Saveeŋ Yoŋgaaŋ 18:19 - Maaron Saveeŋ Tooni Patabuyaaŋ Tuam

¹⁹ Tauvene lolozi ipataŋan, titaŋ tiina ve timoŋ pani. Ve tiŋuzuuva tighe: “Oyai, ukaria taum wa! A nugh tiina, ukaria taum gha usaghat kat! Aazne, paita umbiriis gha ulalem. Pale nigham mindai? Kuaz tsio mon, tauta yei tau lemai waaŋ ne, nisov nimin kuaz tauŋa.”

Mutu (Oov)

¹⁹ Tovenen lolodi ipataŋan, titaŋ tiina ve timoŋ pani. Ve tiŋazuuva tighaze: “Oyai, ukaria taum wa! Aa ndug tiina, ukaria taum ve usami kat! Aazne, rikia moghon ve umbiriis ve ulalem. Pale nigham vena? Mbaliiŋ tiom moghon, tauto yei to lemai waaŋ ne, nisob ninim mbaliiŋ tau.”

Saveeŋ Yoŋgaaŋ 18:19 Iomraidhean Croise

Saveeŋ Yoŋgaaŋ 17:16

Gabua saghati zooŋa saŋavul tau ughit zi na, ene izaa to kinik saŋavul. Murei pale yesŋa gabua tawe titoor ŋgar toozi, ve tighur koi pa livaa to eez tawe, ve tivaghamunia kat. Pale tiraŋgat nonoghiiŋa tooni le kambaŋmbaŋi, ve tighan miiza, mako tisiki izala yav ighani gha ilale. Ezek 16:37+; Syg 18:8

Saveeŋ Yoŋgaaŋ 18:10

Tighita yavyavuuŋ tiina ighamu le roiŋ tiina igham zi. Tauta tileep soghan ve tiŋuzuuva tighe: “Oyai, ukaria taum wa! Aa nugh tiina, ukaria taum wa! Babilon, yo ezam ve tapirim tiina. Eemon aazne, ugham atuya tsio, ve rekia mon saghatiiŋ tiina igham ghom gha umbiriis.” Is 21:9

Saveeŋ Yoŋgaaŋ 18:3

Pasaa, nugh tawe ta ighegherev nughmariŋ pa ghamuuŋ ŋgar saghati ve yesŋa tighurghur boog. Ve ipaghun zi pa vaen tooni ariaaŋa kat le ŋgar toozi ivaghamgham. Yes kinik to taan paam. Yesŋa tighurghur boog. I ighe igham le taan pabodeeŋa naol, ve ileep poia le poia kat. Tauta zeran to raukoliiŋ tilala tooni, ve tigholia gabua toozi ila tooni, ve timin kuaz tauu.” Syg 14:8, 17:2

Saveeŋ Yoŋgaaŋ 18:8

Pataŋani naol tau Maaron pale ighuru pani, ene pale tisov tivot pani pa aaz eemon. Saawe tana, taŋiiz, pitool, ve moroghooŋ tomania mateegh pale tivot pani. Ve yav aat ighani le imin avav. Pasaa, Tiina toit Maaron tau pale ighur atuya pani, i saksaki ve tapiri tiina kat.” Yer 50:34