Saveeŋ Yoŋgaaŋ 20:9 - Maaron Saveeŋ Tooni Patabuyaaŋ Tuam

⁹ Yes pale tileep taan ziige ta naol ne, ve tilam tivot nugh tau Maaron tamtamon tooni tileep pani na. Ve tilivutin zi tomania nugh tiina Yerusalem tau Maaron loolo pani kat na, leso tigham malmal pazi. Eemon yav to Maaron pale sambam izilam, ve ighaniir koiŋa tana tisov tilalez.

Mutu (Oov)

⁹ Yes pale tineep taan dige to naol, ve tila tivot ndug to Maaron tamtoghon toni tineep pani. Ve tiluvutin di toman ndug tiina Yerusalem to Maaron lolo pani kat, leso tigham malmal padi. Eemoghon yab to Maaron pale ineep sambam izi inim, ve ighan koia tonenen tisob tilaledi.

Saveeŋ Yoŋgaaŋ 20:9 Iomraidhean Croise

Lukas 17:29

saawe tau Lot ipul nugh Sodom ve ighau ila. Ra Maaron igham yav tomania maet salfa tuntunu tau vaazi saghati kat na, titaptap ila sambam saamba tizi, ve iravuur zi tisov tilalez. Gnp 19:24+; 2Pe 2:6; Jud 7

Lukas 19:43

Tauvene saawe eta pale ivot, mako koiamŋa tilam tilivutin ghom, ve tindou taan ila didiiŋ ariaaŋa tau ilivutin nugh tsio ziige imin ndeet pazi. Leso titaghoni, ve tiloŋ tilat nugh tsio loolo. Ve lem eez eta to ughau pazi mako.

Lukas 21:20

Yesu isaav muul ighe: “Murei, yam pale aghita zaaba katini tilam tiyooz livutin Yerusalem. Gabua tana ighe ivot, na yam awatagh: Saawe to tireu Yerusalem ve tamtamon tipuli ileple, ene ilam igharau wa.

Lukas 9:54

Mbiwa tooni ru, Yakobus gha Yoan, tighita gabua tana le irau lolozi mako. Tauvene tighason Yesu tighe: “Tiina, ughe nigham mindai? Pale nighason Maaron, leso igham yav sambam ve izilam, gha ighan tamtamon tawe?” 2King 1:10+; Mk 3:17

2 Tesalonika 1:8

Mako iyat ŋgar sasaghati to tamtamon, ve ighur atuya pazi tauvene: Yes irau tila tileep tomania Tiina toit, ve tighita mbonari ve tapiri ne mako. I pale iziir zi tila soghan, ve saghatiiŋ tiina igham zi taghon taghon gha ila. Irau isov mako. Atuya tane pale iŋarui tamtamon tisov tau tiwatagh Maaron mako, ve tizorzoor vaaru poia to Tiina toit Yesu. Mt 25:41; Ro 2:8; 2Pe 3:7; Syg 20:15

Hibru 13:13

Tauvene iit paam aat tapul lupuuŋ to yes tau tizor Krisi na, ve tavot tala tooni. Ve isaav ighe tipamayaŋin ghiit imin muuŋ tigham pani, ene poia. Saa pataŋani tau tigham pait na, tabaado mon! Lu 9:23; Hib 11:26, 12:2; 1Pe 4:14

Saveeŋ Yoŋgaaŋ 11:5

Isaav ighe koiazi eta itoova to ivaghamunia yesuru, ene aat yav ivot ila yesuru avozi ve ighani. Tauvene tamtamon tau ighe itoova to ivaghamunia yesuru, ene aat imaat pa eez tane. Yer 5:14

Saveeŋ Yoŋgaaŋ 13:13

Gabua saghati tau imin ru na, Maaron ipuli igham gabua ŋgeretazi tintiina tivotvot. Tauta igherev tamtamon gha titaghon iitete tau ivot imin maata na pa ŋgar tooni. I irau igham yav sambam ve izilam taan ila tamtamon matazi. Karom tooni tawe ikau tamtamon to taan ŋgar toozi. Tauta tigharaat iitete tau ivot imin maata na anunu ve tipakuru. Ene i tau tiravu imaat, ve iburig muul. Lo 13:1+; Mt 24:24; 2Tes 2:9+