Rau Tau Paulus Iboode Pa Yes Roma Rom--Romans 13:12 - Maaron Saveeŋ Tooni Patabuyaaŋ Tuam

¹² Aghita. Mboŋ ighe isov, ve nughizau tane. Tauvene tapul ŋgar to ndoroom isov ileple, ve tanonogh ghiit pa ŋgar to ghazooŋa imin zaaba tigharaat zi pa yauyauŋ to malmal. Ep 5:11, 6:11+

Mutu (Oov)

¹² Aghita. Mboŋ ighaze isob, ve ndugizau tonene. Tovenen tapul ŋgar to ndoroom isob ineeple, ve tandud ghiit pa ŋgar to ghazooŋa inimale ndaaba tigharaat di pa mburuguuŋ to malmal. Ep 5:11, 6:11+

Rau Tau Paulus Iboode Pa Yes Roma Rom--Romans 13:12 Iomraidhean Croise

Rau Tau Paulus Iboode Pa Yes Roma Rom--Romans 13:14

Yam aat agham ŋgar to Tiina toit Yesu Krisi imin lemim nonoghiiŋa. Ve ŋgar sasaghati tau lolomim muŋgaana ipapazaagh gham pani na, ail eez pa taghoniiŋni sov. Ga 3:27; Ep 4:24; Kol 3:10; 1Pe 2:11

1 Korin 10:11

Gabua isov tau ivot pa yes Israela pa saawe tana, ene imin totoyaaŋ pait. Tibood sinaiŋ to gabua tawe to ipaduduuŋ iit tau aazne tazaa pa saawe to Maaron ighe ipasov gabua naol isov, leso tagharaat tauun. Mako pale pataŋani igham ghiit imin muuŋ igham yes Israela. Ro 13:11; 1Pe 4:7

1 Korin 7:29

Yam toŋvetaz, saveeŋ tsiau tane, puughu tauvene. Saawe ilam igharau wa. Tauvene aazne ve ila, tagham ŋgar tiina pa lepoogh toit to taan sov. Tauvene vaivaiŋa zitamoot, yes aat tileep imin yes tau lezi azuwazŋa mako. Ro 13:11+; 1Kor 10:11; 1Pe 4:7

2 Korin 10:4

Pasaa, zaab to malmal tau yei nipaparav pani, ene to taan mako. Ene zaab tau Maaron igham payei, ve i tauu tapiri igheen ila. Tauta ruum ariaŋazi tau koiamaiŋa tiyoŋyooŋ ila lolozi na, yei irau nireu mbirisai zi tizi. 2Kor 6:7; Ep 6:13+; 1Tim 1:18

2 Korin 6:7

Yei nisavsavia saveeŋ onoon mon, ve Maaron tapiri ipapalot ghei. Gabua tsiei to malmal, ene ŋgar tau iduduuŋ ila Maaron maata. Ŋgar tane imin iiz tau nipaparav pani, ve imin sigheu tau niponpoon taumai pani. 1Kor 2:4; 2Kor 10:4

Epesus 4:22

Yes tisaav payam tauvene: Muuŋ, lolomim ipapazaagh gham pa ŋgar sasaghati naol tau le anooŋa mako. Eemon aazne, yam aat apul murimim pa ŋgar muŋgaana tana imin nonoghiiŋa tau aghita isaghat ve asiki ilale. Ataghoni muul sov. Pa ŋgar tauvene, pale ivaghamun gham. Kol 3:7+; Hib 12:1; 1Pe 2:1

Epesus 5:11

Ŋgar to ndoroom, le anooŋa poia eta mako. Tauvene yam aleep soghan pani. Ve yes tau titaghon ŋgar tauvene na, avotia sosor toozi, leso tighilaalo, ve tipuli. Pa ŋgar tau tighamghamu imin ŋgozaaŋ na, ene saghati kat. Ighe tasavia, ene pale mayaan. Mt 18:15; 1Kor 5:9+; 2Kor 6:14

Epesus 5:8

Muuŋ, yam ataghon ŋgar to ndoroom. Eemon aazne, yam apaak Tiina toit Yesu, ve ghazooŋa tooni isul gham. Tauvene laghooŋ tsiam, yam aat ataghon ŋgar to ghazooŋa.

