Saveeŋ Yoŋgaaŋ 1:11 - Maaron Saveeŋ Tooni Patabuyaaŋ Tuam

¹¹ Isaav ighe: “Gabua tau yo ughit zi ne, ubood zi ila rau, ve uyambaara ila pa lupuuŋ liim ve ru to Krisi tau tileep izi nugh tane: Epesus, Smerna, Pergamum, Tiatira, Sardis, Piladelpia, ve Laodisia.”

Mutu (Oov)

¹¹ Isaav ighaze: “Mbeb to yom ughita di ne, umbood di ila rau, ve usaŋgoora ila to lupuuŋ liim ve ru to Krisi to tineep izi ndug tonene: Epesus, Smerna, Pergamum, Tiatira, Sardis, Piladelpia, ve Laodisia.”

Saveeŋ Yoŋgaaŋ 1:11 Iomraidhean Croise

Uraat To Yes Mbaŋooŋa 16:14

Yes zilivaa tawe, toozi ee, eeza Lidia. I to nugh Tiatira. Ve irauraukol pa uuli popoiazi tau ŋgeretazi imin dagilgil. I Yuda tinazi mako. Eemon ighur ila to Maaron ve itaghon eez tooni, ve tomania yes Yuda tiluplup zi pa suŋuuŋ. Saawe tau i ilooŋ Paulus saveeŋ tooni, Maaron igham uraat ila loolo le ighur ila Paulus aliiŋa. Lu 24:45; Yo 6:44; Mbaŋ 13:48

Uraat To Yes Mbaŋooŋa 18:24

Saawe tana, Yuda ee ila ivot nugh Epesus, eeza Apolos. I to nugh tiina Aleksandria. I le ŋgar tiina, ve i ŋeer to savsaveeŋ. Ve iwatagh katin Maaron aliiŋa tau tiboode na.

Uraat To Yes Mbaŋooŋa 20:17

Tauvene Paulus ileep izi nugh Miletus, ve imbaaŋ ila pa lupuuŋ to Krisi tau tileep izi Epesus na ighe ŋginiiŋa toozi tilam pani.

1 Korin 15:32

Isaav ighe yau nataghon ŋgar to tamtamon mon pa uraat tau naghamghamu ne, puughu mindai ta narei taug gha yeŋa gabua sagsagŋa niparav izi nugh Epesus? Yau naghe nagham saa kat, ta nabaad pataŋani tawe? Isaav ighe mateegha irau tiburig mako, o tambaaŋo. “Taghanghan, taghunghun, ve tail leen lepoogh poia izi taan. Pa bogzo ma ezau gha tamatmaat.” Mbaŋ 19:23+; 2Kor 1:8

1 Korin 16:8

Eemon irau nala Masedonia rekia mako. Pale naleep izi nugh Epesus le irau lupuuŋ tiina to Pentekos ivot, o nala.

Epesus 1:1

Yau Paulus. Maaron ighur ghau namin mbaŋooŋa to Yesu Krisi itaghon tauu loolo. Nabood rau tane ilat pa yam tamtamon patabuyaaŋa to Maaron tau aleep izi nugh Epesus, ve aghur ila to Yesu Krisi, ve apaak ila tooni. Mbaŋ 18:19+, Mbaŋ 19:1+, 20:17+

Kolosi 2:1

Yau naghe yam awatagh tauvene: Yau narav taug pa uraat ve naparav ariaaŋ, leso nauul gham, tomania zetaanŋa siriv tau tileep izi nugh Laodisia na. Ve yam mon mako. Tamtamon tisov tau tighita naghog soone na paam, yau naghe nauul zi. Kol 4:13,16; Syg 3:11+

1 Timoti 1:3

Saawe tau naghe napul ghom ve nala pa taan sirivu to Masedonia, avog iyaryaaŋ payo naghe uleep izi nugh Epesus, ve usaav ariaaŋ pa yes zeran karomŋa siriv, leso tikau ŋgar to tamtamon muul sov. Saveeŋ to zeran tana, ene raraate pa saveeŋ to Krisi tau iit tapaduduuŋ tamtamon pani ne mako. Ve aazne, nayol mulin aliŋag, leso matam iŋgal uraat tsio tana, ve ugham uratoini. 1Tim 6:3+

Saveeŋ Yoŋgaaŋ 1:17

Yau naghita ŋeer tawe le tapirig isov, ve natap izi aaghe puughu imin tamtamon tau imaat. Eemon i ikis ghau pa niima tapir, ve isaav payau ighe: “Uroi sov. Yau ta naleep muŋgaaŋ ve naleep murei geeg. Yau namin puughu pa gabua naol isov. Ve yau aat naŋgin zi tauvene le taan saawe.

