Saveeŋ Yoŋgaaŋ 16:8 - Maaron Saveeŋ Tooni Patabuyaaŋ Tuam

⁸ Mako aŋela ite imin paaŋ, aana igham oon tooni, ve ila iliŋ aatyavyav to Maaron iŋarui aaz. Tauvene aaz ighaaz kat, ve isalaam tamtamon imin yav. Syg 8:12

Mutu (Oov)

⁸ Ghoro aŋela ite inim paaŋ, ana igham oon toni, ve ila iliŋ mbalmbali to Maaron iŋarua ndag. Tovenen ndag ighaaz kat, ve isalaam tamtoghon inimale yab. Syg 8:12

Saveeŋ Yoŋgaaŋ 16:8 Iomraidhean Croise

Matayu 13:6

Eemon saawe tau aaz ighaaz ve taan ituntun, wit tawe rauazi timalai ve timatmaat. Pasaa, wariazi tizila geeg mako.

Lukas 21:25

“Murei pale gabua siriv tivot pa aaz, kaiyo, ve pitum timin ilaal pa tamtamon, ve pataŋani tintiina pale tivot izi taan. Te pale isaghat, ve ipei dibom toman luutu tiina kat. Tauvene tamtamon ŋgar toozi pale ivaghamgham ve tisaŋeeŋ. 2Pe 3:10+; Syg 6:12+

Uraat To Yes Mbaŋooŋa 2:20

Aaz pale ighaaz muul mako, ve nugh ndoroom. Ve kaiyo pale siŋsiŋaaŋ. Mako saawe tiina to Ŋeer Tiina ivot, ve itotoi tapiri ve mbonari ivot ighazooŋ. Mt 24:29+, 27:45

Saveeŋ Yoŋgaaŋ 14:18

Ra aŋela ite paam tau iŋgin yav to artaal na, ipul artaal ve ivot, ve iboob pa iitete tau ikis mbuzaagh kooka na ighe: “Vaen to taan tisov tibulbuul wa. Ugham mbuzaagh tsio tana ula urav motin zi, ve ulup zi.”

Saveeŋ Yoŋgaaŋ 6:12

Mako naghita Sipsip to Maaron iwalaav bagil ite imin liim ve ee izi, le yogyoog tiina kat itok taan. Ve aaz maata gabgabuuŋ imin uuli gabgabuai to moŋiiŋ, ve kaiyo paam, maata siŋsiŋaaŋ imin siŋ.

Saveeŋ Yoŋgaaŋ 7:16

Tauvene yes irau pitool zi, ma murun zi muul mako. Ve aaz irau ighaaz katin zi muul mako. Mbo 121:6; Is 49:10

Saveeŋ Yoŋgaaŋ 8:12

Mako aŋela ite imin paaŋ, aana iviv tavuur tooni, ve ivaghamunia aaz ziige ee ve kaiyo ziige ee. Ve aaz ziige ru, ve kaiyo ziige ru, tisaghat mako. Tigheen poi. Pitum tauvene paam. Tivalagh zi timin ŋgun tol, ve tivaghamunia ŋgun ee. Ve ŋgun ru tisaghat mako. Tigheen poi. Tauvene aaz ziige ve kaiyo ziige tawe tighaaz kat mako. Ve pitum ŋgun ee tawe paam, tiraŋ mako. Tauta mataaz sirivu, nugh imin ndoroom. Ve mboŋ sirivu paam, ndoroom tiina ikau nugh. Igham 10:21+; Mt 24:29+; Syg 16:10

Saveeŋ Yoŋgaaŋ 9:2

I ikaak puura tawe aavo, ve mbuas tiina kat imbuŋ izaa pani imin yav tiina kat ighanghan. Mbuas tawe ipoon aaz maata le nugh ndoroom. Ep 6:12