Saveeŋ Yoŋgaaŋ 20:2 - Maaron Saveeŋ Tooni Patabuyaaŋ Tuam

^2-3 I izila ve ikis moot tau ileep muuŋ geeg ve ilam. Moot tawe, tiwaat eeza tighe: ‘Ŋeer Saghati’ ve ‘Sadan.’ Aŋela tawe ikauu pa sen le tuŋia, ve isiki izila puura tau le puughu mako na, ve ipoon puura tawe aavo le tuŋia kat. I pale ileep ta sewe irau ndaman ndiŋndiŋ ndiŋndiŋ ee (1000). Leso itombaan tamtamon to nughmariŋ muul sov le ndaman ndiŋndiŋ ndiŋndiŋ ee (1000) tana isov. Mako tipool sen pani, ve tipuli ivot ilaagh rig. Lu 10:18+; Yo 12:31; Syg 12:9

Mutu (Oov)

^2-3 Ye izila ve ikis moot to ineep muuŋ kat ve inim. Moot tonowen, tiwaat iza tighaze: ‘Ŋgeu Samia’ ve ‘Sadan.’ Aŋela tonowen ikaui pa sen le tuŋia, ve ipiyaava izila saambu to le pughu maau ne, ve ipoon saambu tonowen avo le tuŋia kat. Ye pale ineep tonowe irau ndaman ndiŋndiŋ eez (1000). Leso itombaan tamtoghon to ndug ndug muul sob, le ndaman ndiŋndiŋ eez (1000) tonenen isob. Ghoro tipool sen pani, ve tipuli ivot ilaagh ris. Lu 10:18+; Yo 12:31; Syg 12:9

Saveeŋ Yoŋgaaŋ 20:2 Iomraidhean Croise

Matayu 19:29

Ve tamtamon tisov tau tigham ŋgar pa yau ezag, ve tipul ruum toozi, toŋvetaz toozi, tamazŋa ve tinazŋa, natuzŋa, ma uum toozi, ene pale poia tiina to Maaron izazaa toozi, le iyol gabua tisov tau tipul zi na, irau ndiŋndiŋ ee (100). Ve yes pale tileep matazi yaryaare le alok. Hib 10:34

Matayu 8:29

ve tiboob tighe: “Ai Maaron Naatu, yo ulam sene pasaa? Yei nimbaaŋ payo? Saawe to yo ughur yavyavuuŋ payei, ene soone. Upasul pasaa?” Mk 1:24; Yems 2:19

Markus 4:15

“Uuv siriv tau timburur tizi eez, ene izaa to tamtamon tau tilooŋ Maaron aliiŋa, eemon rekia mon Sadan ila ve isan saveeŋ tawe ighau pa lolozi.

Markus 5:7

Yesu isaav pani ighe: “Avuvu saghati, ughau pani!” Tauvene avuvu saghati tawe iboob aliiŋa tiina kat ila ŋeer tana aavo ighe: “Aii, Yesu! Yo Maaron Tiina Tau Iliiv Zimaronŋa Tisov na Naatu. Ulam sene pasaa? Yau nambaaŋ payo ta ulam ne? Yau nataŋ rarai ghom ila Maaron eeza, ughur yavyavuuŋ payau sov!” Mt 25:41; Mk 1:24; Yems 2:19

Yoan 12:31

Aazne, tazaa pa saawe to Maaron ipaghazoŋai ŋgar saghati to tamtamon to taan ivot ighazooŋ, ve ighur atuya pazi, ve iziir daaba tau iŋginŋgin taan ne ighau. Yo 16:11; Kol 2:15; Syg 12:9, 20:2+

Yoan 16:11

Ve uraat to gabizooŋ ve ghuruuŋ atuya pa tamtamon, ene pale ivot. Pasaa, ŋginiiŋ to yes tau titaghon taan ŋgara na, Maaron igabiiza ighe i isosor wa. Tauvene i isasaŋan mon pa saawe to Maaron ighur atuya pani. Yo 12:31

Rau Tau Paulus Iboode Pa Yes Roma Rom--Romans 16:20

Maaron toit, i igham ghiit taleep poia toman loloon luuma. Malau mako pale iuul gham, leso atatan Sadan tapiri ve avaghaaza ila aghemim saamba. Gnp 3:15; Syg 12:11 Poia to Tiina toit Yesu Krisi igheen tomani gham.

Hibru 2:14

Geegeu tau i isavi zi na, ene iit tamtamon to taan tau taghur ila tooni. Tauta Yesu paam imin tamtamon to taan raraate imin iit, ve iyamaan pataŋani naol to taan, ve imaat to ipasov Ŋeer Saghati tapiri. Pasaa, i ta imin puughu pa mateegh ve ivavaghamunia tamtamon. Gnp 3:1+; Yo 1:14, 12:31; 2Tim 1:10

1 Petrus 5:8

Agham ŋgar poi, ve matamim izaa. Pa koiamim Ŋeer Saghati, i ilaghlaagh imin laion tau iyuryuur ve iliil tamtamon pa ghaniiŋ.

