Matayu 28:1 - Maaron Saveeŋ Tooni Patabuyaaŋ Tuam

¹ Umbom patabuyaaŋ isov, ve saawe imin maata to wik tana mboŋoozo geeg, ve Maria to Magdala yesuru Maria ite tila tighe tigig naal to Yesu.

Mutu (Oov)

¹ Umbom patabuaŋ isob, ve ndag to ivot muuŋ pa wik tonenen, mboŋmaagh kat, ve Maria to Magdala yesuru Maria ite tila tighaze tiŋgig naal to Yesu.

Matayu 28:1 Iomraidhean Croise

Matayu 27:56

Zilivaa tawe, toozi tol, ene Maria to nugh Magdala, ve Maria ite tau Yakobus gha Yosep tinazi na, ve Zebedi azaawa tau Yakobus gha Yoan tinazi na.

Matayu 27:61

Saawe tau tigham uraat tana, Maria to Magdala yesuru Maria ite, mbolezi izi soghan rig, ve matazi ilala pazi.

Lukas 23:56

Tighita le isov, ve timuul tila pa niazi to lepoogh, ve tigharaat naunauŋ ve ŋgoreeŋ tau vaazi popoia na pa Yesu paata. Ra saawe to umbom patabuyaaŋ ivot. Tauvene timariau itaghon tutuuŋ to Maaron.

Lukas 24:1

Umbom patabuyaaŋ isov, ve saawe imin maata to wik tana, mboŋoozo geeg, ve zilivaa tawe tigham naunauŋ ve ŋgoreeŋ tau tigharaat zi na, ve tila pa naal to Yesu.

Lukas 24:22

“Ve ŋgarig mboŋoozo, ndoroome geeg, ve gabua ite ivot. Zilivaa tsiei siriv tigham ghei nirur tiina le ŋgar tsiei imbool. Pasaa, tila naal tooni, eemon tighita Yesu paata igheen muul mako. Ve tighita aŋela tivot toozi, ve tisaav pazi tighe: ‘Yesu ileep maata yaryaare.’ Tauvene timuul tilam, ve tipaesia gabua tana payei.