Matayu 7:24 - Maaron Saveeŋ Tooni Patabuyaaŋ Tuam

²⁴ Ra Yesu iparwai saveeŋ tooni ighe: “Tauvene tamtamon tisov tau tilooŋ saveeŋ tsiau tane ve titaghoni, ene yes timin tamtamon ŋgara ee tau irau ruum ariaaŋa izala mboŋar paavo.

Mutu (Oov)

²⁴ Ghoro Yesu ipasob saveeŋ toni ighaze: “Tovenen tamtoghon tisob to tilooŋ saveeŋ tiou tonene ve titaghoni, yes tinimale ŋgeu ŋgara eez to irei ruum ariaŋa izala boŋar pogho.

Matayu 7:24 Iomraidhean Croise

Matayu 12:50

Pasaa, sei tau ighe itaghon Tamaŋ tau ileep sambam ŋgar tooni, ene imin yau tazig, livug, ve tinaŋ.” Yo 15:14+; Ro 8:29; Hib 2:11+

Matayu 16:18

Yau nasaav payo: Yo ezam Petrus. Yau aat napayooz lupuuŋ tsiau iyooz izala mboŋar ariaaŋa tane. Leso iyooz ariaaŋ, ve mateegh tapiri irau itatani mako. Yo 1:42; Ep 2:20; Syg 21:14

Matayu 24:45

Yesu isaav muul ighe: “Isaav ighe besooŋa eta ŋgar tooni poia, ve tiini ibees pa uraat tau tighuru ila niima, ene pale tiina tooni ighuru imin daaba. Leso iŋgin ruum tooni tomania besooŋa tooni siriv, ve igham lezi aniiŋ ila saawe tau tiina tooni ighuru na. 1Kor 4:2

Matayu 25:2

Zilivaa tawe, liim lezi ŋgar mako, ve liim lezi ŋgar. Yes tau lezi ŋgar mako na, tigham lam toozi ve tila, eemon tikis ŋgoreeŋ siriv pa lam toozi mako. Ve yes tau lezi ŋgar na, titartar poi. Pasaa, tipavon lam toozi, ve tikis ŋgoreeŋ siriv toman patuzi nanarin tauzi.

Matayu 25:9

“Eemon yes tau lezi ŋgar na, tiyol aliŋazi tighe: ‘Ee-e, ŋgoreeŋ tane irau ghiit mako. Ene irau yei taumai mon. Yam ala to yes tau tiraraukol pa ŋgoreeŋ na, ve aghol lemim.’

Matayu 7:25

Tauvene saawe tau uman tiina izi, ve yaa ivot toman tapiri, ve yaghur tiina iburig gha itok ruum tooni, ruum ipol mako. Pasaa, mboŋar ipaloti ve iyooz tuŋia.

Matayu 7:26

“Ve tamtamon tisov tau tiloŋlooŋ saveeŋ tsiau, ve titaghoni mako, ene yes timin ŋeer ee tau le ŋgar mako ve irau ruum tooni sorok izala sausau paavo.

Lukas 11:28

Yesu iyol aliiŋa ighe: “Saveeŋ tsio poia. Eemon yes tau tilooŋ Maaron aliiŋa ve titaghoni, ene aat tintinizi kat pa poia to Maaron tau izaa toozi.” Mt 7:21; Lu 8:15; Yo 14:21; Yems 1:25

Yoan 13:17

Ŋgar tau naghamu ne, yam aghazooŋ pa puughu wa. Isaav ighe ataghoni, ene aat tintinmim, ve poia to Maaron izaa tsiam. Mt 7:24; Yems 1:25

Yoan 14:15

“Isaav ighe lolomim igheen tsiau, yam pale matamim kisin tutuuŋ tsiau, ve ataghon zi. Yo 15:10+; 1Yo 2:3+, 5:3

Yoan 15:10

Isaav ighe matamim kisin tutuuŋ tsiau ve ataghon zi, ene aat awatagh kat aghe yau lolog igheen tsiam, ve aleep iloŋ ila ŋgar tsiau tane irau saawe. Imin yau. Matag kisin Tamaŋ tutuuŋ tooni ta naol ne, ve nataghon zi. Tauta nawatagh naghe i loolo igheen tsiau, ve naleep iloŋ ila ŋgar tooni tana irau saawe. 1Yo 5:3

Yoan 15:14

Isaav ighe ataghon tutuuŋ tau naghuru payam, yam pale atotoi taumim aghe yau zetagŋa duduuŋ ta yam. Mt 12:50; Yo 14:23

Rau Tau Paulus Iboode Pa Yes Roma Rom--Romans 2:13

Ve tayamaan ghiit. Pa loŋaaŋ tutuuŋ mon irau igham ghiit taduduuŋ ila Maaron maata ne mako. Iit aat tataghon tutuuŋ, o taduduuŋ ila i maata. Mt 7:21; Yems 1:22+, 2:22+

1 Yoan 2:3

Isaav ighe mataan kisin Maaron tutuuŋ tooni ve tataghon zi irau saawe, ene irau taghilaal taghe iit tawatagh Maaron. Yo 14:15,21, 15:12