Hibru 10:25

Ve ŋgar to talup ghiit pa suŋuuŋ, ene tapuli sov. Yau nasavia saveeŋ tane pasaa, tamtamon tsiam siriv, naghozi perperia pa lupuuŋ tsiam mako. Tauvene matamim iŋgal ve aluplup gham ve avapaloti gham. Pa aghita. Saawe to Tiina toit, ene ilam igharau wa. Mbaŋ 2:42; Ro 13:11; Kol 3:16

Hibru 12:1

Eval tiina to muuŋ tau ŋgarig nasavi zi ne, ene imin tiyooz livutin ghiit ve tipariaaŋ ghiit to taghur ila. Ighe tauvene, ene pale tagham mindai? Lepoogh toit, ene imin taparloos pa landooŋ tiina, ve talaan sooso malau. Tauvene gabua naol tau tipataŋan ghiit pa landooŋ, tomania ŋgar sasaghati isov tau ikau ghiit ne, iit aat tapuliir zi tizi. Ve talaan toman tapiriin taghon eez tau Maaron ighuru pait na, ve takiskisi tauvene le tapasov landooŋ toit. 1Kor 9:24+; Pil 3:13+; Hib 10:36

Yakobus 1:21

Tauvene ŋgar saghati tau iŋgalaaŋ ila Maaron maata mako na, apuli isov ileple. Ve atatan taumim, ve agham saveeŋ tooni tau i ivazoghi ila lolomim na, ve akisi ariaaŋ. Pa saveeŋ tawe, le tapiri tiina, ve irau igham mulin gham, leso aleep poi. Lp 17:27; Lu 8:15; Kol 3:8

Yakobus 5:8

Yam tauvene paam. Atemim izi, ayooz ariaaŋ, ve asaŋan Tiina toit. Pa saawe to muleeŋ tooni, ene igharau wa. Ro 13:11+; 1Pe 4:7

1 Petrus 2:1

Tauvene ŋgar sasaghati naol, tomania ŋgar karom, yam apul zi tisov tileplez. Ve apamir taumim pa ghuruuŋ ila tsiam sov. Yam aat aghur ila kat, toman lolomim. Zeetmimŋa tau lezi gabua katini na, aghur koi pazi sov, ve asinai zeetmimŋa sov. Ep 4:25; Kol 3:8+; Hib 12:1

1 Petrus 4:7

Aazne, saawe to gabua naol tisov tilalez, ene ilam igharau wa. Tauvene agham ŋgar poi, ve aŋgin taumim poi. Leso iuul gham pa suŋuuŋ tsiam. Ro 13:12+

2 Petrus 3:11

Tauvene murei, Maaron pale ipasov gabua naol isov gha tilalez. Ighe tauvene, na saa ŋgar ta pale ataghoni? Yam aat agham ŋgar patabuyaaŋ mon, matamim iŋgal Maaron ve ataghon eez tooni, asaŋan saawe tana, ve tinimim ibees pa uraat to votiaaŋ vaaru poia. Leso apasulai saawe tana gha ivot rekia. Saawe tana ighe ivot, ene pale yav iyaryaar ve ighan sambam saamba, ve igham gabua naol isov tau tigheen ila sambam saamba na, tireer gha tilalez. Lu 12:36; Tit 2:13

2 Petrus 3:9

Onoon, tamtamon siriv tigham ŋgar tighe Tiina toit izuzuar pa taghoniiŋ saveeŋ mbuaaŋ tooni. Eemon mako. I ighurghur sooso payam. Pasaa, loolo pa tamtamon eta ilale sov. I ighe tamtamon tisov titoor ŋgar toozi ila pani. Tauta iyai ghi, ve ighur atuya pa tamtamon rekia mako. Ro 2:4; 1Tim 2:4

1 Yoan 2:18

Natugŋa, ayamaan gham! Pasaa, saawe to Maaron ipasov gabua naol isov, tauta aazne tazaa pani wa. Muuŋ, tisaav payam tighe: “Murei, Yesu koia ee pale ivot.” Ve aazne, katini tivot wa. Tauvene iit tawatagh: Saawe to Maaron ipasov gabua naol isov, tauta tazaa pani wa. Mk 13:6; 2Tes 2:3; 1Yo 4:3

Saveeŋ Yoŋgaaŋ 1:3

Saveeŋ tau naboode ila rau tane, ene Maaron tauu aliiŋa tau iŋarui ghiit. Sei tau ighe iwaato pa tamtamon, ene pale poia to Maaron izaa tooni. Ve yes tau tilooŋa ve titaghoni na paam, poia to Maaron pale izaa toozi. Pasaa, saawe to saveeŋ tane ighur anooŋa, ene ilam igharau wa. Lu 11:28; 1Pe 4:7; Syg 22:7,10

Saveeŋ Yoŋgaaŋ 22:10

Ra isaav payau muul ighe: “Maaron aliiŋa tau igheen ila rau tana, uŋgooza sov. Pa saawe to saveeŋ tana anooŋa ivot, ene ilam igharau wa. Syg 1:3