsip ee iyozyooz igharau Maaron niia to ghamuuŋ pooz. Ve gabua matazi yaryaare paaŋ tomania yes ŋginiiŋa tamoot ee ve paaŋ (24) tilivuti. Sipsip tawe ghitooŋa imin muuŋ tiravu imaat. I le zooŋa liim ve ru. Ve maata paam, liim ve ru. Maata tawe, ene Maaron Avuvu liim ve ru tau i imbaaŋ zi tila tirau taan. Is 53:7; Yo 1:29; 1Kor 5:7