Rau Tau Paulus Iboode Pa Yes Roma Rom--Romans 1:11 - Maaron Saveeŋ Tooni Patabuyaaŋ Tuam

¹¹ Pasaa, yau naghe naghit gham, o poi. Leso napalot gham pa ŋgar ve tapiri tau Avuvu Patabuyaaŋ igham payau ne, ve ayooz ariaaŋ. Ro 12:6+; 1Kor 12:7+

Mutu (Oov)

¹¹ Pasa, you naghaze naghita gham, ghoro poia. Leso napalot gham pa ŋgar ve tapiri to Avuvu Patabuaŋ igham payou, ve ayoon ariaŋa.

Rau Tau Paulus Iboode Pa Yes Roma Rom--Romans 1:11 Iomraidhean Croise

Uraat To Yes Mbaŋooŋa 16:5

Saveeŋ toozi ipalot lupuuŋ to Krisi irau nugh nugh le ghuruuŋ ila toozi iyaryaaŋ le iyaryaaŋ kat. Ve saawe isov tamtamon paghpaaghu tiloŋloŋ tila tomani zi. Tauta lupuuŋ to Krisi tivot timin tintiina irau nugh nugh.

Uraat To Yes Mbaŋooŋa 19:21

Gabua naol tana tivot le isov, ra Avuvu Patabuyaaŋ ipaburigin Paulus gha loolo ighur ighe ilaagh irau taan sirivu to Masedonia ve Akaia. Le isov, o ila pa Yerusalem. Ve maata iŋgal paam ighe: “Yau nala Yerusalem, mako nala naghita Rom. [Leso navotia vaaru poia izi ta sewe.]” Ro 1:11+, 15:23

Uraat To Yes Mbaŋooŋa 19:6

Ra Paulus ighur niima izala pavozi, ve Avuvu Patabuyaaŋ izeev zi tisov. Tauvene tisaav ila nugh nugh aliŋazi, ve tivotia Maaron aliiŋa imin propet. Mbaŋ 2:4, 8:17, 10:44+

Rau Tau Paulus Iboode Pa Yes Roma Rom--Romans 1:12

Yau naghe napalot gham, ve yam paam apalot ghau. Leso itiŋa tavapaloti ghiit pa ghuruuŋ ila toit. Hib 10:24

Rau Tau Paulus Iboode Pa Yes Roma Rom--Romans 15:23

Eemon aazne, naghita naghe yes to taan sirivu tane, yau leg uraat eta pazi muul mako. Ve nagham ŋgar naghe nala pa taan sirivu to Spen ve navotia vaaru poia izi ta sewe. Tauvene yau aat nalat nagig gham, ve naleep tomani gham rig le isov, o auul ghau pa laghooŋ tsiau, ve naburig muul nala pa Spen. Pasaa, ndaman katini, matag iŋgalŋgal naghe nalat naghit gham, o poi. 1Kor 16:6

Rau Tau Paulus Iboode Pa Yes Roma Rom--Romans 15:29

Yau nawatagh: Saawe tau nalat peria tsiam, ene pale poia tiina kat to Krisi izaa tsiam. Ro 1:11

Rau Tau Paulus Iboode Pa Yes Roma Rom--Romans 15:32

Ve murei, isaav ighe Maaron loolo ighe nalat, ene pale nalat naghit gham toman lolog poia ve namariau. Pale naleep tomani gham rig, ve itiŋa tavapaloti ghiit, o nala.

Rau Tau Paulus Iboode Pa Yes Roma Rom--Romans 16:25

Vaaru poia to Yesu Krisi tau yau navovotia ne, Maaron pale ipalot gham pani, leso ayooz ariaaŋ. Onoon, muuŋ geeg ve ilam, vaaru poia tane ivot ighazooŋ mako. 1Kor 2:7; Ep 3:9; Kol 1:26+; 2Tim 1:9+

2 Korin 1:15

Muuŋ, yau naghe yam tintinmim payau ve uraat tsiau. Tauta saawe tana, matag iŋgal naghe nalat naghit gham imin maata. Le isov, o nala taan sirivu to Masedonia. Ve saawe tau napul Masedonia, mako namuul nalat naghit gham muul, ve yam aghur ghau gha malmalig nala pa Yudea. Leso Maaron ipalot gham pai ru itaghon laghooŋ ru tau naghamu na. Mbaŋ 19:21; 1Kor 16:5+

2 Korin 1:21

Maaron tauu ipapalot ghei tomani gham. Tauta iit tasov taleep tuŋia ila to Krisi. I isiigh ghiit tamin le, ve ighur Avuvu Patabuyaaŋ ila loloon wa. Avuvu tane imin ilaal pait ighe iit tamtamon to Maaron. Ve imin puughu pa gabua naol tau pale Maaron igham pait. Tauvene iit tawatagh: Saa gabua tau Maaron imbu saveeŋ pani na, i pale igham pait. Ro 8:16+; 2Kor 5:5; Ep 1:13+; Syg 7:3+

