Saveeŋ Yoŋgaaŋ 18:9 - Maaron Saveeŋ Tooni Patabuyaaŋ Tuam

⁹ Yes kinik to taan tau muuŋ yesŋa livaa tana tighur boog ve tigham lepoogh poia kat ila tooni na, isaav ighe tighita yav ighani gha mbuasa imbuŋ, ene pale lolozi isaghat kat ve titaŋ tiina pani. Yer 50:46; Ezek 26:16+

Mutu (Oov)

⁹ Yes kinik to taan to muuŋ yesŋa liva tonenen tighur maat ve tigham nepooŋ poia kat ila toni, ighaze tighita yab ighani ve mbuasa iza, nene pale lolodi isami kat ve titaŋ tiina pani. Yer 50:46; Ezek 26:16+

Saveeŋ Yoŋgaaŋ 18:9 Iomraidhean Croise

1 Timoti 5:11

Eemon yes zinaara tau paghpaghuzi na, ughur ezazi ila rau to uleeŋ sov. Pa murei, isaav ighe ghaara toozi ipazaagh zi pa vaiŋ muul, ene pale tighur murizi pa Krisi, ve tireu saveeŋ mbuaaŋ toozi, ve tisosor ila Maaron maata.

Saveeŋ Yoŋgaaŋ 14:11

Zeran tauvene, yav tau ighan zi na, mbuasa pale imbuŋ tauvene taghon taghon gha ila. Irau isov mako. Tauvene yes tau tiput aghezi pa gabua saghati, ma gabua tawe anunu, tomania yes tau tigham ilaal tooni na, yav pale ighan zi tauvene irau mboŋ ve mataaz taghon taghon gha ila. Irau timariau pa yavyavuuŋ mako. Jud 1:7

Saveeŋ Yoŋgaaŋ 17:2

I ta ighegherev yes kinik to taan, ve yesŋa tighurghur boog. Ve yes kinik mon mako. I ikau ŋgar to eval tiina tau tileep izi taan, ve titaghoni pa ŋgar tooni saghati le imin ta tighun vaen ariaaŋa gha ŋgar toozi ivaghamgham.” Yer 51:7; Syg 14:8, 18:3

Saveeŋ Yoŋgaaŋ 18:18

Ve matazi ila pa mbuas tau izazaa pa nugh tiina Babilon na, ve tipasawal pani tighe: “Oyai, saa nugh tiina ite paam ta irau Babilon?”

Saveeŋ Yoŋgaaŋ 18:20

“Tauvene yam to nugh sambam, yam mbaŋooŋa to Krisi, yam propet, ve yam tamtamon patabuyaaŋa to Maaron, lolomim poia ve tintinmim! Pa aazne, Maaron igabiiz nugh tiina Babilon, ve ighur atuya pani to iyat sosor tau i igham payam na.”

Saveeŋ Yoŋgaaŋ 18:3

Pasaa, nugh tawe ta ighegherev nughmariŋ pa ghamuuŋ ŋgar saghati ve yesŋa tighurghur boog. Ve ipaghun zi pa vaen tooni ariaaŋa kat le ŋgar toozi ivaghamgham. Yes kinik to taan paam. Yesŋa tighurghur boog. I ighe igham le taan pabodeeŋa naol, ve ileep poia le poia kat. Tauta zeran to raukoliiŋ tilala tooni, ve tigholia gabua toozi ila tooni, ve timin kuaz tauu.” Syg 14:8, 17:2

Saveeŋ Yoŋgaaŋ 18:7

Muuŋ, i ipakur ghi kat, ve igham le taan pabodeeŋa naol, ve lepoogh tooni poia le poia kat. Tauvene i aat iyamaan yavyavuuŋ tiina ve itaŋ, leso iyat ŋgar tooni tawe. Pasaa, i igham tiini ighe: ‘Yau garwaat tinazi. Nambool pa gabua eta mako. Yau aat naleep ila niag to ghamuuŋ pooz, ve lepoogh tsiau poia mon taghon taghon gha ila. Yau naar gha leso nataŋ? Mako. Pataŋani eta irau ivot payau mako.’ Is 47:7+

Saveeŋ Yoŋgaaŋ 19:3

Ra eval tiina tana tiboob muul tighe: “Aleluia! Yav tau ighan livaa saghati tawe, mbuasa pale izazaa tauvene taghon taghon gha ila.” Syg 18:9,18

Saveeŋ Yoŋgaaŋ 2:22

Tauvene yau aat nagham moroghooŋ saghati ivot pani. Ve yes tau tipaako pa ŋgar tooni saghati na paam. Isaav ighe titoor ŋgar toozi mako, ene aat naghur pataŋani tiina iŋarui zi.