Saveeŋ Yoŋgaaŋ 21:11 - Maaron Saveeŋ Tooni Patabuyaaŋ Tuam

¹¹ Maaron mbonari igham nugh tawe isul. Ghitooŋa ite kat, imin maet milmilia tau atuya tiina, ve imin maet yaspa tau iŋgalaaŋ kat imin galas. Is 60:1+; Syg 22:5

Mutu (Oov)

¹¹ Maaron ŋguruba igham ndug tonowen isul. Ghitooŋa ite kat. Nene inimale yaam milmilia to atia tiina, ve inimale yaam yaspa to ŋgalaaŋa kat inimale galas. Is 60:1+; Syg 22:5

Saveeŋ Yoŋgaaŋ 21:11 Iomraidhean Croise

Saveeŋ Yoŋgaaŋ 15:8

Ve Maaron mbonari ve tapiri tomania mbuasa ivot le ipavon Rumei Tiina tau iyooz izi sambam na loolo. Tauta eta irau iloŋ ila mako. Yes aat tileep ve tisaŋan le aŋela liim ve ru tana tipasov uraat toozi to ghuruuŋ pataŋani pa tamtamon le isov, o tiloŋ tila. Igham 40:34

Saveeŋ Yoŋgaaŋ 22:1

Ra aŋela tana itotoi yaa to lepoogh maata yaryaare payau. Yaa tawe, milmilia ve iŋgalaaŋ le iŋgalaaŋ kat imin galas. Ve ivot ila Maaron yesuru Sipsip tooni niazi to ghamuuŋ pooz, ve ireer ivot. Ezek 47:1; Sek 14:8; Yo 7:37+

Saveeŋ Yoŋgaaŋ 22:5

Nugh tawe, mboŋ muul mako. Ve tamtamona lezi uraat pa lam ma aaz muul mako. Pasaa, Tiina toozi Maaron mbonari pale igham nugh ighazooŋ pazi. Ve yes pale tigham pooz irau saawe. Is 60:19+; Dan 7:27; 2Tim 2:12; Syg 5:10, 21:23

Saveeŋ Yoŋgaaŋ 4:3

I naagho milmilia imin maet yaspa ve karnelian tau ŋgeretazi popoia na. Ve taliŋbuuz tau mbonari airaumbitai imin maet emeral na, ilivutin ŋeer tawe niia to ghamuuŋ pooz. Ezek 1:22-28

Saveeŋ Yoŋgaaŋ 4:6

Ve gabua ite igheen ta sewe paam. Ghitooŋa imin te. Tigharaata pa galas tau ŋgalaaŋa kat. Ve gabua matazi yaryaare paaŋ tiyooz livutin Maaron niia to ghamuuŋ pooz. Gabua paaŋ tawe, matazi katini, irau anoŋazi dodoli. Matazi igheen pa naghozi ve murizi paam. Ezek 1:5+; Is 6:1-3