Saveeŋ Yoŋgaaŋ 1:19

Tauvene ubood gabua tau ughit zi ne. Gabua tane, aazne siriv tivotvot. Ve siriv pale tivot murei.

Saveeŋ Yoŋgaaŋ 1:2

Gabua naol tau rau tane isavi zi ne, taug naghit zi pa matag. Tauta napariaaŋ saveeŋa naghe ene saveeŋ onoon to Maaron tau ipariaaŋ tamtamon to tighur ila to Yesu Krisi. Dan 2:28+; Syg 22:16

Saveeŋ Yoŋgaaŋ 1:20

Pitum liim ve ru tau yo ughit zi tigheen ila nimag tapir ne, tomania lam aiazi liim ve ru, ene puughu yoŋgaaŋa. Puughu tauvene: Lam aia liim ve ru, ene izaa to lupuuŋ liim ve ru to Asia tau nawaat ezazi na. Ve pitum liim ve ru izaa to aŋela liim ve ru tau tiŋginŋgin lupuuŋ tawe.”

Saveeŋ Yoŋgaaŋ 1:4

Yau Yoan. Nabood rau tane ilat pa yam lupuuŋ liim ve ru to Krisi tau aleep izi taan sirivu to Asia na. Maaron toit, i ileep irau saawe. Ileep muuŋ geeg, ileep aazne, ve murei, i pale ilam. I tauu, tomania Yesu Krisi, ve Avuvu liim ve ru tau tileep ila Maaron naagho igharau niia to ghamuuŋ pooz na, poia toozi pale izaa tsiam, ve tiŋgin gham aleep poia toman lolomim luuma. Onoon.

Saveeŋ Yoŋgaaŋ 1:8

Tiina toit Maaron ileep irau saawe. Ileep muuŋ geeg, ileep aazne, ve murei, i pale ilam. I saksaki ve iŋgin gabua naol isov. I isaav ighe: “Yau naleep muŋgaaŋ, ve naleep murei geeg. Namin gabua naol isov puughu, ve yau ta napasov zi.” Mbo 90:2; Is 41:4; Syg 22:13

Saveeŋ Yoŋgaaŋ 10:4

Gabua tana isov, ra naghe nabood saveeŋ tawe ila rau. Eemon nalooŋ saveeŋ sambam ve izilam ighe: “Saveeŋ tau ivot toman lalaav luutu gha ulooŋa na, uboode sov. Igheen imin ŋgozaaŋ.” Dan 8:26, 12:4,9

Saveeŋ Yoŋgaaŋ 14:13

Aŋela tawe isavsaav le isov, ra nalooŋ saveeŋ sambam ve izilam ighe: “Ubood saveeŋ tauvene: Aazne ve ila, yes tau tileep tuŋia ila to Tiina toit Yesu le irau mateegh toozi, ene pale poia to Maaron izaa toozi, ve tintinizi.” Maaron Avuvu paam isavia saveeŋ eemon ighe: “Onoon kat, yes pale timariau pa uraat ve pataŋani toozi. Ve ŋgar popoia tau tighamgham zi na, pale igheen tomani zi ve tila.” 2Tes 1:7; Hib 4:10

Saveeŋ Yoŋgaaŋ 19:9

Ra aŋela isaav payau muul ighe: “Ubood saveeŋ tauvene: ‘Yes tau tisain zi tilam pa Sipsip to Maaron vaiŋ tooni ve yesŋa tilup zi pa ghanghaniiŋ na, ene pale tintinizi pa poia to Maaron tau izaa toozi.’ ” Ve ipariaaŋ saveeŋ tooni ighe: “Saveeŋ tane, ene saveeŋ onoon to Maaron.” Lu 14:15+

Saveeŋ Yoŋgaaŋ 2:1

Ŋeer tawe isaav payau muul ighe: “Aŋela tau iŋgin lupuuŋ tsiau tau tileep izi nugh Epesus na, ubood saveeŋ ila pani tauvene: ‘Ŋeer tau ikis pitum liim ve ru ila niima tapir, ve ilaghlaagh ila lam aia milmilia liim ve ru sosozi na, aliiŋa ilat payo ighe:

Saveeŋ Yoŋgaaŋ 2:12

“Aŋela tau iŋgin lupuuŋ tsiau tau tileep izi nugh Pergamum na, ubood saveeŋ ila pani tauvene: ‘Ŋeer tau aliiŋa ilat payo na, mbuzaagh tooni maata kat. Ve mbuzaagh tawe, maata ru. I isaav payo ighe: Syg 1:16

Saveeŋ Yoŋgaaŋ 2:18

“Aŋela tau iŋgin lupuuŋ tsiau tau tileep izi nugh Tiatira na, ubood saveeŋ ila pani tauvene: ‘Maaron Naatu, maata imin yav yaama, ve aaghe milmilia imin mbaras tau yav ighani le muun ighau ve iŋgalaaŋ kat. Aliiŋa ilat payo ighe: Syg 1:14+

Saveeŋ Yoŋgaaŋ 2:24

‘Eemon yam siriv to nugh Tiatira ataghon Yezebel ŋgar tooni mako. Ve saveeŋ tooni tau tiwaato tighe “Sadan ŋgar tooni yoŋgaaŋa” na, yam awataghi mako. Tauvene yau nasaav payam naghe: Irau naghur pataŋani ite paam izaa tsiam mako.

