Saveeŋ Yoŋgaaŋ 12:4 - Maaron Saveeŋ Tooni Patabuyaaŋ Tuam

⁴ Pitum tau tigheen sambam we, moot tawe iighu izuur ŋgun ee, ve isik zi tizila taan. Ve ŋgun ru tigheen poi. Ra moot tawe ila iyooz izi livaa tana naagho ve isasaŋani. Ighe ipoop, mako rekia mon ve itoon naatu. Dan 8:10

Mutu (Oov)

⁴ Pitum to tineep sambam we, moot tonowen uvu induur ndouŋ eez, ve ipiyaav di tizila taan. Ve ndouŋ ru tineep pooi. Ghoro moot ila iyoon izi liva tonenen nagho ve isasaŋani. Ighaze ipoop, ghoro rikia moghon ve itoon natu. Dan 8:10

Saveeŋ Yoŋgaaŋ 12:4 Iomraidhean Croise

Yoan 8:44

Alooŋ wa! Yam tamamim ta Sadan! Tauta aghe le ataghon katin ŋgar tau i loolo pani. Saawe imin maata ve ilam, i ŋeer to ravuuŋ tamtamon timatmaat. Ve i itaghon saveeŋ onoon mako. Pasaa, saveeŋ onoon eta igheen tooni mako. I karom tamazi. Saawe isov, i isasavia saveeŋ karom tau ighengheen ila loolo na. Ve i ta imin puughu pa saveeŋ karom ta naol ne. Gnp 3:1+; 1Yo 3:8

1 Petrus 5:8

Agham ŋgar poi, ve matamim izaa. Pa koiamim Ŋeer Saghati, i ilaghlaagh imin laion tau iyuryuur ve iliil tamtamon pa ghaniiŋ.

Saveeŋ Yoŋgaaŋ 12:7

Malau mako ve naghita malmal tiina ivot izi nugh sambam. Mikael tomania aŋela tooni tipaburigin malmal pa moot tiina tawe ve aŋela tooni. Mako moot tomania aŋela tooni anazi tipamuul malmal pazi. Dan 10:13,21

Saveeŋ Yoŋgaaŋ 13:2

Gabua saghati tau yau naghita na, naagho imin lepad, aaghe imin bea, ve aavo imin laion. Ra moot ighur tapiri ve eeza ila tooni, ve ighuru ileep ila tauu niia to ghamuuŋ pooz, ve ighur gabua naol to taan ila i saamba leso iŋgin zi. Dan 7:4+; Syg 12:3

Saveeŋ Yoŋgaaŋ 13:4

Ve tiput aghezi pa moot ve tipakuru. Pasaa, i ta ighur tapiri ve eeza ila to gabua tawe. Ve gabua saghati tawe paam, tiput aghezi pani ve tipakuru tighe: “Aighat, sei irau gabua tane? Ve sei irau iparav tomania ve iliivo? Mako.”

Saveeŋ Yoŋgaaŋ 16:13

Ve naghita avuvu sasaghati tol. Ghitoŋazi imin gob. Ee ivot ila moot aavo, ite ivot ila gabua saghati aavo, ve ite imin tol pani, ene ivot ila propet karom tau igham gabua saghati naagho na aavo. 1Yo 4:1+; Syg 12:3+, 13:1,11

Saveeŋ Yoŋgaaŋ 17:18

“Livaa tau yo ughita na, ene izaa to nugh tiina tau ighamgham pooz pa kinik tisov to taan.”

Saveeŋ Yoŋgaaŋ 20:2

I izila ve ikis moot tau ileep muuŋ geeg ve ilam. Moot tawe, tiwaat eeza tighe: ‘Ŋeer Saghati’ ve ‘Sadan.’ Aŋela tawe ikauu pa sen le tuŋia, ve isiki izila puura tau le puughu mako na, ve ipoon puura tawe aavo le tuŋia kat. I pale ileep ta sewe irau ndaman ndiŋndiŋ ndiŋndiŋ ee (1000). Leso itombaan tamtamon to nughmariŋ muul sov le ndaman ndiŋndiŋ ndiŋndiŋ ee (1000) tana isov. Mako tipool sen pani, ve tipuli ivot ilaagh rig. Lu 10:18+; Yo 12:31; Syg 12:9

Saveeŋ Yoŋgaaŋ 8:10

Mako tivalagh yaa tisov timin ŋgun tol, ve aŋela ite imin tol, aana iviv tavuur tooni, ve pitum tiina ee itap sambam izilam. Pitum tawe iyaryaar imin sul. Ve tiwaat eeza ‘Papaii.’ Itap izala yaa ŋgun ee pavozi le ivaghamun zi. Yaa tau tirereer, ve yaa tau tivotvot ila taan loolo na paam. Tauta eval tiina tau tighunghun yaa papaii tawe na timatmaat. Ve yaa ŋgun ru, tisaghat mako. Tigheen poi. Igham 7:20; Yer 9:15; Syg 16:4

Saveeŋ Yoŋgaaŋ 8:12

Mako aŋela ite imin paaŋ, aana iviv tavuur tooni, ve ivaghamunia aaz ziige ee ve kaiyo ziige ee. Ve aaz ziige ru, ve kaiyo ziige ru, tisaghat mako. Tigheen poi. Pitum tauvene paam. Tivalagh zi timin ŋgun tol, ve tivaghamunia ŋgun ee. Ve ŋgun ru tisaghat mako. Tigheen poi. Tauvene aaz ziige ve kaiyo ziige tawe tighaaz kat mako. Ve pitum ŋgun ee tawe paam, tiraŋ mako. Tauta mataaz sirivu, nugh imin ndoroom. Ve mboŋ sirivu paam, ndoroom tiina ikau nugh. Igham 10:21+; Mt 24:29+; Syg 16:10

Saveeŋ Yoŋgaaŋ 8:7

Yes tivalagh taan tomania ai tisov tau tiyozaar ila na timin ŋgun tol, ra aŋela tau imuuŋ pazi na, iviv tavuur tooni, ve tisik ais ve yav tomania siŋ izilam pa taan. Yav tawe ighan suvinia ŋgun ee. Ve ŋgun ru tisaghat mako. Tigheen poi. Eemon kikiliiŋ, o yav ighani le isov. Igham 9:23+

Saveeŋ Yoŋgaaŋ 8:8

Mako tivalagh te imin ziige tol. Ve aŋela ite imin ru iviv tavuur tooni, ve tisik gabua imin loloz tiina kat izila te loolo. Loloz tawe, yav ighanghan ila. Tauvene te ziige ee itoora imin siŋ. Ve ziige ru tisaghat mako. Tigheen poi. Syg 16:3

Saveeŋ Yoŋgaaŋ 8:9

Gabua tau tileep ila te ziige tau isaghat na, tisov timataar. Ve waaŋ tau tipot ila te ziige tawe paam, tisov tisaghat ve timbiriis.

Saveeŋ Yoŋgaaŋ 9:10

Yes lezi ighuzi paam. Ighuzi maata, ene imin mboolmamalau tooni, leso tiŋgal tamtamon pani. Ve Maaron igham lezi tapirizi to tivaghamunia tamtamon pa ighuzi maata irau kaiyo liim.

Saveeŋ Yoŋgaaŋ 9:19

Hos tawe, tapirizi igheen ila avozi ve ighuzi. Ighuzi maata, ene imin moot saghati daaba. Tauta tivaghamunia tamtamon pani.