Matayu 4:20 - Maaron Saveeŋ Tooni Patabuyaaŋ Tuam

²⁰ Rekia mon yesuru tipul puugh toozi izi ileple, ve titaghon Yesu gha yesŋa tila. Mt 19:27

Mutu (Oov)

²⁰ Rikia moghon yesuru tipul malum todi tizi tineep, ve titaghon Yesu ve yesŋa tila. Mt 19:27

Matayu 4:20 Iomraidhean Croise

Matayu 10:37

“Isaav ighe tamtamon eta loolo pa taama ma tiina iliiv ghau, ene i poia irau to imin leg mako. Ve isaav ighe ŋeer eta loolo pa natŋa iliiv ghau, ene i paam poia irau to imin leg mako.

Matayu 19:27

Yesu isaav tauvene, ve Petrus iyol aliiŋa ighe: “Ughita. Yei tane, nipul gabua tsiei naol isov izi ileple, ve nilam nitaghon ghom. Saa anooŋa ta pale ivot payei?”

Matayu 4:19

Yesu isaav ila pazi ighe: “Ai, yamru alam ataghon ghau. Leso natotoi eez to ghamuuŋ tamtamon payam.” Mt 13:47

Matayu 4:21

Tilaagh tila rig, ve Yesu ighita Zebedi natŋa ru, Yakobus gha Yoan, yesŋa tamazi tilepleep izala waaŋ, ve tiyaim puugh toozi. Yesu isaav ila pazi ighe tilam titaghoni.

Lukas 5:11

Ra tiloŋ tila tigud waaŋ toozi tizaa, ve tipuliir gabua toozi naol isov tizi tileplez, ve titaghon Yesu gha yesŋa tila. Lu 5:28, 14:33; Pil 3:7+