2 Korin 11:4

Pasaa, yau nawatagh: Tamtamon siriv tilat tileep tomani gham, ve saveeŋ tau tivovotia pa Yesu na, ene raraate imin saveeŋ tau muuŋ yei nisavia payam na mako. Ve avuvu tau yes tighe yam aghamu, ene raraate imin Maaron Avuvu tau muuŋ aghamu na mako. Ve vaaru poia tau tivovotia payam na paam, ene raraate imin vaaru poia tau yei nisavia payam ve aghur ila na mako. Eemon yam agham zi toman lolomim poia, ve apul zi gha tighamgham uraat toozi tawe, ve aghur ila saveeŋ toozi. Ga 1:6+

2 Korin 9:14

Ve lolozi igheen tsiam, ve matazi iŋgal gham ila suŋuuŋ toozi. Pasaa, tighita poia tiina to Maaron igheen tsiam.

Pilipai 1:8

Ila Maaron maata, yau nasaav payam tauvene: Yesu Krisi igham ghau lolog pa yam asov raraate imin i tauu loolo payam. Tauta napasawal naghe le naghit gham, o poi. Ro 1:10+

Pilipai 2:26

Pasaa, i ipasawal pa yam asov, ve ighe imuul ilat ighit gham. I igham ŋgar tiina payam pasaa, iwatagh ighe yam alooŋ vaaru pa moroghooŋ tooni wa.

Pilipai 4:1

Tauvene yam toŋvetaz tsiau, ataghon ŋgar tau nasavia ila rau tane. Leso ayooz ariaaŋ, ve aleep tuŋia ila to Tiina toit Krisi. Yau lolog igheen tsiam, ve yam agham lolog poia le poia kat. Tauta napasawal naghe le nalat naghit gham, o poi. Yau naghit gham naghe yam amin atuya poia ee tau Maaron igham payau. Pasaa, uraat tau muuŋ naghamu ila sosomim na, ene ighur anooŋa. 1Tes 2:19+

1 Tesalonika 3:13

Leso ŋgar patabuyaaŋ to Maaron igheen ariaaŋ ila lolomim. Ve saawe tau Tiina toit Yesu imuul ilam tomania tamtamon tooni patabuyaaŋa tisov, ve yam ayooz ila Tamaan Maaron naagho to igabiiz gham, i aat ighit gham ighe yam lemim sosor eta mako. 1Kor 1:8+; 1Tes 5:23

2 Tesalonika 3:3

Eemon Tiina toit itataghon saveeŋ tooni irau saawe. Tauvene iit irau tanumeera. I tauu aat ipalot gham, ve ipoon gham pa Ŋeer Saghati. Yo 17:15; 1Kor 10:13; 1Tes 5:24; 2Pe 2:9

Hibru 13:9

Tauvene saveeŋ soroksorok tau isapir pa saveeŋ to Maaron na, igherev gham gha apul eez tooni sov. Onoon, zeran siriv tizuari zi tighe le titaghon katin tutuuŋ maata maata tau iŋarui aniiŋ ma gabua siriv. Eemon ŋgar tau tighamghamu na, iuul zi mako. Tagham tapiriin ila poia to Maaron, o poia. Ro 14:17; Ep 4:14; Kol 2:4,16+

1 Petrus 5:10

Maaron toit tau poia puughu na, i ipoi gham amin Krisi le, leso igham gham ala aleep tomania ila mbonari loolo le alok. Pataŋani tau aazne abadbaado na, malau mako pale isov. Ve murei, Maaron tauu pale igham gham aleep poia muul, ve ipalot gham, leso ayooz tuŋia, ve ataghon suvinia ŋgar tooni. 2Kor 4:17; 1Pe 1:6

1 Petrus 5:12

Silas iuul ghau pa bodeeŋ rau tuuku tane. Yau naghita naghe i toŋvetaz toit ee tau loolo isaghav Krisi ariaaŋ ve tiini ibees kat pa uraat tooni. Nabood rau tane ilat payam to napariaaŋ gham. Leso aghur ila aghe poia to Maaron tau nasavia ila rau tane, ene gabua tauu. Tauvene akisi tuŋia.

2 Petrus 1:12

Onoon, saveeŋ tau aazne naboode payam, ene paaghu payam mako. Yam awataghi wa. Pasaa, yam agham saveeŋ onoon, ve akisi tuŋia wa. Eemon naghe napeipei ŋgar tsiam pani, leso matamim iŋgalŋgali.