Saveeŋ Yoŋgaaŋ 11:8 - Maaron Saveeŋ Tooni Patabuyaaŋ Tuam

⁸ Ve tamtamon pale tipul yesuru patazi tigheen sorok izi eez ziige tau igheen nugh tiina loolo. Nugh tawe, tauta tirav Tiina toozi izala ai pambarooŋ gha imaat. Ve tipaleel pa nugh tawe eeza tighe Sodom ve Isip. Is 1:10+; Mk 10:33+; Lu 13:34

Mutu (Oov)

⁸ Ve tamtoghon pale tipul yesuru patudi tigheen sorok izi ataam dige to ineep ila ndug tiina lolo. Ndug tonowen to tirab Tiina todi izala ai pambarooŋ ve imaat. Ve tipaleel pa ndug tonowen iza tighaze Sodom ve Isip. Is 1:10+; Mk 10:33+; Lu 13:34

Saveeŋ Yoŋgaaŋ 11:8 Iomraidhean Croise

Matayu 10:15

Onoon kat, yau nasaav payam: Saawe to Mboŋ Murei, ve Maaron ighe igabiiz tamtamon ve ighur atuya pazi, pataŋani tiina kat pale iŋarui nugh tawe tamtamona le iliiv pataŋani tau muuŋ ivot pa nugh Sodom ve Gomora.

Hibru 13:12

Puughu tane ta Yesu paam, tighamu tivot tila soghan pa nugh tiina Yerusalem, ra tiravu imaat toman yavyavuuŋ tiina. Ene eez tau Maaron itaghoni, leso siŋ to Yesu ireu sosor to tamtamon, ve igham zi timin tamtamon tooni patabuyaaŋa. Mt 21:39; Yo 19:17+

Hibru 6:6

Tamtamon tauvene, ighe tighur murizi pa Krisi, ene lezi eez to titoor ŋgar toozi ve timuul tila tooni ne mako. Pasaa, ŋgar tau tighamu na, ene imin tirav Maaron Naatu izala ai pambarooŋ muul, ve tipamayaŋini ila eval tiina matazi. Hib 10:26+; 2Pe 2:20+; 1Yo 5:16

2 Petrus 2:6

Ve nugh Sodom ve Gomora paam. Maaron ighur atuya pazi, ve igham yav ighaniir zi le timin avav mon. I igham tauvene, leso itotoi ghiit pa ŋgar tau pale ivot pa yes tau matazi iŋgali mako na. Gnp 19:24+; Jud 7

Rau Tau Jud Iboode Jut--Jude 1:7

Ve Sodom ve Gomora tomania nugh siriv tau tigharau zi na paam. Yes tipul tauzi kat pa ŋgar sasaghati to ulizi, ve matazi saghati imin ŋgavuun. Ŋgar tau tighamu na, ene irao ŋgar mako. Pasaa, zitamoot toozi timomogheer pa zetazŋa zitamoot mbolezi. Pataŋani tau Maaron ighuru pazi na, ene itotoi ghiit pa saa atuya tau pale Maaron igham pa zeran sasaghati. Yav pale ighan zi taghon taghon gha ila. Irau isov mako. Gnp 19:1+; 2Pe 2:6+

Saveeŋ Yoŋgaaŋ 11:13

Saawe duduuŋ tana, yogyoog tiina kat itok nugh tiina tawe, le ruum katini tipolpol ve timbiriis. Nugh eŋaeŋa eŋaeŋa tau ruum saŋavul tigheen ila na, toozi ee ipol, ve liim ve paaŋ popoiazi. Yogyoog tawe irav tamtamon ndiŋndiŋ ndiŋndiŋ liim ve ru (7000) timatmaat. Ve yes tau popoiazi na, roiŋ tiina kat igham zi ve tipait Maaron to sambam eeza.

Saveeŋ Yoŋgaaŋ 11:9

Eval tiina pale tila timarar yesuru patazi irau mboŋ tol ve sirivu. Yes to nughmariŋ. Ve tinizi tomania aliŋazi ve gabuazi, ene ite ite. Ve yes irau tiyok pa tamtamon eta to itavia patazi mako.

