Saveeŋ Yoŋgaaŋ 15:1 - Maaron Saveeŋ Tooni Patabuyaaŋ Tuam

¹ Ra matag ila le naghita gabua tiina ite ivot izi sambam imin ilaal. Ilaal tawe, ite kat. Nagham ŋgar pani le ŋgar tsiau imbool. Naghita aŋela liim ve ru tikis pataŋani liim ve ru tau sasaghatizi kat. Pataŋani tawe pale tivot murei geeg to tipasov aatyavyav to Maaron. Syg 11:18

Mutu (Oov)

¹ Ghoro matag ila le naghita mbeb tiina ite ivot izi sambam inim ghilalooŋ. Ghilalooŋ tonowen, ite kat. Nagham ŋgar pani le naraua maau. Naghita aŋela liim ve ru tikis pataŋani liim ve ru to samsamiadi kat. Pataŋani tonowen pale tivot pa tipasob mbalmbali to Maaron. Syg 11:18

Saveeŋ Yoŋgaaŋ 15:1 Iomraidhean Croise

Saveeŋ Yoŋgaaŋ 10:3

I iboob aliiŋa tiina kat imin laion itaŋ, ve nalooŋ lalaav luutu tiina kat pai liim ve ru toman saveeŋ, ve iyol bobaaŋ tooni. Mbo 29:3; Yo 12:29

Saveeŋ Yoŋgaaŋ 11:14

Ene pataŋani tiina ta imin ru. Ve ite imin tol, paita ivot.

Saveeŋ Yoŋgaaŋ 14:10

i aat ighun ila rubruub tau ivon kat pa aatyavyav to Maaron. Aatyavyav tawe, ene imin vaen tau ariaaŋa kat. Irau Maaron izoola pa yaa ite paam to irav matin tapiri ne mako. Tauvene tamtamon tana, aat tighur yavyavuuŋ tiina pani, ve yav tomania maet salfa tuntunu tau vaazi saghati na ighani ila Sipsip to Maaron tomania aŋela patabuyaaŋa naghozi. Mbo 11:6, 75:8; Is 51:17; Syg 13:16+

Saveeŋ Yoŋgaaŋ 14:19

Tauvene aŋela tawe isik mbuzaagh tooni, ve irav motin vaen tau tigheen izi taan ne anoŋazi tisov tizi. Ra iyauur zi gha ilup zi, ve igham zi ila gha isuruuv zi ila Maaron nugh tooni to pisooŋ vaen tau igheen nugh tiina ziige na. Pasaa, saawe to aatyavyav to Maaron izaa toozi, tauta ivot wa. Tauvene tivaghaaz vaen anooŋa tawe izi nugh to pisooŋ vaen le suuru tiina kat ivot. Ve ipot izaa le raraate pa hos aaze. Ve ireer ila nugh malau irau 300 kilomita ma vene. Vaen suuru tawe, ene siŋ to tamtamon tau imaliŋ. Syg 19:15

Saveeŋ Yoŋgaaŋ 16:1

Ra nalooŋ saveeŋ luutu tiina ivot ila rumei loolo ta sambam we, ve ilam pa aŋela liim ve ru tana ighe: “Aatyavyav to Maaron tau igheen ila oon tsiam lolozi na, ala aliŋi izila pa taan.”

Saveeŋ Yoŋgaaŋ 17:1

Ra yes aŋela liim ve ru tau tikis oon liim ve ru na, toozi ee ilam ve isaav payau ighe: “Ulam ve natotoi ghom pa atuya tau pale iŋarui livaa to eez tau mboole izala yaa tintiina naol pavozi na. Livaa tawe, i eeza tiina kat. Yer 51:12+; Syg 18:1+

Saveeŋ Yoŋgaaŋ 19:15

Ŋeer tau imuuŋ pazi na, mbuzaagh ee tau maata kat igheen ila aavo. Leso irav tamtamon to nugh nugh pani. Ve i aat iŋgin zi ve igham pooz pazi. Ve pooz tooni, ene ariaaŋa kat. Tauvene i aat ivaghaaz zi ila aaghe saamba, ve siŋ toozi ireer imin vaen tau tivaghaaza gha suuru izi. Leso itotoi aatyavyav to Maaron saksaki tau ighamgham pooz pa gabua naol isov na. Syg 1:16, 12:5, 14:19+

Saveeŋ Yoŋgaaŋ 21:9

Ra naghita aŋela ee ilam, ve isaav payau ighe: “Ulam ve ughita livaa tane. I ta pale ivai Sipsip to Maaron gha imin azaawa.” Muuŋ, naghita aŋela liim ve ru tikis oon eŋaeŋa le irau zi. Oon toozi tawe, tivon pa pataŋani liim ve ru to ipasov Maaron aatyavyav tooni. Aŋela tau isavsaav payau ne, i toozi ee. Ep 5:25+; 2Kor 11:2; Syg 19:7+

Saveeŋ Yoŋgaaŋ 8:13

Mako matag ila le naghita manbog ee iroov ila sambam saamba, ve iboob toman aliiŋa tiina ighe: “Oyai, oyai, oyai. Aa, tamtamon tau tileep izi taan na, tikaria tauzi wa! Pasaa, paita aŋela tol paam anazi tiviv tavuur toozi.”

Saveeŋ Yoŋgaaŋ 8:2

Ra matag ila le naghita aŋela liim ve ru tau monmon tiyozyooz ila Maaron naagho. Tigham lezi tavuur liim ve ru, ve tirei eŋaeŋa irau zi.

Saveeŋ Yoŋgaaŋ 8:6

Ra aŋela liim ve ru tau tikis tavuur irau zi na, tigharaat zi leso tiviv zi.

Saveeŋ Yoŋgaaŋ 9:20

Eval tiina tau timaat ila pataŋani tawe mako na, tighita pataŋani tawe ivotvot, eemon ipaburigin ŋgar toozi mako. Yes titoor ŋgar toozi, ve tipul ŋgar sasaghati naol tau tighamgham zi ne mako. Yes tibesbees pa avuvu sasaghati. Ve maaron karomŋa tau tigharaat zi pa ai, gol, silva, mbaras, ve maet siriv paam, lolozi pa tipul zi mako. Tauvene gabua tau irau tighita nugh mako, tilooŋ saveeŋ mako, ve tilaagh mako, tauta tamtamon tawe tibesbees pazi, ve tipapait zi timin maaron toozi. Mbo 115:4+; 1Kor 10:19+