Saveeŋ Yoŋgaaŋ 5:5 - Maaron Saveeŋ Tooni Patabuyaaŋ Tuam

⁵ Yau nataŋtaŋ, ve ŋginiiŋa tamoot ee ve paaŋ (24), toozi ee ilam ve isaav payau ighe: “Utaŋ sov. Ughita ŋeer tawe. I Laion tau ivot ila to Yakop naatu Yuda ziiri waaro tooni. I paaghu to kinik David. I iyooz ariaaŋ ve iliiv tovaaŋ wa. Tauvene i poia irau to iwalaav bagil liim ve ru to rau tawe, ve iraraava.” Gnp 49:9+; Is 11:1, 10; Dan 7:13-14; Ro 15:12; Hib 7:14; Syg 6:1

Mutu (Oov)

⁵ You nataŋtaŋ, ve ŋginiiŋa tamoot ee ve paaŋ (24), todi eez inim ve isaav payou ighaze: “Utaŋ malep. Ughita ŋgeu tonowen. Ye Laion to ivot ila Yakop natu Yuda siŋ toni, ve ye paghu to kinik David. Ye iyoon ariaŋa ve ilib pa tovaaŋ wa. Tovenen ye poia irau to iwalab bagil liim ve ru pa rau tonowen, ve iraava.” Mbnp 49:9+; Is 11:1,10; Dan 7:13-14; Ro 15:12; Hib 7:14; Syg 6:1

Saveeŋ Yoŋgaaŋ 5:5 Iomraidhean Croise

Lukas 23:28

Yesu maata imuul pazi, ve isaav ighe: “Yam Yerusalem tinazi, ataŋ payau sov. Ataŋ pa taumim ve natumimŋa.

Lukas 7:13

Tiina Yesu ighita naar tana, le loolo isaghatini. Tauvene isaav pani ighe: “Olman tinazi, utaŋ sov!”

Lukas 8:52

Saawe tana, eval tiina tau tileep muuri na titaŋtaŋ pa livaa marani toman oroor tiina. Eemon Yesu isaav pazi ighe: “Yam ataŋ sov. Livaa marani imaat mako. I igheen mon.” Yo 11:11+

Yoan 20:13

Aŋela ru tawe tighasoni tighe: “Livaa, yo utaŋtaŋ pasaa?” I iyol aliŋazi ighe: “Wai, tigham Tiina tsiau paata ila wa. Ve yau nakankaan pani. Tighuru sindei?”

Rau Tau Paulus Iboode Pa Yes Roma Rom--Romans 1:3

Vaaru poia tane isavia Maaron Naatu Yesu Krisi. I Tiina toit. I izilam taan ve imin tamtamon, ve i siŋ to kinik David. Avuvu Patabuyaaŋ ipaghazoŋai ghiit pani ighe burigiiŋ tooni ila mateegh, tauta itotoia ighe i Maaron Naatu, ve tapiri tiina kat. Mt 1:1+; Hib 1:5

Rau Tau Paulus Iboode Pa Yes Roma Rom--Romans 15:12

Propet Isaia paam isavia gabua tane ighe: “Paaghu ee to Yesi pale ivot gha imin kinik, ve igham pooz pa nugh naol isov. Nugh nugh tau Yuda mako na, pale tinumeera, ve tighur matazi pa saawe to i iuul zi tileep poi.” Is 11:1, 10; Mt 12:21; Syg 22:16

Hibru 7:14

Pasaa, saawe tau Mose ighur tamtamon to tigham uratoi watooŋrau, i isavia aliiŋa eta iŋarui Yuda paaghu tooni mako. Mt 1:1; Syg 5:5

Saveeŋ Yoŋgaaŋ 1:1

Saveeŋ tane isavia gabua tau muuŋ tigheen ŋgozaaŋ ila to Maaron mon, ve aazne Yesu Krisi ivoti zi gha tivot tighazooŋ wa. Maaron ighe besooŋa to Krisi tiwatagh gabua tau malau mako pale tivot itaghon ŋgar tooni. Tauta igham saveeŋ tane pa Krisi. Ra Krisi aana imbaaŋ aŋela tooni ilam ivotia saveeŋ tane pa yau Yoan, besooŋa tooni.

Saveeŋ Yoŋgaaŋ 22:16

“Yau Yesu ta nambaaŋ aŋela tsiau ilat gha isavia saveeŋ tane pa yam tau aleep ila lupuuŋ tsiau irau nugh nugh. Leso napariaaŋ gham to aghur ilam tsiau. Yau paaghu to David. Yau salunu tau navot ila tooni. Ve yau pitum zauŋa to mboŋoozo tau isul kat.” Nam 24:17; Is 11:1+; Syg 2:28, 5:5

Saveeŋ Yoŋgaaŋ 3:21

‘Isaav ighe tamtamon eta iyooz ariaaŋ ve iliiv tovaaŋ, ene aat yau nayok pani to yeiru nileep ila niag to ghamuuŋ pooz, imin yau nayooz ariaaŋ ve naliiv tovaaŋ, tauta yeiru Tamaŋ nileep ila niia to ghamuuŋ pooz. 2Tim 2:12; 1Kor 6:2

Saveeŋ Yoŋgaaŋ 4:10

Ve saawe tau tigham tauvene, yes ŋginiiŋa tamoot ee ve paaŋ tila titap tizi ila i naagho, ve tipakuru paam. Ve tizugh moghar toozi tau igheen izala dabazi na tizi, ve tighur zi ila ŋeer tawe niia to ghamuuŋ pooz naagho, ve tipait eeza tighe:

Saveeŋ Yoŋgaaŋ 4:4

Ve naghita ŋginiiŋa tamoot ee ve paaŋ (24) tileep ila niazi to ghamuuŋ pooz ve tilivut Maaron niia to ghamuuŋ pooz. Yes tinonogh zi pa nonoghiiŋa pisosooŋa, ve moghar ndamoonda to kinik tigheen izala dabazi. Moghar toozi tawe, tigharaat zi pa gol.

Saveeŋ Yoŋgaaŋ 5:4

Tauvene yau nataŋ tiina. Pasaa, tindeeŋ eta tau poia kat irau to iraraava ve ighita loolo ne mako.

Saveeŋ Yoŋgaaŋ 6:1

Ra yau naghita Sipsip to Maaron igham rau tau bagil liim ve ru tigheen ila na, ve iwalaav bagil ee imin maata. Ve nalooŋ gabua matazi yaryaare paaŋ, toozi ee iboob aliiŋa tiina kat imin lalaav luutu ighe: “Ulam!”

Saveeŋ Yoŋgaaŋ 7:13

Ra ŋginiiŋa tawe, toozi ee ighason ghau ighe: “Savunugha ta tinonogh zi pa nonoghiiŋa pisosooŋa we? Ve tilaagh mindai ta tilam?”