Rau Tau Paulus Iboode Pa Yes Roma Rom--Romans 13:8 - Maaron Saveeŋ Tooni Patabuyaaŋ Tuam

⁸ Isaav ighe agham bun, na apuli igheen malau sov. Rekia ve ayatu. Eemon iit tasov leen bun tiina ee ighengheen. Tayatu, aat tarao mako. Bun toit, ene vene: Iit aat loloon pa tamtamon tisov ve tagham poghani zi. Pa ŋeer tau ighe loolo pa tamtamon ve igham poghani zi, ene i itotoi tutuuŋ anooŋa ivot. Mt 22:37-40; Ga 5:14

Mutu (Oov)

⁸ Ighaze agham bun, apuli ineep mala sob. Rikia ve ayati. Eemoghon iit tasob leed bun tiina eez inepneep. Tayati, pale taraua maau. Bun toit, nene vene: Iit irau lolood pa tamtoghon tisob ve tagham poian di. Pasa, ŋgeu to ighaze lolo pa tamtoghon ve igham poian di, nene ye ipatooŋ tutuuŋ anoŋa ivot. Mt 22:37-40; Ga 5:14

Rau Tau Paulus Iboode Pa Yes Roma Rom--Romans 13:8 Iomraidhean Croise

Matayu 7:12

“Tauvene saa ŋgar tau aghe tamtamon tigham payam, na yam aat agham ŋgar raraate tauvene pazi paam. Pa tutuuŋ to Maaron, tomania saveeŋ isov to yes propet, ene ŋgara tauvene.” Mt 22:40; Lu 6:31+; Ro 13:8+

Yoan 13:34

Alooŋ. Aazne, yau nasavia tutuuŋ paaghu payam tauvene: Lolomim pa taumim ve avaghamu poghani gham. Lolomim pa taumim kat, imin yau lolog igheen tsiam. Mk 12:31; Yo 15:12+; 1Pe 1:22; 1Yo 3:11

Rau Tau Paulus Iboode Pa Yes Roma Rom--Romans 13:10

Ighe loloon pa tamtamon, ene iit irau tagham sosor eta pazi mako. Tauta isaav ighe iit loloon pa tamtamon ve tagham poghani zi, ene aat tagham ŋgar to tutuuŋ anooŋa ivot. 1Kor 13:4+; Ga 5:6; Yems 2:8

Rau Tau Paulus Iboode Pa Yes Roma Rom--Romans 13:7

Tauvene saa gabua tau yam aat agham pa yes pooza, na aghamu. Ighe tipoi gham pa takes ma saa gabua, na agham pazi. Ve yes tau lezi ezazi, na yam atandagh pazi ve apakur zi. Pa ighe agham pazi tauvene, ene iduduuŋ. Mt 22:21

Galesia 5:14

Pa tutuuŋ tisov tigheen ila tutuuŋ eemon loolo, ene vene: “Lolom pa tamtamon ve ugham poghani zi, imin yo lolom pa taum.” Mt 22:37+; Ro 13:8+; Yems 2:8

Kolosi 3:14

Ŋgar isov tane, aseeŋ zi pa ŋgar to loloon pa tauun. Pa ene ilup ŋgar popoia tisov timin eemon, ve igham zi tivot poia kat. Yo 15:12; Ro 13:8+; Ep 5:2; Kol 2:2

1 Timoti 1:5

Puughu tau naghe avom iyaryaaŋ pa zeran tana, ene vene: Yau naghe ŋgar ŋgalaaŋa mon igheen ila tamtamon to Krisi lolozi, ve tiyamaan ila lolozi tighe ŋgar toozi isov, ene poia mon ila Maaron maata, ve tighur ila to Krisi toman lolozi. Leso titaghon ŋgar to loloon pa tamtamon. Mk 12:30+; Ro 12:9; 2Tim 2:22

Yakobus 2:8

Kinik toit Maaron isavia tutuuŋ tooni tiina ee. Igheen ila saveeŋ tooni tau tiboode na. Isaav ighe: “Lolom pa tamtamon ve ugham poghani zi, imin lolom pa taum.” Wkp 19:18 Isaav ighe ataghon duduŋai tutuuŋ eemon tane, ene aat agham ŋgar poia. Mt 22:36+; Ro 13:8+; Ga 5:14

1 Yoan 3:10

Tauvene eez to taghilaal Maaron natŋa ve Sadan natŋa, ene vene: Isaav ighe tamtamon eta inoknok ghamuuŋ ŋgar tau iduduuŋ ila Maaron maata mako, ene i tamtamon to Maaron mako. Ve isaav ighe ŋeer eta loolo pa toŋvetaz to Krisi mako ve ighamgham poghani zi mako, ene i paam, tamtamon to Maaron mako. 1Yo 2:29, 4:8, 5:18