Saveeŋ Yoŋgaaŋ 17:4 - Maaron Saveeŋ Tooni Patabuyaaŋ Tuam

⁴ Livaa tawe inonogh ghi pa nonoghiiŋa poia kat tau ŋgereeta aindan ve siŋsiŋai. Ve itiik tauu pa gabua popoiazi naol imin gol, maet milmilia siriv ve ŋgool maata. I ikis rubruub ee tau tigharaata pa gol. Rubruub tawe, ivon pa ŋgar sasaghati naol, ve ŋgar to ghuruuŋ boog tau livaa tana ighamghamu. Ŋgar tauvene iŋgalaaŋ ila Maaron maata mako. Saghati kat.

Mutu (Oov)

⁴ Liva tonowen indudi pa nonogiiŋa poia kat to bodeeŋa aindan ve kaviaaŋa. Ve itiktiik tau pa mbeb popoiadi naol tinimale gol, yaam milmilia pida, ve ŋgool atulu. Ye ikis rubruub eez to tigharaata pa gol. Rubruub tonowen ivon pa ŋgar samsamia naol ve ŋgar to ghuruuŋ maat to liva tonenen ighamghami. Ŋgar tovene iŋgalaaŋ ila Maaron mata maau. Samia kat.

Saveeŋ Yoŋgaaŋ 17:4 Iomraidhean Croise

Saveeŋ Yoŋgaaŋ 14:8

Malau mako ve aŋela ite, aana itaghoni ilam, ve isaav ighe: “Nugh tiina Babilon itap gha isaghat wa! Onoon kat, itap le isaghat kat! Nugh tau ighegherev tamtamon pa ŋgar tooni sasaghati, ve ikaukau ŋgar toozi imin ipaghun zi pa yaa ariaaŋa, tauta aazne izi imin kaut sorok.” Is 21:9; Yer 51:8; Syg 17:1+

Saveeŋ Yoŋgaaŋ 18:12

Muuŋ, yes tigholia gabua maata maata ila tooni: Gol, silva, ŋgool maata, ve maet milmilia siriv tau popoiazi ve atuyazi tintiina. Ve uuli popoiazi tau ŋgeretazi pisosooŋa, aindan, ma siŋsiŋai, ve ai siriv tau vazizi popoia tomania gabua popoia naol tau tigharaat zi pa elepan zooŋa, ve ai popoia tau atuyazi tintiina, ain, baras, ve maet siriv paam tau ŋgeretazi popoia.

Saveeŋ Yoŋgaaŋ 18:16

“Oyai, ukaria taum wa! Aa nugh tiina, ukaria taum gha usaghat kat! Muuŋ, yo unonogh ghom pa nonoghiiŋa popoiazi kat tau ŋgeretazi pisosooŋa, aindan, ve siŋsiŋai. Ve utiik taum pa gabua maata maata tau tigharaat zi pa gol, ŋgool maata, ve maet popoia siriv tau atuyazi tintiina.

Saveeŋ Yoŋgaaŋ 19:2

Isaav ighe i igabiiz tamtamon ve ighur atuya pazi, gabizooŋ tooni ene iduduuŋ ve onoon mon. Livaa to eez tau eeza tiina na, i ighegherev tamtamon to taan pa ŋgar tooni sasaghati, ve yesŋa tighurghur boog. Tauta Maaron ighur atuya pani. Muuŋ, livaa tawe iliŋliŋ siŋ pa yes besooŋa to Maaron. Tauta aazne, Maaron iyat ŋgar tooni tawe.” Syg 15:3, 16:7

Saveeŋ Yoŋgaaŋ 21:21

Didiiŋ atamana saŋavul ve ru, ene tigharaat zi pa gabua saŋavul ve ru imin ŋgool maata tau milmilia kat ve atuyazi tintiina. Ve eez tau itaghon nugh loolo, ene tigharaata pa gol tau poia kat ve ŋgalaaŋa imin galas.

Saveeŋ Yoŋgaaŋ 9:21

Ve ŋgar toozi to ravuuŋ tamtamon timatmaat, ghamuuŋ mur, ghuruuŋ boog, ve umbuuŋ, ene paam, tipul zi mako. Syg 22:15