2 Petrus 2:4

Aghita. Yes aŋela tau muuŋ tigham sosor na, Maaron ighurghur zi? Mako. I isik zi tizila nugh saghati ta ndoroom loolo we, leso tileep ta sewe ve tisaŋan saawe to i igabiiz zi ve ighur atuya pazi. Jud 6; Syg 12:7+, 20:2+

Rau Tau Jud Iboode Jut--Jude 1:6

Ve agham ŋgar pa yes aŋela tau muuŋ geeg tizoor Maaron aliiŋa na. Uraat tau Maaron ighuru ila nimazi ve ezazi pani, tomania niazi to lepoogh tau i igham pazi na, yes tirere pani, ve tipuli. Tauta Maaron iziir zi tighau pa niazi, ve ikau zi pa ravraav ariaŋazi tau pale igheen irau saawe, ve ighur zi tileep ila ndoroom tiina loolo. Leso tileep ta sewe, ve tisaŋan saawe tiina to Mboŋ Murei, mako i igabiiz zi ve ighur atuya pazi. 2Pe 2:4; Syg 20:10

Saveeŋ Yoŋgaaŋ 12:13

Moot ighita tisiki izi taan wa. Tauvene ila inaan livaa tau ipoop naatu tamoot na ighe ighur pataŋani pani.

Saveeŋ Yoŋgaaŋ 12:15

Tauta moot inaan livaa tana ve yaa tiina goŋia ivot pa aavo, leso izughu gha ilale.

Saveeŋ Yoŋgaaŋ 12:17

Tauvene moot aate yavyav kat pa livaa tawe, ve ila ipaburigin malmal pa livaa paaghu tooni siriv. Ene yes tau matazi kisin tutuuŋ to Maaron ve titaghoni, ve tivotia ghuruuŋ ila toozi ighazooŋ tighe tighur ila to Yesu.

Saveeŋ Yoŋgaaŋ 12:3

Malau mako ve gabua ite ivot izi sambam imin ilaal. Naghita moot tiina ee. Tiini siŋsiŋai imin yav ŋgilaaŋi. Ve daaba liim ve ru, ve zooŋa saŋavul. Ve moghar ndamoonda liim ve ru imin to yes kinik tigheen irau daaba liim ve ru tawe. Dan 7:7

Saveeŋ Yoŋgaaŋ 12:4

Pitum tau tigheen sambam we, moot tawe iighu izuur ŋgun ee, ve isik zi tizila taan. Ve ŋgun ru tigheen poi. Ra moot tawe ila iyooz izi livaa tana naagho ve isasaŋani. Ighe ipoop, mako rekia mon ve itoon naatu. Dan 8:10

Saveeŋ Yoŋgaaŋ 13:2

Gabua saghati tau yau naghita na, naagho imin lepad, aaghe imin bea, ve aavo imin laion. Ra moot ighur tapiri ve eeza ila tooni, ve ighuru ileep ila tauu niia to ghamuuŋ pooz, ve ighur gabua naol to taan ila i saamba leso iŋgin zi. Dan 7:4+; Syg 12:3

Saveeŋ Yoŋgaaŋ 13:4

Ve tiput aghezi pa moot ve tipakuru. Pasaa, i ta ighur tapiri ve eeza ila to gabua tawe. Ve gabua saghati tawe paam, tiput aghezi pani ve tipakuru tighe: “Aighat, sei irau gabua tane? Ve sei irau iparav tomania ve iliivo? Mako.”

Saveeŋ Yoŋgaaŋ 20:10

Ve Ŋeer Saghati tau itombaan zi tilam na, Maaron pale isiki izila puura tiina. Ene puura tau yav ighanghan ila, ve maet salfa tau vaazi saghati na izazaa pani. Nugh tawe, ta papazoge tisik gabua saghati yesuru iitete tau propet karom na tizila. Yes tol tawe pale tileep ta sewe, ve tigham yavyavuuŋ tiina kat. Ve yavyavuuŋ toozi irau isov ne mako. Pale igham zi mboŋ ve mataaz, ve ighengheen tauvene taghon taghon gha ila. Mbo 11:6; Syg 14:10+, 19:20

Saveeŋ Yoŋgaaŋ 20:7

Isaav ighe ndaman ndiŋndiŋ ndiŋndiŋ ee (1000) tana isov, ene aat tikaak puura tau tisik Ŋeer Saghati iloŋ ila na, ve tipuli ivot.

Saveeŋ Yoŋgaaŋ 9:11

Ve yes lezi kinik to iŋgin zi paam. Kinik toozi, ene aŋela tau iŋgin puura saghati tau le puughu mako na. Tiwaat eeza ila Hibru aliŋazi tighe ‘Abaddon.’ Ve ila Grika aliŋazi tighe ‘Apolion.’