Saveeŋ Yoŋgaaŋ 2:8

“Aŋela tau iŋgin lupuuŋ tsiau tau tileep izi nugh Smerna na, ubood saveeŋ ila pani tauvene: ‘Ŋeer tau ileep muŋgaaŋ ve ileep murei geeg, aliiŋa ilat payo. I tau imaat ve iburig maata iyaryaar na, isaav payo ighe: Syg 1:18

Saveeŋ Yoŋgaaŋ 21:5

Ve ŋeer tau ilepleep ila niia to ghamuuŋ pooz na isaav ighe: “Ulooŋ. Yau nagham gabua tisov timin paaghu.” Ve isaav payau muul ighe: “Saveeŋ tsiau tane, ene onoon. Tamtamon irau tighur ila kat. Tauvene uboode.” Is 43:19; 2Kor 5:17

Saveeŋ Yoŋgaaŋ 22:10

Ra isaav payau muul ighe: “Maaron aliiŋa tau igheen ila rau tana, uŋgooza sov. Pa saawe to saveeŋ tana anooŋa ivot, ene ilam igharau wa. Syg 1:3

Saveeŋ Yoŋgaaŋ 22:16

“Yau Yesu ta nambaaŋ aŋela tsiau ilat gha isavia saveeŋ tane pa yam tau aleep ila lupuuŋ tsiau irau nugh nugh. Leso napariaaŋ gham to aghur ilam tsiau. Yau paaghu to David. Yau salunu tau navot ila tooni. Ve yau pitum zauŋa to mboŋoozo tau isul kat.” Nam 24:17; Is 11:1+; Syg 2:28, 5:5

Saveeŋ Yoŋgaaŋ 3:1

“Aŋela tau iŋgin lupuuŋ tsiau tau tileep izi nugh Sardis na, ubood saveeŋ ila pani tauvene: ‘Ŋeer tau Maaron Avuvu liim ve ru tileep tomania, ve ikis pitum liim ve ru na, aliiŋa ilat payo ighe: Syg 1:4,16 ‘Ŋgar ve uraat tau yo ughamgham zi na, yau nawatagh zi tisov. Tamtamon tipapait ghom tighe lepoogh tsiam to anunuun, ene iyaryaaŋ kat. Eemon yau naghita ghuruuŋ ila tsio, ene imaat wa.

Saveeŋ Yoŋgaaŋ 3:14

“Aŋela tau iŋgin lupuuŋ tsiau tau tileep izi nugh Laodisia na, ubood saveeŋ ila pani tauvene: ‘Ene saveeŋ to ŋeer tau ighe: “Onoon” pa saveeŋ mbuaaŋ naol isov to Maaron, ve igham anoŋazi ivot ila uraat tooni. I iyooz ariaaŋ ve ipariaaŋ saveeŋ onoon toman loolo eemon. Ve i imin puughu pa gabua naol isov tau Maaron ighur zi na. Aliiŋa ilat payo ighe: Yo 1:3+; 2Kor 1:20; Kol 1:15+

Saveeŋ Yoŋgaaŋ 3:4

‘Eemon yam to nugh Sardis, tamtamon tsiam siriv tiŋgin tauzi poi, ve tipatiŋtiŋai nonoghiiŋa toozi mako. Tauvene yes popoiazi irau to tinonogh zi pa nonoghiiŋa pisosooŋa, ve yeŋa nilup ghei pa laghooŋ. Syg 6:11, 7:9+

Saveeŋ Yoŋgaaŋ 3:7

“Aŋela tau iŋgin lupuuŋ tsiau tau tileep izi nugh Piladelpia na, ubood saveeŋ ila pani tauvene: ‘Ene saveeŋ to Ŋeer tau patabuyaaŋ kat ve ighamgham ŋgar onoon mon. I ta ikis ki to David. Tauvene isaav ighe i ikaak ataman, tamtamon eta irau ipoona muul mako. Ve isaav ighe ipoon ataman, eta irau ikaako muul mako. I aliiŋa ilat payo ighe: Syg 1:18, 19:11