Matayu 8:1 - Maaron Saveeŋ Tooni Patabuyaaŋ Tuam

¹ Yesu ipul loloz tawe, ve imuul izila. Ve eval tiina titaghoni gha yesŋa tila.

Mutu (Oov)

¹ Yesu ipul lolooz tonowen, ve imuul izila. Ve ival tiina titaghoni ve yesŋa tila.

Matayu 8:1 Iomraidhean Croise

Matayu 12:15

Yesu iwatagh zeran tutuuŋa tana ŋgar toozi wa. Tauvene ipul nugh tawe ve ila. Ve eval tiina titaghoni gha yesŋa tila. Yesu igharaat moroghooŋa toozi le tisov tinizi poia.

Matayu 15:30

Malau mako ve eval tiina kat tiyau moroghooŋa toozi katini gha tila tooni. Siriv narape, siriv matazi ikumkuum, siriv avozi ivool, ve moroghooŋa siriv paam. Zetazŋa tighur zi tizi Yesu aaghe puughu, ve i igharaat zi tisov tinizi poia. Is 35:5-6

Matayu 19:2

Ve eval tiina kat tikeet taghoni gha yesŋa tila. Tilepleep ta sewe, ve i igharaat moroghooŋa toozi le tinizi poia.

Matayu 20:29

Yesu tomania mbiwa tooni tipul nugh Yeriko, ve eval tiina kat titaghon zi gha yesŋa tila.

Matayu 4:25

Tauvene eval tiina to Galilaia, ve eval tiina to taan sirivu to Dekapolis, tomania yes Yerusalema, ve yes to Yudea, ve nugh siriv tau tigheen tigharau yaa Yordan ziige ila pa aaz puughu na paam, timeke tila tooni, ve titaghoni gha yesŋa tilaghlaagh.

Matayu 7:29

Pasaa, i ipaghazoŋai tamtamon pa Maaron aliiŋa imin zeran toozi tau lezi ŋgar tintiina pa tutuuŋ na mako. Saveeŋ tooni, toman tapiri. Ve isavsaav imin tamtamon tau i le eeza pa uraat tauvene. Mk 1:22; Lu 4:32; Yo 7:46

Matayu 8:18

Yesu ighita eval tiina tilam tilivutini, tauvene isaav pa mbiwa tooni ighe tigham waaŋ, ve tila tivool pa yaa naliu Galilaia ziige ite.

Matayu 8:2

Malau mako ve ŋeer ee tau kolekole ighamu na, iŋarui Yesu ila, iput aaghe izi naagho, ve isaav pani ighe: “Aa tiina tsiau, isaav ighe lolom pa uleeŋ ghau, yo irau ugharaat ghau tinig poia. Leso naŋgalaaŋ ila Maaron maata.”

Markus 3:7

Yesu tomania mbiwa tooni tipul nugh tawe, ve tizila muul pa yaa naliu Galilaia. Ve eval tiina kat to Galilaia titaghon zi gha yesŋa tila. Ve yes mon mako. Tamtamon katini to Yudea, Yerusalem, ve Idumea, tomania tamtamon naol to nugh siriv tau tigheen ila pa yaa Yordan ziige ite na tila tomani zi. Ve taan sirivu to nugh Tiro ve Sidon tamtamona paam, tilooŋ Yesu vaaru pa gabua naol tau i ighamgham zi na, tauvene tisov tila tighe tighita.

Lukas 5:15

Eemon mako. Yesu vaaru ilanlaan ila le irau nugh. Tauvene eval tiina kat tilala tighe tilooŋ saveeŋ tooni, ve i igharaat moroghooŋ toozi.