Saveeŋ Yoŋgaaŋ 17:1 - Maaron Saveeŋ Tooni Patabuyaaŋ Tuam

¹ Ra yes aŋela liim ve ru tau tikis oon liim ve ru na, toozi ee ilam ve isaav payau ighe: “Ulam ve natotoi ghom pa atuya tau pale iŋarui livaa to eez tau mboole izala yaa tintiina naol pavozi na. Livaa tawe, i eeza tiina kat. Yer 51:12+; Syg 18:1+

Mutu (Oov)

¹ Ghoro yes aŋela liim ve ru to tikis oon liim ve ru, todi eez inim ve isaav payou ighaze: “Unum ve napatooŋ ghom pa atia to pale iŋarua liva to ataam to mbole izala ya tintina naol poghodi. Liva tonowen, ye iza tiina kat. Yer 51:12+; Syg 18:1+

Saveeŋ Yoŋgaaŋ 17:1 Iomraidhean Croise

Lukas 24:32

Yesuru tivasavo zi tighe: “Onoon kat. Saawe tau talaghlaagh taghon eez talam, i iwakaav ŋgar toit pa Maaron aliiŋa tau tiboode na, le saveeŋ tooni tawe ipazaagh katin ghiit le loloon poia kat.”

Lukas 9:30

Malau mako ve zeran ru, Mose gha Ilia, tivot tooni toman mbonarizi tiina, ve yesŋa Yesu tisavsaav pa uraat tau i pale ighamu izi Yerusalem, ve eez to i igham mulin tamtamon, ve ipul taan gha imuul izala pa sambam.

Saveeŋ Yoŋgaaŋ 1:1

Saveeŋ tane isavia gabua tau muuŋ tigheen ŋgozaaŋ ila to Maaron mon, ve aazne Yesu Krisi ivoti zi gha tivot tighazooŋ wa. Maaron ighe besooŋa to Krisi tiwatagh gabua tau malau mako pale tivot itaghon ŋgar tooni. Tauta igham saveeŋ tane pa Krisi. Ra Krisi aana imbaaŋ aŋela tooni ilam ivotia saveeŋ tane pa yau Yoan, besooŋa tooni.

Saveeŋ Yoŋgaaŋ 15:1

Ra matag ila le naghita gabua tiina ite ivot izi sambam imin ilaal. Ilaal tawe, ite kat. Nagham ŋgar pani le ŋgar tsiau imbool. Naghita aŋela liim ve ru tikis pataŋani liim ve ru tau sasaghatizi kat. Pataŋani tawe pale tivot murei geeg to tipasov aatyavyav to Maaron. Syg 11:18

Saveeŋ Yoŋgaaŋ 16:19

Yogyoog tawe igham taan to nugh tiina Babilon ivavaal le imin sirivu tol. Ve nugh tintiina to taan tisov tauvene paam, tisaghat ve timbiriis. Tauvene Maaron loolo iveegh pa nugh tiina Babilon sosor tooni mako. Maata iŋgalŋgali, tauta ipaghunu pa vaen ariaaŋa kat. Vaen tawe, ene aatyavyav tooni tau tiina le tiina kat. Syg 11:13, 14:8+, 18:2+

Saveeŋ Yoŋgaaŋ 18:1

Murei ra, matag ila le naghita aŋela ee ipul sambam ve izilam. I tapiri tiina kat, ve mbonari isul taan le ighazooŋ kat. Syg 10:1

Saveeŋ Yoŋgaaŋ 19:2

Isaav ighe i igabiiz tamtamon ve ighur atuya pazi, gabizooŋ tooni ene iduduuŋ ve onoon mon. Livaa to eez tau eeza tiina na, i ighegherev tamtamon to taan pa ŋgar tooni sasaghati, ve yesŋa tighurghur boog. Tauta Maaron ighur atuya pani. Muuŋ, livaa tawe iliŋliŋ siŋ pa yes besooŋa to Maaron. Tauta aazne, Maaron iyat ŋgar tooni tawe.” Syg 15:3, 16:7

Saveeŋ Yoŋgaaŋ 19:9

Ra aŋela isaav payau muul ighe: “Ubood saveeŋ tauvene: ‘Yes tau tisain zi tilam pa Sipsip to Maaron vaiŋ tooni ve yesŋa tilup zi pa ghanghaniiŋ na, ene pale tintinizi pa poia to Maaron tau izaa toozi.’ ” Ve ipariaaŋ saveeŋ tooni ighe: “Saveeŋ tane, ene saveeŋ onoon to Maaron.” Lu 14:15+

Saveeŋ Yoŋgaaŋ 21:15

Aŋela tau isavsaav payau na, i le ai milmilia ee to tovaaŋ gabua, leso itoov nugh tawe tomania didiiŋ tau ilivuti na, ve atamana.

Saveeŋ Yoŋgaaŋ 21:9

Ra naghita aŋela ee ilam, ve isaav payau ighe: “Ulam ve ughita livaa tane. I ta pale ivai Sipsip to Maaron gha imin azaawa.” Muuŋ, naghita aŋela liim ve ru tikis oon eŋaeŋa le irau zi. Oon toozi tawe, tivon pa pataŋani liim ve ru to ipasov Maaron aatyavyav tooni. Aŋela tau isavsaav payau ne, i toozi ee. Ep 5:25+; 2Kor 11:2; Syg 19:7+

Saveeŋ Yoŋgaaŋ 4:1

Yau naghita gabua tana le isov, ve matag ila le naghita ataman ee ikakaak izi nugh sambam. Ra ŋeer tau muuŋ nalooŋa isaav payau imin tavuur itaŋ na, aliiŋa ilam payau muul ighe: “Uzalam sene, leso natotoi ghom pa gabua tau murei pale tivot itaghon Maaron ŋgar tooni.”