Saveeŋ Yoŋgaaŋ 14:8

Malau mako ve aŋela ite, aana itaghoni ilam, ve isaav ighe: “Nugh tiina Babilon itap gha isaghat wa! Onoon kat, itap le isaghat kat! Nugh tau ighegherev tamtamon pa ŋgar tooni sasaghati, ve ikaukau ŋgar toozi imin ipaghun zi pa yaa ariaaŋa, tauta aazne izi imin kaut sorok.” Is 21:9; Yer 51:8; Syg 17:1+

Saveeŋ Yoŋgaaŋ 16:19

Yogyoog tawe igham taan to nugh tiina Babilon ivavaal le imin sirivu tol. Ve nugh tintiina to taan tisov tauvene paam, tisaghat ve timbiriis. Tauvene Maaron loolo iveegh pa nugh tiina Babilon sosor tooni mako. Maata iŋgalŋgali, tauta ipaghunu pa vaen ariaaŋa kat. Vaen tawe, ene aatyavyav tooni tau tiina le tiina kat. Syg 11:13, 14:8+, 18:2+

Saveeŋ Yoŋgaaŋ 17:1

Ra yes aŋela liim ve ru tau tikis oon liim ve ru na, toozi ee ilam ve isaav payau ighe: “Ulam ve natotoi ghom pa atuya tau pale iŋarui livaa to eez tau mboole izala yaa tintiina naol pavozi na. Livaa tawe, i eeza tiina kat. Yer 51:12+; Syg 18:1+

Saveeŋ Yoŋgaaŋ 17:18

“Livaa tau yo ughita na, ene izaa to nugh tiina tau ighamgham pooz pa kinik tisov to taan.”

Saveeŋ Yoŋgaaŋ 17:5

Ve tibood livaa tana eeza ila ndaamo. Eeza tawe, saveeŋ palelaaŋ. Isaav tauvene: “Ene nugh tiina Babilon. Zilivaa to eez, tomania tamtamon tisov tau tighamgham ŋgar sasaghati kat izi taan, i ta imin tinazi. Pasaa, i ta ipapazaagh zi pa ghamuuŋ ŋgar tauvene.” Syg 14:8

Saveeŋ Yoŋgaaŋ 18:10

Tighita yavyavuuŋ tiina ighamu le roiŋ tiina igham zi. Tauta tileep soghan ve tiŋuzuuva tighe: “Oyai, ukaria taum wa! Aa nugh tiina, ukaria taum wa! Babilon, yo ezam ve tapirim tiina. Eemon aazne, ugham atuya tsio, ve rekia mon saghatiiŋ tiina igham ghom gha umbiriis.” Is 21:9

Saveeŋ Yoŋgaaŋ 18:18

Ve matazi ila pa mbuas tau izazaa pa nugh tiina Babilon na, ve tipasawal pani tighe: “Oyai, saa nugh tiina ite paam ta irau Babilon?”

Saveeŋ Yoŋgaaŋ 18:2

I iboob aliiŋa tiina kat ighe: “Nugh tiina Babilon isaghat wa! Itap le isaghat kat! Aazne, nugh balim kat. Tamtamon eta ileep muul mako. Gabua naol tau tiŋgalaaŋ ila Maaron maata mako na, tighamu imin lezi niazi to lepoogh. Avuvu sasaghati, man sasaghati, ve gabua sasaghati naol tau loloon pa ghitooŋ zi mako na, tilup zi ta sewe. Is 13:19+, 21:9; Yer 50:39+

Saveeŋ Yoŋgaaŋ 18:21

Ra naghita aŋela ee tau tapiri tiina, igham maet tiina ee, ve isiki izila pa te, ve isaav ighe: “Ŋgar raraate tauvene pale ivot pa nugh tiina Babilon. Pale tireua ilale. Irau tighita muul mako.

Saveeŋ Yoŋgaaŋ 18:24

Yo uliŋliŋ siŋ pa tamtamon patabuyaaŋa to Maaron ve yes propet tooni tomania eval tiina to taan. Tauta lem sosor tiina kat ila Maaron maata.” Mt 23:35+; Syg 17:6+