Saveeŋ Yoŋgaaŋ 18:14 - Maaron Saveeŋ Tooni Patabuyaaŋ Tuam

¹⁴ Ve yes pale tisaav pa nugh tiina Babilon tighe: “Gabua naol isov tau lolom ighaar pa ghamuuŋ zi na, eta igharau ghom muul mako. Kuaz tsio tisov tau popoiazi kat ve ughamgham ezam pani na, tisov tilalez wa. Irau ughit zi muul mako.”

Mutu (Oov)

¹⁴ Ve yes pale tisaav pa ndug tiina Babilon tighaze: “Mbeb naol to lolom igham padi, eta igharau ghom muul maau. Mbaliiŋ tiom to popoiadi kat ve ughamgham izam padi, tisob tilaledi wa. Irau ughita di muul maau.”

Saveeŋ Yoŋgaaŋ 18:14 Iomraidhean Croise

Lukas 12:20

“Eemon Maaron isaav pani ighe: ‘Aa, yo borau! Lem ŋgar mako kat! Mboŋ aazne, yo aat umaat. Ve sei pale ighamuur gabua tsio tau undou zi na?’ ” Mbo 39:6, 49:16+

Lukas 16:25

“Eemon Abaram iyol aliiŋa ighe: ‘Oo natug, matam iŋgal lepoogh tsio tau muuŋ ughamu izi taan na. Saawe tana, yo uleep poia mon, ve Lasarus ileep saghat. Tauta aazne, aate izi ve igham lepoogh poia izi nugh tane, ve yo uyamaan yavyavuuŋ tiina ta sena. Lu 6:24

1 Korin 10:6

Gabua tau ivot pa yes Israela pa saawe tana, ene imin totoyaaŋ pait. Leso taghilaal, ve loloon ighaar pa gabua sasaghati imin yes sov. Nam 11:4; Mbo 106:14

Yakobus 4:2

Yam lolomim ighaar aghe agham lemim gabua naol to taan. Eemon irau agham zi mako. Tauta lolomim irav gham pa zeetmimŋa gabua toozi, ve yamŋa avakokai gham, ve avaravu gham gha amatmaat. Yau nasaav payam. Gabua tau lolomim itaŋ pani na, yam irau aghamu mako. Pasaa, aghason Maaron pani mako.

Saveeŋ Yoŋgaaŋ 18:13

Ve gabua maata maata siriv tau vazizi popoia ve atuyazi tintiina. Ve vaen, ŋgoreeŋ, aniiŋ, makau, sipsip, ve hos tomania karis. Ve tigholia tamtamon paam gha timin besooŋa sorok. Gabua naol tane, irau tiraukol pazi ta sewe muul mako.

Saveeŋ Yoŋgaaŋ 18:15

Zeran to raukoliiŋ tau muuŋ tigholia gabua toozi izi nugh Babilon ve timin kuaz tauu na, pale tiroi pa yavyavuuŋ tiina tau ighamu na. Tauvene yes pale tileep soghan pani, ve tipanin pani tighe: